Litanga 10 - KITABU KITAKATIFU

Visukululwi via vayaayi va Nuhu

¹ Yivi ni visukululwi via vayaayi va Nuhu, Shemu, Hamu, na Jafeza. Vavaga yava vanyoola avana vayaayi inyima wi migelera jamazi.

² Vayaayi va Jafeza vaali, Gomeri, Magogi, Madai, Javani, Tubali, Mesheki na Tirasi.

³ Visukululwi via Gomeri viali avandu va Ashikenazi, Rifazi na Togama.

⁴ Visukululwi via Javani viali avandu va Elisha, Sipeini, Saipurasi na Rode.

⁵ Vaali avaguuga va vandu vamenya ahimbi ku visulu vienyanza. Yivi nivisukululwi via Jafeza, ivimenyi muzihiiri nivivala viavo lugano na lugano vuli muganda nigumoloma lulimi lwagwo.

⁶ Vayaayi va Hamu vaali, Kushi, Egebeti, Libia na Kanaani.

⁷ Visukululwi via Kushi viali, Seba, Havila, Sabita, Raama na Sabuteka. Visukululwi via Raama viali avandu kutura Sheba na Dedani.

⁸ Kushi yaali nu muyaayi walangwa Nimurodi, uwaali mundu wu kutanga mu lirova kuva ni zinguru zinene.

⁹ Yaali muhimi munene kigira Yahova yamukonya, kandi nicho chagira avandu vavoola, “Vwakaveeye vulahi Yahova nakokoli kuva muhimi munene kuli Nimurodi!”

¹⁰ Mulitanga vwamihi vwivwe vwali, Babiloni, Ereki na Akadi, viosi vivaga viali mu Babiloni.

¹¹ Kutura mukivala yicho yazia Asiria ma ni yumbaka madaala manene ga Nineve, Rehobozi Iri, Kala,

¹² na Reseni, agaveeye hagati ha Nineve ni lidaala linene lia Kala.

¹³ Visukululwi via Egebeti viali avandu va Lidia, Anami, Lehabu, Nafutu,

¹⁴ Pazurasi, Kasiluhi na ava Kerete ivisukulurwi via Vafilisitia vaatura ku.

¹⁵ Avayaayi va Kanaani valii, Sidoni muyaayi wimbiri na Heenzi.

¹⁶ Kanaani yaali kandi guuga wa avandu va Jebusi, Amori, Girigashi,

¹⁷ Hivi, Riki, Sini,

¹⁸ Rivadi, Zemari na Hamazi. Zihiiri lugano na lugano zia avandu va Kanaani zia randa,

¹⁹ kuduuka lwi zinzako zia Kanaani ziatula Sidoni, mulovega lwa Gerari ahimbi Gaza, kandi mulovega lwa Sodoma, Gomora, Adama na Zeboiimu ahimbi Lasha.

²⁰ Yivi nivisukululwi via Hamu, ivimenyaa muzihiiri ziavo lugano na lugano kandi nivivala viavo lugano na lugano. Vuli muganda gwamoloma lulimi lwavo.

²¹ Shemu muyaayi wanga Jafeza wukutanga kandi yaali guuga uwi zihiiri zia Eberi ziosi.

²² Avayaayi va Shemu vaali, Elamu, Ashuri, Aripakishadi Ludi na Aramu.

²³ Visukululwi via Aramu viali avandu va Uzi, Huli, Gezerina, Mesheki.

²⁴ Aripakishadi yaali baba wa Shela na Shela yaali baba wa Eberi.

²⁵ Eberi yaali navayayi vaviri: mulala yalangwa Pelegi, kigira mu ing'inga yeeye avandu vi kivala vagavulanywa; kandi wundi yalangwa Jokitani.

²⁶ Visukululwi via Jokitani viali avandu va Alimodadi, Shelefu, Hazarimavezi, Jera,

²⁷ Hadoramu, Uzali, Dikila,

²⁸ Obali, Abimaeli, Sheba,

²⁹ Ofura, Havila na Jobabu. Yava vosi vaali visukululwi via Jokitani.

³⁰ Kivala cha vamenya mu chaali kutura Mesha kuduuka Sefari mukivala chi kiguru Ivugwi.

³¹ Yivi ni visukululwi via Shemu, ivimenyaa muzihiiri ziavo lugano na lugano kandi ni vivala viavo lugano na lugano, vuli muganda gwamoloma lulimi lwagwo.

³² Avandu yava vosi vaveeye visukululwi via Nuhu, ihiiri ku ihiiri kolondekana ku zihiiri ziavo lugano na lugano. Inyima wi migelera jamazi zihiiri ziosi zie lirova ziatula ku avayaayi va Nuhu.