Litanga 6 - KITABU KITAKATIFU

Uvuchamu vwu Mundu

¹ Lwa avandu vameedeka ku lirova, viivula kandi avana vakana.

² Vilala ku virombe viu mwigulu vialola ndi avakaana yavo vaali valahi viligondo lilahi ligali, kunangwa vaavugura yavo avavayaanzaa.

³ Maku Yahova yavoola, “Inzi si ndavugilira avandu komenya mihiga ni mihiga mba kigira vaveeye vandu vakuza. Kutura kalunu si valahindira kuvita mihiga 120 mba.”

⁴ Mu madiku yago, kandi kali lwa ha inyima, ku, mindu minene jaali ku lirova jaali visukululwi via avandu vakali kandi vilombe viu mwigulu. Jaali mindu minene ligali kandi jamanyikana mu madiku ga kale.

⁵ Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

⁶ yaali novovereri ligali kulilomba mundu nukumuviika ku lirova. Yidula ligali

⁷ ma navoora ndi, “Inzi ndadiviza avandu yava avandamala kolomba, kandi nizinyama namanyonyi, kigira mbeeye novovereri ndi ndaavilomba.”

⁸ Navuzwa Nuhu yaayanziza Yahova.

Nuhu

⁹ Yaga namakura ga Nuhu. Nuhu yaali umundu mulungi, vugira imbara hagati ha avandu mu ing'inga yeeye, kandi yatia Nyasaye.

¹⁰ Yaali navayayi vavaga, Shemu, Hamu, na Jafeza.

¹¹ Vuli umundu yaali mudamanu imbiri wa Nyasaye kandi kirage chaali havundu hoosi.

¹² Nyasaye yahenza ku lirova nalora ndi liali lidamanu, kigira avandu vosi vamenya mu likora vudamanu.

¹³ Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

¹⁴ Wiyumbakiri liato mwene kutura ku misaala milahi. Olombe mu ving'oze kandi uvake iramu mugati ni ichova.

¹⁵ Ulilombe zimita 133 vutambi, zimita 22 vuvambalaru, kandi zimita 13 vudiguluku.

¹⁶ Olombe igulu vwi liato kandi oleke vwiyangu zisendimita 44 hagati hi igulu vwi liato nu muzimbega. Uliumbake mu vika vivaga kandi uviiki kiliango halovega.

¹⁷ Inzi nziza kutuma imbura yi migelera ku lirova kudiviza kindu choosi kemenyi kulio. Vuli kindu ku lirova vilakakuzi,

¹⁸ navuzwa inzi ndakalombe lilagana na ivi. Kandi ulakazie muliato nu mukali woovo, navayayi vovo kandi navakari vaavo.

¹⁹ Oleete muliato vilombe viviri viosi ku vuli kilombe kiveeye mwoyo, kisaza nikikali, viduuki kuva mwoyo harara na ivi.

²⁰ Kuvuli manyonyi kolondekana nu lugano lwago, kandi zinyama kolondekana nulugano lwazio. Kandi vuli vindu viosi vimolaa kumalova, viviri kuvuli viosi vilaza ku ivi viduuki kuva mwoyo

²¹ Uvuguli viukulia vie zing'ano ziosi, ivivio kandi viazo.”

²² Nuhu yakola vuli kindu choosi cha Nyasaye yamulaga.