Hosea 14 - KITABU KITAKATIFU

Hosea Agonyaa Vandu va Isiraeli

¹ Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

² Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

³ Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Yahova Alaangaa Livamwoyo lihia ku Isiraeli

⁴ Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

⁵ Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

⁶ Valalanda kuli zisia ziu musaala, kandi valava valahi ligali kuli misaala ja muzeituni. Valava ni lifunya liu mwayu mulahi ligali kuli midaragwa ja Lebanoni.

⁷ Valirana ku Inzi kandi valamenya mu likingwa liange. Valaviruka nokomedeka kuli uvuswage, kandi valama makuyu kuli muzabibu. Valava ni lifunya liu mwayu mulahi ligali kuli Iwaini ya Lebanoni.

⁸ Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Limalirika

⁹ Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.