Isaya 20 - KITABU KITAKATIFU

Kelolero Chichahonyo chu muporofeti Isaya

¹ Mwami Sagoni wa Asiria yahaana lilago ku avanene veve vi liihi lia Asiria kwingilira Filisitia lidaala linene lia Ashidodi.

² Lwi mihiga jivaga jaali nijiviti, Yahova yaali niyavoolera Isaya mwana wa Amozi atulizi virato mu virenge vivie, kandi atulizi zinguvu zizie ziamagunia zia yaali niyiviiki. Isaya yalonda lilago lia yahova, na yagenda chahonyo kandi vugira vilato.

³ Lwi lidaala linene lia Ashidodi liagumirwa, Yahova yavoola, “Mutumikiri wange Isaya yageendi ni chahonyo kandi ni virenge viere ku mihiga jivaga. Yiki ni kelolero ku agalikoleka ku vandu va Egebeti kandi Ezopia.

⁴ Mwami wa Asiria alahila ihale avahambe vayagumira kutura Egebeti na Ezopia. Avayaayi kandi avahindira, valagenda ni virenge viere kandi nichahonyo, na amadako gaavo kuvulavu, nokoleta zisoni ku Egebeti.

⁵ Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

⁶ Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”