Isaya 12 - KITABU KITAKATIFU

Lwimbu lwi lisandiza

¹ Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

² Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

³ Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

⁴ Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

⁵ Mwimbiri Yahova kigira vindu vinene viamali kokora. Leki lirova liosi lihuliri makuva yaga.

⁶ Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”