Joshua 15 - KITABU KITAKATIFU

Kivala chahaanwa ku Ihiiri ya Yuda

¹ Avandu vi Ihiiri ya Yuda vosi vanyoola kidieli chi kivala kolondekana ni viliango viayo kuli ndi: Kivala ichaduuka isavaalu ku keheri mwigendanyama lia Zini ha lwako lwa Edomu.

² Lwako lwi Isavaalu yilu lwaduuka ku keheri cha Isavaalu wi Inyanza yi Jumbi.

³ Lwazia kolovega lwi Isavaalu kutura ku Vwingiliru vwa Akurabimu kandi kuduuka Zini. Lwazia kuduuka Isavaalu wa Kadeshi Barinea. Kandi kuvitira Hezoroni, kandi kuduuka Adari; kandi nilugirung'ana kohenza Karika,

⁴ niluzizagilira kuduuka ku lidaala linene lia Azimoni. Kutura uwene yeyo, lwameedeka kolonda vulungi ku mugera ku lwako lwa Egebeti nilohenzi kolovega lwi Ivaale kuduuka kunyanza ya Meditareniani; uwulwako lwahera. Yilwo nilwo ulwaali ulwako lwi Isavaalu wa Ivuyuda.

⁵ Lwako lwi Ivugwi lwa ihiiri ya Yuda lwali inyanza yi jumbi. Lwako lwi Ivugwi yilu lwameedeka kuduuka Ivaale havundu hu mugera gwa Jorodani guzukiraa amazi munyanza yi Jumbi. Lwako lwo olovega lwa Ivaale lutangiraa aheene yaho,

⁶ nilomeedeka kuduuka Bezi-hogula, kandi niluzia kolovega lwa Ivaale wolosoma lohenza livona lia Jorodani. Aheene yaho, lwazia kuduuka ku ligina lia Bohani, iliagulikwa inyima wa Bohani, muyaayi wa Rubeni.

⁷ Lwako lwazia kuduuka Debiri kutura ku Livona lia Akori liveeye kovora livona lie Lidambizwa kandi nilugirung'ana kuzia ivaale kuduuka Giligali, ilihenzaa vwingiliru vwa Adumimu kolovega lwi isavaalu wi livona zana. Maku lwazizagilira kuduuka ku vidaho via Enishemeshi kandi niluduuka ha keheri chalwo ha Enirogeli;

⁸ kandi kwanigira kuvitira mu Livona lia Hinomu, kolovega lwa Isavaalu wi kiguru uwi lidaala linene lia vandu va Jebusi lia Jerusalemi liali. Ahene yaho, lwako lwazizagilira kwanigira kuduuka kondongozi kwi kiguru, kolovega lwi imadioli wi Livona lia Hinomu: ha keheri cha Ivaale wi Livona lia Refaimu.

⁹ Kutura uwene yeyo lwazia kuduuka ku vidaho via Mefitoa kandi ichova kuduuka ki madaala manene gaveeye himbi ni kiguru cha Efuroni. Uwene yeyo lwagirung'ana kohenza lidaala lia Baala, ililangwa kalunu Kiriazi-Jearimu;

¹⁰ aha liavodong'ana imadioli wa Baala kuzia mu kivala chi Vigulu cha Edomu, niluzizagilira kolovega lwi Ivaale wi kiguru cha Jearimu, ikilangwa kalunu Chesaloni, kusulunguta Bezi-shemeshi, kandi kuvitira ahimbi Timina.

¹¹ Kunangwa lwako zana lwazizagilira komeedeka kuduuka ku kiguru Ivaale wa Ekironi, nilugilung'ana kohenza Shikeroni, kuvitira ku kiguru cha Baala, kandi kuduuka Jamunia. Lwaduuka kunyanza ya Meditareniani,

¹² inyanza yiyi yalomba lwako lwimadioli. Avandu va ihiiri ya Yuda vamenya mugati mwi zinzako yizi.

Kalebu Yaguuta Heburoni na Debiri

¹³ Kuli Yahova yaali nalagi Joshua, kedonye chi kivala chi Ivuyuda chahaanwa ku Kalebu, muyaayi wa Jefune, kutura mu ihiiri ya Yuda. Yanyoora lidaala linene lia Heburoni, lidaala liali lia Ariba, baba Anaki.

¹⁴ Tuhiiri twa Sheshai, Ahimani, na Talimai, visukululwi via Anaki, vamenya mu lidaala linene lia Heburoni ku ing'inga yeyo. Kalebu yavakunga vosi kutura mu lidaala zana kandi naalivugura.

¹⁵ Kutura aheene yaho, yazia kuvingilira nukulwana avandu vamenyi mu lidaala lia Debiri. Lidaala linene yili lialangwa Kiriazi Sefa ku maziambiri.

¹⁶ Kalebu yavoola, “Ndahaana mukaana wange Akisa aleetwe nu musaza unyaliza kuguuta nu kugumira lidaala lia Kiriazi Sefa.”

¹⁷ Ozinieli, muyaayi wa Kenazi amwavo Kalebu yagumira lidaala linene zana yilio, kunangwa Kalebu yamuha mukaana weve Akisa ave mukali weve.

