Joeli 1 - KITABU KITAKATIFU

¹ Yili nilikuva lia Yahova lia vulirwa ku Joeli mwana wa Pezueli.

Avandu vasioma kigira liononywa lie vitagwa

² Muhuliri, munyi avandu vakulundu; avandu vosi vi Ivuyuda, huliri. Kindu kuli yiki chayekolekaku mu ing'inga yinyu, anoho ing'inga ya avaguuga vinyu?

³ Muvoolere ku avana vinyu ageene yago; navo navavoolere avana vaavo, navo navavoolere likula lizaa.

⁴ Vikoonya vie zisigi viayeraa ku vitagwa kuzing'inga lugano lugano; che kekoonya kilala cha leka, kekoonya chakaviri cha diviza.

⁵ Vuki kandi musiome, munyi vahambiku; muliri, munyi avanwezaa iwaini; makuyu gokolombera iwaini imbia gononyeywi.

⁶ Kiduma chizisigi kimali kwingilira mu kivala chiitu. Ziveeye zie zinguru kandi zinyingi ziutavaliza mba; Liihi liezisigi limali kutulira mu kivala chiitu. Gaveeye agizingulu kandi amanyingi aga utavaliza mba; amiinu gazio gaveeye amuugi kuli agisimba.

⁷ Zimali kwononyia Makuyu gi mizabibu nukulia misaala jietu ja makuyu jietu. Zikuvuyi magodo gajio, iziisia zitigaye zinzere.

⁸ Avandu munyi muliri kuli mukaana usiomeraa likuza liu musaza wa yaali niyenya koserera.

⁹ Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

¹⁰ Imilimi jiveeye imiere; na avandi vasioma kigira vuswage vwononyiywi, ni mizabibu jumi kandi misaala ja mizeituni jiniaye.

¹¹ Munyi avalimi, muverere; muliri, munyi avalindaa milimi jiemizabibu kigira ingano nu vuswage nivitagwa viosi vimali kwononywa.

¹² Makuyu gi mizabibu ni misaala ja makuyu jimali kuniara; misaala giosi ja matunda ja vunguluka kandi jaakuza. Vusangali vwavandu vwagota.

¹³ Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

¹⁴ Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

¹⁵ Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

¹⁶ Lwivitagwa vietu viononywa koheenzanga vuzwa vugira kokoonya kindu. Uvusangari vuvulaho mu Litembeli lia Nyasaye wiitu.

¹⁷ Uvuguza vukuzira mu lirova liumu. Vuswage vuvulaho vwokotera, kunangwa iviage viere viatigala mang'anye.

¹⁸ Mitugu janaa mulidambizwa kigira jivura uvwayiru; iviayo viamagondi kandi visalirizwa.

¹⁹ O, Yahova, nzanira ku ivi, kigira vwayiru kandi misaala jaakwuma, kuli umuliru gwavisamba.

²⁰ Kali zinyama ziumbulimu zianira ku ivi kigira migera ja mazi jaakama, kandi gwasamba vwayiru viu mwigendanyama.