Ayubu 18 - KITABU KITAKATIFU

Bilidadi

¹ Hene yaho, Bilidadi Mushuhi yativura navoora,

² Ulenyeleriza makuva govoora kuduuka ng'inga ki? Ove ni vuvani kunangwa kunyi komolome.

³ Ayubu, kigira ki ukuvugula kuva kuli zinyama? Kigira ki ukuvugula kuva avasiru imbiri woovo?

⁴ Ivi wisalirizaa mwene mu vutima vuvwo, usuviraa lirova liralekwa kigira uvutima vuvwo? Uganaganaa Nyasaye alatuzaho ivigulu mu vogono vwavio ukwigutiza lienya liilio? Yee, anoho lwanda kutulizwa mu vogono vwalwo?

⁵ Uvulavu vwu mundu mudamanu vulasiminywa, kandi olomemo lwu muliru gwigwe silulaaka kandi mba.

⁶ Uvulavu munyumba yeeye voveeye kisundi, nitaya eveeye igulu weve ilasiminywa.

⁷ Ligenda lilie liezingulu zizie lilimbihizwa, na lilohiza lilie mwene lilamutuula hasi.

⁸ Virenge vivie mwene vimuviiki mu mitego, kandi agendaa kovogo vuvisiywi magwa mu

⁹ mutego gulagimira lichi lie kerenge chiche, muveto gumuhambi.

¹⁰ Keveto kivisiywi kuye mu marova, mutego guvikiywi munzira yeeye.

¹¹ Vindu viu kutihiza vimukumbirizi na vimulondeleraa zimbiru ahimbi nahimbi ku machi geege.

¹² Aveeye ni inzara, kulwayago siaveeye nizinguru mba. Kivi kimwetegekeye mu lie kigitara lilie.

¹³ Vulwaye vudamanu ligali vuuzi mu viungu viu muviri gwigwe, kandi vokoli amakono geege ni virenge vivie kuguunda.

¹⁴ Alatulizwa munyumba yeeye yayaamenyamu ni mirembe, na alaletwa ku mwami wi litihiza.

¹⁵ Kalunu mundu woosi anyala komenya munyumba yeeye, inyima wi zinyasi ziuhiywi mu kugekola eve inahi.

¹⁶ Mundu uyu alava kuli imiri ju musaala jumiraa musi mu marova, ni zisia ziagwo ziumira igulu.

¹⁷ Luyali lwilwe luladuuka ku keheri ku lirova, sializulizwa kandi mba. Mundu woosi sialamwizuliza mba.

¹⁸ Alakungwa kutura mu kivala cha vandu avaveeye mwoyo, kandi alakungwa kutura mu vulavu nu kuzia mu kisundi.

¹⁹ Sihalavaho nu mwana, anoho mwisukulu mu vandu veve, anoho mundu kali mulala sialatigala munyumba yeeye mba.

²⁰ Avandu vosi vi imadioli valava ni ligenya lwa vahulira kivi kimali kuduuka kuye, kandi valava ni litihiza kutura Ivugwi.

²¹ Ligali avandu vadamanu valanyora amageri kuli ndio, kandi galava ndio ku vandu vosi avatasuuvira Nyasaye.