Lisyoma lya Jeremia 5 - KITABU KITAKATIFU

Lisaala Kigira Zimbavasi

¹ Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

² Miandu jietu jiveeye mumakono ga vandu avageni; avageni vamenyi muzinyumba zietu.

³ Avasigu vamali kwita vababa viitu, kandi kalunu avamama viitu vaveeye avakunzakali.

⁴ Kuduuka kutungi amazi gakunwezaa; kuduuka kuguli iziingu ziakodekera.

⁵ Kumali kuluha kandi sikonyolaa lisosa mba kigira: kusugumangwa vudinyu ni iniira ku mang'oti giitu.

⁶ Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

⁷ Avaguuga viitu vakora uvwoni, navuzwa kalunu sivaveeyeho mba, kandi kusalirizwa kigira uvwoni vwavo.

⁸ Avatugwa vakwamihaa; siaveeye ho kali mulala unyala kokohonyia kutura kuzinguru ziavo mba.

⁹ Aviiti vavoyavoya muligendanyama; koveeye muvuhimwa lwa kwenya chukulia.

¹⁰ Inzara igiri konyooye vulwaye kuduuka ligodo lietu ligwiyi lihiu ligali kuli lihiga.

¹¹ Avakali viitu vamali kwononywilwa ku kiguru cha Ziyoni chene; mu vuli kadaala twi Ivuyuda avakaana viitu vamali kunigwa kuhaana miviri jaavo.

¹² Aviimiliri viitu vamali kuvugulwa nukusungwa; avakulundu viitu sivegehizirwa mba.

¹³ Avayaayi viitu vasoleri vanigwa kusia vuswage kuli avatugwa; avayaayi vayekayeka nivagingi zinganya zindiduhu ziezingu.

¹⁴ Avakulundu vamali kutura havundu havavuganira mu kirivwa chi lidaala linene, avayaayi vasoleri vamali kolekera kwimba.

¹⁵ Vuyanzi vutura mu mioyo jietu; livina lietu ligirung'ana kugwa lisioma.

¹⁶ Uluyali tula ku kunyi O, vayaayi kivi keveeye ku kunyi, kigira kwamala kokora uvwoni!

¹⁷ Kigira yaga mioyo jiitu jiveeye midedekere; kigira ivindu yivi zimoni zietu zizengeye.

¹⁸ Kigira kiguru cha Ziyoni kitigaa hazwa, kandi vivwi vwumuvulimu vigenda mumang'anye ga cho.

¹⁹ Navuzwa ivi, O, Yahova, wamihaa mihiga ni mihiga; endeve yooyo yu vwami vwuvwo ihindiraa ku amakura na makura.

²⁰ Kigira ki vakoleka kuing'inga itambi? Yivi alakakwizuliziku kandi?

²¹ O, Yahova, ukwiranyie ku ivi! Ukwiranyie! Ukwiranyiri vukumi vwitu vwali vwizing'inga zia kale.

²² Anoho ivi waakusula kunyi ligali? Ivi ulazizagilira kuva nu vutima ni kunyi?