Livalidza 26 - KITABU KITAKATIFU

Livaliza lia Kaviri lia Vandu va Isiraeli

¹ Ing'inga yu vulwaye vwu kuhambizana vwali nivwakahera, Yahova yavolera Musa harara na Elieza muyaayi wa Haruni,

² “Uvalizi avandu vosi vi zinyumba zia Isiraeli, avasaza vosi vimihiga 20 naho kuzizagilira avaadukana kuzia mu liihi.”

³ Musa na Elieza musaalisi vamoloma navo mu vilelemo via Moabu himbi nu mugera gwa Jorodani ha Jeriko, ni vavavolera,

⁴ valizi avandu kutura ku mihiga 20 naho kuzizagilira kuli Yahova yalaga Musa. Avandu va Isiraeli avaatura mu kivala cha Egebeti vaali:

⁵ Ihiiri ya Rubeni muyaayi wu kutanga wa Yakobo: zihiiri zia Hanoki Palu,

⁶ Hezoroni kandi Karimi.

⁷ Zihiiri yizi ziali avasaza 43,730,

⁸ visukululwi via Palu viali Eliabu,

⁹ na vayaayi veve vaali: Nemueli, Dazani, na Abiramu. Yava nivo avikiduma cha vandu vaatovora. Vambakana Musa na Haruni lwa vahambana nu muganda gwa Kora nivahing'ana na Yahova.

¹⁰ Lirova liguka ni livamira, kandi vakuza harara na Kora nu muganda gwigwe lwu muliru gwa diviza vandu 250. Vamanya nivagwa chukwiganihiza ku vandu.

¹¹ Navuzwa avayaayi va Kora sivitwa mba.

¹² Avandu vihiiri ya Simioni Nemueli, Jamini, Jakini,

¹³ Zera na Shauli.

¹⁴ Avandu vosi vavalizwa vaali 22,200.

¹⁵ Avandu vihiiri ya Gadi vaali: Zefoni, Hagi, Shuni,

¹⁶ Ozini, Eri,

¹⁷ Arodi na Areeri.

¹⁸ Avandu vosi vihiiri ya Gadi vaali 40,500.

¹⁹ Evi na Onani vaali avana va Yuda, navuzwa vakuzira mu Kanaani.

²⁰ Visukululwi via Yuda kolondekana ni viliango viavo vaali: Shela Perezi na Zera.

²¹ Visukululwi via Perezi kolondekana ni viliango viavo vaali: Hezoroni na Hamuli,

²² Avandu vosi vaali 76,500.

²³ Ihiiri ya Isakari kolondekana niviliango viavo vaali: Tola, Pua,

²⁴ Jashubu na Shimuroni.

²⁵ Avandu vosi vaavalizwa vaali 64,300.

²⁶ Ihiiri ya Zabuloni kolondekana ni viliango viavo vaali: Seredi, Eloni na Jahileli.

²⁷ Avandu vosi vaavalizwa vaali 60,500.

²⁸ Ihiiri ya Josefu, uwaali baba wa vayaayi vaviri, vaali: Manase na Efuraimu.

²⁹ Ihiiri ya Manase kolondekana ni viliango viavo vaali: Makiri uwaali baba wa Gileadi;

³⁰ ihiiri ya Gileadi kolondekana ni viliango viavo vaali: Lezeri na Heleki,

³¹ Asirieli, Shekemu,

³² Shemida, na Heferi.

³³ Zelofehadi muyaayi wa Heferi yaali ku na vayaayi mba, navuzwa avakaana venyine. Amita gaavo gaali: Mahila, Nao, Hogula, Milika na Tiriza.

³⁴ Avandu vosi vaavalizwa vaali 52,700.

³⁵ Ihiiri ya Efuraimu kolondekana ni viliango viavo vaali, Shuzela, Bekeri na Tahani.

³⁶ Erani yaali wi kiliango cha Shuzela.

³⁷ Avandu vosi vaavalizwa vaali 32,500. Avandu yava vosi vaatura ku ihiiri ya Josefu.

³⁸ Ihiiri ya Benjamini kolondekana ni viliango viavo vaali: Bela, Ashibeli, Ahiramu,

³⁹ Shefufamu na Hufamu;

⁴⁰ Aridi na Naamani vaali vi kiliango cha Bela.

⁴¹ Avandu vosi vaavalizwa vaali 45,600.

⁴² Ihiiri ya Dani kolondekana ni viliango viavo harara na Shuhamu,

⁴³ vosi vaali avandu 64,400.

⁴⁴ Ihiiri ya Asheri kolondekana ni viliango viavo vaali: Imina, Ishivi na Beria.

⁴⁵ Heberi na Malikieli vaatura ku kiliango cha Beria.

⁴⁶ Asheri yaali nu mukaana walangwa Sera.

⁴⁷ Avandu vosi vavalizwa vaali 53,400.

⁴⁸ Ihiiri ya Nafutali kolondekana ni viliango viavo vaali: Jahizeli, Guni

⁴⁹ Jezeri na Shilemu

⁵⁰ Avandu vosi vavalizwa vaali 45,400.

⁵¹ Avandu vosi va Isiraeli avavalizwa vaali 601,730.

⁵² Yahova yavolera Musa,

⁵³ “Ugavuli kivala cha Kanaani hagati hi zihiiri, kolondekana nu vunyingi vwavo.

⁵⁴ Uhaane kedonye kenene chi miandu ku ihiiri inene, kedonye kekekeeke ku ihiiri engekeeke. Vuli ihiiri ilanyoola miandu kolondekana nu vunyingi vwa vandu.

⁵⁵ Navuzwa kivala kilagavulwa ku likuba ikura, kolondekana na mita ga vaguuga vaavo.

⁵⁶ Miandu jaavo gilagavulanywa kulikuba zikuura hagati hu vunyingi kandi vokekeeke vwi zihiiri.”

⁵⁷ Ihiiri ya vandu va Levi yaali ni viliango via Gerishoni, Kohazi na Merari.

⁵⁸ Visukululwi viavo viali harara ni viliango vikekeke via Libini, Heburoni, Mahili, Mushi na Kora Kohazi, yaali baba wa Amuramu,

⁵⁹ waleeta Jokebedi mukaana wa Levi wivulwa mu kivala cha Egebeti. Yivulira Amuramu avayaayi vaviri Haruni na Musa, nu mukaana Miriamu.

⁶⁰ Haruni, yaali na vayaayi vane, Nadabu, Abihu, Elieza na Izamara.

⁶¹ Nadabu na Abihu vaakuza lwavahaana umuliru gutaveeye mutakase ku Yahova.

⁶² Avayaayi va Levi kutura ku mweli mulala kuzizagila vaali 23,000 vang'odwa halovega kutura ku vandu va Isiraeli kigira sivanyoola ku miandu josi mu Isiraeli mba.

⁶³ Viliango yivi ving'odwa na Musa harara na Elieza musaalisi lwa vavaliza vandu va Isiraeli mu vilelemo via Moabu ku lwangereka lwu mugera gwa Jorodani kutura Jeriko.

⁶⁴ Sihaliho nu mundu kali mulala watigala ku yavo va Musa harara na Haruni vang'odwa mu livaliza liali liu kutanga mu changalangwi cha Sinai mba.

⁶⁵ Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.