Kyavalevi 4 - KITABU KITAKATIFU

Vihaanwa viu Vwoni vwa Matava

¹ Yahova yalaga Musa,

² avolere vandu va Isiraeli ndi niiva mundu woosi alakola vwoni nukuvunanyia lilala ku malago ga Yahova vugira kusaavira kukola ndio, gamuduukira alonde malago yaga.

³ Niiva nu Musaalisi Munene, uva naakori vwoni, nukuviika vandu mu vwoni, kuduuka ahaane kisiuviriru chi kemoli kigiriki kitaveeye niimbala kigira vwoni vwivwe ku Yahova kuli kihanwa chu vwoni.

⁴ Alaleeta igiriki zana ha kirivwa chi Lihema liukuvuganira mu na Yahova. Alaviika mukono gwigwe mulungi ku mutwi gwi giriki zana, nokugisinzira hazana yaho imbiri wa Yahova.

⁵ Kunangwa, musaalisi Munene zana alavugula ku masahi gekemoli kigiriki zana ma agaleete mu Lihema.

⁶ Naye aliina kedete chiche mu masahi, nukuguuha haali saba imbiri wi inguvu yakinga hatakatifu huvutakatifu.

⁷ Musaalisi alavugula ku masahi nukugaviika ku zinziga ziu uvwali ahukusambira kimuli mu Lihema. Alasundula masahi gatigaye goosi ku uvwaliru vwu vwukusambira ku visiuviliru, ovoveeye mu vwingiliru vwi Lihema.

⁸ Musaalisi Munene oyo alatuliza itinya yoosi kutura ku kemoli kigiriki, eveeye ku vindu viosi viu munda,

⁹ zimbigu ziombi nitinya eveeye kuzio, ne kedonye, kilahi chi ingudumani.

¹⁰ Musaalisi alavugula itinya yeyo nokugisambira ku uvwali vwu kusambira ku vihaanwa, kuli itinya itulizwa mu inyama ihaanwa kuli kihanwa chi mirembe.

¹¹ Navuzwa kesero chi igiriki ni inyama yayo harara numutwi kandi nivirenge, vindu viu munda viosi harara namala gayo harara novose,

¹² agaveeye kovora, yoosi itigalaa. Alagiginga nukuhila chova wa hokososa haveeye halahi hokokolera miruka; ahiligoke lisundulwa, hene yaho, ulagisambira ho ku muliru gwi zingu.

¹³ Niiva navandu vosi va Isiraeli vaakora vwoni, nukugwa avahioli ku livunanyia lilala ku malago ga Yahova yavaha vugira kusaavira;

¹⁴ Nonoho lwu vwoni vwavo vumanyikana, vandu vosi valahaana kemoli kigiriki kuli kihanwa chu vwoni. Valakeleeta imbiri wi Lihema kuvuganira mu na Yahova.

¹⁵ Aviimiliri va vandu va isiraeli valaviika makono gaavo ku mutwi gwekemoli kigiriki, na kilasinzirwa hene yaho,

¹⁶ Musaalisi Munene alavugula ku masahi gi giriki zana agahili mu Lihema.

¹⁷ Aliina kedete chiche mu masahi zana nukuguuha haali saba imbiri wi inguvu kinga hatakatifu, huvutakatifu.

¹⁸ Alaviika malala ku masahi yago ku zinziga ziuku vwali vwi kimuli ovoveeye mu Lihema. Alasundula masahi gatigaye goosi ku lwaalo lwu uvwali vwi kihanwa chukusambwa ovoveeye ha vwingiliru hi Lihema.

¹⁹ Alavugula itinya yayo yoosi nukugisambira ku uvwali

²⁰ Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa.

²¹ Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

²² Niiva mwamihi akolaa uvwoni ma anyoleke uvunanyi lilala ku malago ga Yahova yalaga vugira kusaavira,

²³ na ahene yaho lwa avoolerwa uvwoni vwivwe vwa yakola yivwo, alaleeta imburi ekole itaveeye nimbala kuva kuli kihanwa chiche.

²⁴ Alaviika mukono gwigwe mulungi ku mutwi gwi imburi zana, alagisinziri kolovega lwi ivaale uvwali ahi mitugu chu kusambwa jitirwa imbiri wa Yahova. Keveeye kihanwa chu uvwoni.

²⁵ Musaalisi aliina kedete chiche mumasaahi gi kihanwa chu vwoni nokugavaka ku zinziga ziu uvwali. Alasundula masahi gatigalaa ku vwaaliru vwu uvwali vwukusamba ku vihaanwa.

²⁶ Maku, alasamba itinya yayo yoosi ku uvwali, kuli akolaa ku itinya yi kihanwa chi mirembe. Munzira yiyi, musaalisi alahaana kisiuviriru chu uvwoni vwu mwami naye alasaamifwa.

²⁷ Niiva ni mulala ku avandu vandi vosi ukola uvwoni na aduuki kuhiola ku livunanyia lilala ku malago ga Yahova yalaga vugira kusaavira,

²⁸ maku yaho lwu uvwoni vwivwe vumanyikana, alahaana imburi isuveni vugira imbara, kigira uvwoni vwivwe vwa yakola.

²⁹ Alaviika mukono gwigwe mulungi ku mutwi gwi imburi zana, na alagisinzira kolovega lwi ivaale wu uvwali, hi mitugu ji vihaanwa viukusambwa visinzirwaa

³⁰ Musaalisi aliina kedete chiche mu masahi gi imburi zana nokugavaka ku zinziga ziu uvwali. Alasundula masahi gatigaye ku lwaalo lwu uvwali vwi kihanwa chukusambwa.

³¹ Alatuliza itinya yayo yoosi, kuli itinya yi vihaanwa vie mirembe. Alagisambira ku uvwali kunangwa lifunya mwayu gwayo guduuki kuyaanziza Yahova. Nandio, Musaalisi alahaana kisiuviriru kigira uvwoni vwu mundu uyu, kandi alasaamifwa.

³² Niiva mundu woosi alaleeta kememe chi ligondi kuli kihanwa chiche chu uvwoni, kuduuka keve kisuveni vugira imbara.

³³ Alaviika mukono gwigwe mulungi ku mutwi gwacho ma akisinziri ku uvwali hi visiuviliru viu uvwoni visinzirwaa.

³⁴ Musaalisi aliina kedete chiche mumasaahi gu mutugu nukugavaka ku zinziga ziu uvwali. Alasundula amasahi gacho gatigaye goosi mu vwaaliru vwu uvwali.

³⁵ Maku alatuliza mu itinya yayo yoosi, itinya itulizwa mu ligondi lisinziywi kigira kihanwa chi mirembe. Musaalisi alagisaamba harara ni vihaanwa vie viukulia vihaanwa ku Yahova. Nandio musaalisi alahaana kisiuviriru chu uvwoni vwu mundu kandi naye alasaamifwa.