Ayubu 25 - KITABU KITAKATIFU

Bilidadi

¹ Maku Bilidadi kutura mu kivala cha Shuha yativura,

² “Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

³ Aveeye ho nu unyala kuvaliza zingelosi avamutumikiraa? Haveeye ho na havundu hu uvulavu vwa Nyasaye vuvuraa kong'ereng'ana?

⁴ Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

⁵ Henza, kali umweli si goveeye mwaaku mba, kandi zing'ereng'ani si ziveeye zisiyiku imbiri wa Nyasaye mba.

⁶ Kunangwa na sindi mundu oveeye kiguguli, kandi mwana wu mundu oveeye eng'ende?”