Kyavalevi 20 - KITABU KITAKATIFU

Amageri ku Avandu Vatahulira Amalago

¹ Yahova yavolera Musa

² avolere Avaisiraeli ndi, “Mundu woosi, Umuisiraeli anoho mugeni omenya hagati hinyu uhaana mulala ku avana veve kutumikirwa mu lisigamirwa munyasaye ulangwa Moleki, avandu vosi vikivala yicho valamulasa na magina, aduuki kukuza.

³ Niiva mundu woosi ahaanaa mulala ku avana veve ku Moleki no kolomba Lihema liange litakatifu kuva lidamanu no kuhaana zisoni ku lieta liange Litakatifu, ndamuleka kandi sindamuvaliza kuva mulala ku avandu vange mba.

⁴ Navuzwa niiva avandu vikivala yicho vosi valahuhiza kekolwa chu umundu oyo akoli, ma vavuli kumwita,

⁵ Inzi mwene ndagirung'ana kuva musigu wumundu oyo harara navandu vosi vinyumba yeeye; kandi ku yavo vosi vahambanaa naye kandi vavura kuva vasuuvirifu ku Inzi Nyasaye, nukusigamira munyasaye Moleki. Sindavavaliza kuva avandu vange kandi mba.

⁶ “Niiva mundu agirung'ana nu kuzia kwenya zing'anagani kutura ku avakumu, Inzi ndagirung'ana kuva musigu weve, na sindamuvaliza kuva mulala ku avandu vange kandi mba.

⁷ Kunangwa mwitakase munyi vene kandi muve avatakatifu, kigira Inzi mbeeye Yahova Nyasaye winyu.

⁸ Mugumiri malago gange nokugakola. Inzi mbeeye Yahova, umutakasaa.”

⁹ Niiva mundu woosi alaama baba weve anoho mama weve kuduuka yiitwi. Amasahi geege galava kuye mwene.

¹⁰ Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

¹¹ Niiva umundu ava harara nu mulala ku vakali vababa weve, oyo umali kuhaana zisoni ku baba weve. Yava vombi kuduuka viitwi. Sivaladula umundu ku likuza liavo mba.

¹² Niiva musaza ava harara na navizara weeve wikikali, vombi kuduuka viitwi. Vamali kokora kivihiri kenene ligali kandi sivaladula umundu ku likuza liavo mba.

¹³ Niiva umundu musaza alava harara nu musaza wache kuli mukali, vombi vakoli gukuvihiliriza ligali, na kuduuka vombi viitwi. Sivaladula umundu ku likuza liavo mba.

¹⁴ Niiva umundu alaleeta mukali harara na mama weve, kuva avakali veve vosi vavaga kuduuka vasambwe nu muliru, vakuze, kigira ni kindu chi zisoni cha vamali kokora. Kindu kuli yiki sikilavugilirwa hagati hinyu mba.

¹⁵ Niiva musaza agona nu mutugu, oyo harara nu mutugu yigwo kuduuka viitwi.

¹⁶ Niiva mukali ava harara nu mutugu kuli umundu musaza, kuduuka mukali oyo harara nu mutugu viitwi.

¹⁷ Niiva musaza aleetaa mbozo weve, mukaana wa baba weve anoho wamama weve, na vombi vagone harara, keveeye ikindu chizisoni ligali. Kuduuka vakungwi kutura hagati ha avandu vaavo umali kwonogonyia nukuha mbozo weve zisoni, na kuduuka agingi vudamanu vwivwe mwene.

¹⁸ Niiva musaza agona numukali mu ing'inga yeeye yumweli, kuduuka vombi vakungwi kutura hagati ha vandu vaavo kigira vamali kuvunanyia malago.

¹⁹ Niiva umundu alagona harara na senge weve kuli mukali, kuduuka vombi vasalirizwi kigira vwoni vwavo.

²⁰ Niiva mundu alagona harara numukali wa koza weve kuli mukali, ahaanaa zisoni ku koza weve vombi valaginga vudamanu vwayo vene na kuduuka vakuzi avagumba.

²¹ Niiva umundu alaleeta mukali wa mwavo weve kuva mukali weve, voveeye uvudamanu. Umali kuha amwavo weve zisoni ligali. Vombi valakuza vagumba.

²² Mulagumira miima jange josi na malago gange goosi nokugakola, kunangwa kivala cha muhiraa komenya mu kivuli kumusura.

²³ Mutalonda imiima ja avandu vamenya yo mba, Inzi nziza kuvakunga vatuli imbiri winyu kunangwa muduuki kwingira mu kivala yiki. Vamali kumbihiliriza ni vikolwa viavo ividamanu.

²⁴ Navuzwa Inzi mali kumusuuviriza ndi ndamuha kivala kitugi kandi kenoru yiki kuva miandu jinyu. Inzi mbeeye Yahova Nyasaye winyu, kandi mali kumwahula kutura mu zihiiri zindi.

²⁵ Kulwayaga, kuduuka mwavukanyie hagati hiinyama eveeye indahi na eveeye indamanu, kandi hagati hi linyonyi liveeye lilahi na litaveeye lilahi. Mutekoli avandamanu kigira inyama anoho linyonyi, anoho ivindu viosi viveeye mu kivala, via ndaviika halovega kuva ividamanu mba.

²⁶ Munyi mulava avatakatifu ku Inzi kigira Inzi Yahova mbeeye umutakatifu kandi mali kumwahula kutura ku zihiiri zindi ziosi kunangwa muduuki kuva avandu vange.

²⁷ “Umundu woosi, musaza anoho umundu mukali uzizaa ku vakumu kuduuka alaswe magina akuzi. Umundu woosi okolaa ndio, sialadula umundu kigira likuza lilie mba.”