¹⁸ Ku lidiku lie keserero, Ozinieli yagoonya Akisa ateeve baba weve amuhe mulimi. Yika kutura ku Ibunda yeeye, nazia ku Kalebu. Kalebu yamuteeva, “Wenyaa oheevwe kihanwa ki che keserero?”

¹⁹ Mukaana weve yamutivulira, “Nyenya vidaho via amazi. Kivala cha ombeeye keveeye ichumu.” Kunangwa Kalebu yamuha visinukiru via mazi via iluhia kandi vie indangu.

Yaga nigo Amadara manene gi ihiiri ya Yuda

²⁰ Yiki nicho kivala cha avandu vi ihiiri ya Yuda vanyoola kuva miandu jaavo.

²¹ Amadara manene gaveeye isavaalu agaalange agaavo, yago agaali ahimbi nu lwako lwa Edomu, gaali Kabuzeeli, Ederi, Jaguru,

²² Kina, Dimona, Ababa,

²³ Kedeshi, Hazori, Izinani,

²⁴ Zifu Teleimu, Bealozi,

²⁵ Hazori, Hadata, Keriozi, Hezoroni,

²⁶ Amamu, Shema, Molada,

²⁷ Hazari, Gada, Heshimoni Bezipeleti

²⁸ Hazari Shuali, Beerisheba Biziozia

²⁹ Baala, Limu, Iyimu,

³⁰ Elitoladi, Chesili, Horima

³¹ Zikilaga, Madimana, Sanisana,

³² Lebaozi, Shilihimu, Aini, na Rimoni; madaala goosi manene harara nu tudaala twago twosi twalikumberiza sirini na tisa.

³³ Amadara gaveeye hi vigulu vitangira gaali Eshitaoli, Zora Ashina.

³⁴ Zanoa, Enganimu, Tapua, Enamu

³⁵ Jaramuzi, Adulamu, Soko, Azeka,

³⁶ Sharaimu; Adizaimu, Gedera, kandi Gederozaimu: Amadara goosi manene harara nu tudaala twago twosi komi na ine, twalikumberiza.

³⁷ Gaali ho kandi amadara manene gandi komi na sita harara nutudaala twago twalikumberiza, Zenani, Hadasha Migidaligadi,

³⁸ Dileani, Mizipa, Jokizeeli,

³⁹ Lakishi, Bozikazi, Egiloni,

⁴⁰ Kaboni, Lahamamu, Kitilishi,

⁴¹ Gederozi, Bezidagoni, Naama, na Makeda.

⁴² Gaali ho kandi madaala manene tisa harara nu tudaala twago twosi twalikumberiza: Libuna, Ezeri, Ashani,

⁴³ Ifuta, Ashina, Nezibu

⁴⁴ Keila, Akizibu, na Maresha; amadara manene tisa harara nutudaala twago twosi twalikumberiza.

⁴⁵ Liali ho lidaala linene lia Ekironi harara nutudaala twalio;

⁴⁶ kandi madaala manene goosi nutudaala ahimbi Ashidodi, kutura Ekironi kuduuka kunyanza ya Meditareniani,

⁴⁷ Gaali ho madaala manene ga Ashidodi na Gaza, harara nutudaala twago twosi, nigaduukaa ku mugera ku lwako lwa Egebeti kandi kivala chu lwako lwinyanza ya Meditareniani.

⁴⁸ Mu kivala chi vigulu, gaali ho madaala manene ga Shamiri, Jatiri, Soko,

⁴⁹ Dana, Kiriazi Seferi, anoho Debiri

⁵⁰ Anabu, Eshitemoa, Animu,

⁵¹ Gosheni, Holoni, na Gilo: amadara manene komi na moja harara nutudaala twago twosi twakumbiriza.

⁵² Gaali ho Arabu, Duma, Eshani,

⁵³ Jarimu, Bezi Tapua, Afeki,

⁵⁴ Himita, Heburoni, na Ziori; madaala manene tisa harara nutudaala twago twosi twagakumbiriza.

⁵⁵ Gaali ho kandi Maoni, Karimeli, Zifu Juta,

⁵⁶ Jezireeli, Yokudeami, Zanoa

⁵⁷ Kaini, Gibea, Timina: madaala manene likomi, harara nutudaala twago twosi twagakumberiza.

⁵⁸ Gaali ho Hulihuli, Bezizuri, Gedori,

⁵⁹ Maarazi, Bazanozi, na Elitekoni: amadara sita harara nutudaala twago twosi twagakumberiza.

⁶⁰ Gaali ho Kirizi Baali anoho Kiriazi-Jearimu kandi Raba; amadara manene gaviri harara nutudaala twago twosi twagakumberiza.

⁶¹ Mu changalangwe gaali mu Bezi Araba, Midini, Sekaka,

⁶² Nibushani Lidaala linene liumunyu na Engedi: Madaala manene sita harara nutudaala twago twosi twagakumbiriza.

⁶³ Navuzwa avandu va Yuda sivali vanyara kukuunga vandu va Jebusi avamenyaa mu Jerusalemi mba. Kulwayago, vakemenyi mu harara navo mu lidaala linene kuduuka lero.