Isaya 55 - KITABU KITAKATIFU

Lilangwa liayavo avuvuluhu

¹ Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

² Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

³ “Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

⁴ Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

⁵ Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

⁶ Mugirung'ane muzie ku Yahova na musaale kuye, lwaveeye ahimbi.

⁷ Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

⁸ Yahova avoora ndi: “Zing'anagani ziange siziveeye kuli zing'anagani zienyu mba, kandi zinzira ziange siziveeye kuli zinzira zienyu mba,

⁹ kuli ligulu liveeye ihale ligali kutura ku lirova, nindio zinzira ziange ziveeye ihale kutura ku izienyu kandi zing'anagani ziange ziveeye ihale kutura ku zing'anagani zienyu.

¹⁰ “Likuva liange liveeye kuli likonza kandi imbura iyikaa hasi kutura mwigulu kusaminyaa lirova, vikola vitagwa komera nukuviruka nukuhaana uvumwu kumiza kumumizi kandi ichukulia ku vandu.

¹¹ Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

¹² “Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

¹³ Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”