Kohelethu 11 - KITABU KITAKATIFU

Likora liu mundu mugeri

¹ Koveeye ni livoora lia makuva ndi, “Usiuvi viukulia vivio ku mazi, na inyima wi ing'inga idukanaa, ulavinyoola kandi.”

² Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

³ Niiva malesi nigamwami, imbura imanya ikubaa. Kali musaala ni gugwiyi Isavaalu anaho Ivaale hagugwiyi niho hagogona.

⁴ Oyo ohenzeriza imbuza sianyala kutaga mba, kandi oyo ohenza ku malesi sianyala kogesa mba.

⁵ Nyasaye yalomba vuli kindu choosi na siunyala kumanyiriza chaakolaa, kuli uvula kumanyiriza kuli mwana atangaa kwelomba munda mwu mundu mukali.

⁶ Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

⁷ Nivulahi kusangalira vulavu vulahi vwi lidiku.

⁸ Mundu asandizi ku madiku goosi gaveeye mwoyo, navuzwa yizulizi ndi alakakuzi ku mihiga minyingi. Vuli kindu choosi keveeye vuzwa.

Amigizu ku vayaayi

⁹ Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

¹⁰ Utahenda mwoyo ku kindu choosi mba, anoho utava nu vuzunu vwu vudinyu mba, kigira ing'inga yo voyaayi eveeye engekeeke.