Livalidza 2 - KITABU KITAKATIFU

Lilohiza lie Zihiiri Havundu Hokososera

¹ Yahova yahaana malago yaga ku Musa na Haruni.

² Lwa vandu va Isiraeli vumbaka mahema gaavo, vuli mundu alalomba hokososera hehe isi we bendera yu muganda gwigwe harara ni vilolero via vaguuga vaavo. Valumbaka mahema gaavo kukumberiza Lihema liukuvuganiramu.

³ Ihiiri yumbaka kulovega lwi Ivugwi wi liuva litongera, ilava ihiiri ye bendera yu muganda gwa Yuda. Mwimiliri wavo alava Nashoni muyaayi wa Aminadabu.

⁴ Muganda gwigwe negoveeye vandu 74,600.

⁵ Ihiiri ya Isakari ilumbaka himbi kuvo. Mwimiliri wavo naveeye Nezaneli muyaayi wa Zuari.

⁶ Muganda gwigwe nigoveeye gwa vandu 54,400.

⁷ Maku ihiiri ya Zabuloni ilava ahimbi ni ihiiri ya Isakari. Mwimiliri wavo naveeye Eliabu muyaayi wa Heloni,

⁸ muganda gwigwe nigoveeye gwa vandu 75,400.

⁹ Avandu vosi avaari havundu hokososa kolondekana ni miganda jaavo vaali 86,400. Yava valava vukutanga kuzia mu vulwani.

¹⁰ Zihiiri ziumbaka kolovega lwi Isavaalu valava vandu ve bendera yu muganda gwa Rubeni. Mwimiliri wavo alava Elizuri muyaayi wa Shedeuri.

¹¹ Muganda gwigwe nigoveeye gwa vandu 46,500.

¹² Ihiiri ya Simioni ilumbaka himbi navo. Mwimiliri wavo alava Shelumieli muyaayi wa Zurishadai.

¹³ Muganda gwigwe nigoveeye gwa vandu 59,300.

¹⁴ Ihiiri ya Gadi ilumbaka himbi ni ihiiri ya Simioni. Mwimiliri wavo alava Eliasafu muyaayi wa Deyeli.

¹⁵ Muganda gwigwe nigoveeye gwa vandu 45,650.

¹⁶ Avandu vosi avaari havundu hokososa kolondekana ni miganda jaavo vaali 151,450. Yava valakave vakaviri kuzia mu vulwani.

¹⁷ Lihema liukuvuganiramu lilumbakwa harara nohokososela hi ihiiri ya Levi hagati hi miganda jokososa. Valatura kuzia kolondekana kuli vumbaka havundu haavo hokososa, vuli muganda nigwimiriywi ne bendera yagwo.

¹⁸ Zihiiri ziumbaka kolovega lwi madioli zilava vandu ve bendera yu muganda gwa Efuraimu nivimiliywi ne bendera yaavo. Mwimiliri wavo alava Elishama muyaayi wa Amihudi.

¹⁹ Muganda gwigwe nigoveeye gwa vandu 40,500.

²⁰ Ihiiri ya Manase ilumbaka himbi ni ihiiri ya Efuraimu. Mwimiliri wa gwo alava Gamalieli muyaayi wa Pedahizuri.

²¹ Muganda gwigwe nigoveeye gwa vandu 32,200.

²² Ihiiri ya Benjamini ilumbaka himbi ni ihiiri ya Manase. Mwimiliri wavo alava Abidani muyaayi wa Gidioni.

²³ Muganda gwigwe nigoveeye vandu 35,400.

²⁴ Avandu vosi avaari havundu hokososa kolondekana ni miganda jaavo vaali 108,100. Yava valava vakavaga kuzia muvulwani.

²⁵ Zihiiri ziumbaka kolovega lwi Ivaale zilava vandu ve bendera yu muganda gwa Dani. Mwimiliri wavo alava Ahiezeri muyaayi wa Amishadai.

²⁶ Muganda gwigwe gulava gwa vandu 62,700.

²⁷ Ihiiri ya Asheri ilumbaka ahimbi ni hiiri ya Dani. Mwimiliri wavo alava Pagieli muyaayi wa Okirani.

²⁸ Muganda gwigwe nigoveeye gwa vandu 41,500.

²⁹ Ihiiri ya Nafutali ilumbaka ahimbi ni ihiiri ya Dani. Mwimiliri wavo naveeye Ahira muyaayi wa Enani.

³⁰ Muganda gwigwe nigoveeye gwa vandu 53,500.

³¹ Avandu vosi vumuganda gwa Dani vaali 157,600. Ihiiri ya Dani ilava yu kumaliriza kutura nu kuzia.

³² Avandu va Isiraeli vosi avavalizwa kolondekana ni zihiiri ziavo kandi mu miganda jaavo havundu hokososa vaali 603,550.

³³ Avandu vi hiiri ya Levi si vavalizwa harara na vandu va Isiraeli mba, kuli Yahova yaali nalagi Musa.

³⁴ Kunangwa, Avandu va Isiraeli vaakora vuli kindu choosi cha Yahova yaali nalagi Musa. Vumbaka hokososa haavo mu miganda, vuli muganda gwimiliywi nebendera yagwo; kandi vagenda ni vazia kolondekana na vandu vinyumba yeeye.