Ayubu 11 - KITABU KITAKATIFU

Zofari

¹ Maku Zofari kutura Naama yativura:

² Makuva yaga ganyala kuvaho vugira kutivulirwa kindu? Kandi mundu oveeye ni limoloma linyingi anyala kovoolwa aveeye mulungi?

³ Makuva googo ga vuzwa ganyala kukiring'anyia avandu? Na mundu anyala kokogondokela lwa okolaa kehenyahenye?

⁴ Ivi ovola ndi aga ovola gaveeye agiligali, Ivi ovola ndi oveeye munifu imbiri wa Nyasaye.

⁵ O, Navuzwa ngano Nyasaye yakamolomi, nu kukutivulira ivi.

⁶ Akuvuulira ndi ziveeye ho ni zinzira zinyingi zio konyoora ovogeri, viveeye ho ni vindu viu mundu anyala kuvula kumanya novogeri vwivwe. Maku umanye ndi, Nyasaye akohezaa mageri makekeeke kuvita ga mahiolo googo gaduukanaa onyoore.

⁷ Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

⁸ Voveeye igulu ligali kuvita mwigulu, unyala kokora ki? Voveeye musi ligali kuvita Kihadisi unyala kumanya ki?

⁹ Vonene vwa Nyasaye voveeye vutambi kuvita lirova; kandi uvuvambalaru kuvita inyanza.

¹⁰ Niiva Nyasaye avitira hagati, nokokovoha muvuhambe, na akuhile mu likalagirwa, nivwaha unyala kumwigalira?

¹¹ Nyasaye umanyi ni vandu ki avaveeye avagaadi, Alolaa vikolwa viavo vidamanu.

¹² A vandu vasiru valatanga kuva avageri, niiva zibunda ziumbulimu zilivula mundu.

¹³ Ayubu, nuuva nuwiganira mu mwoyo gugwo, ulanyiira makono googo ku Nyasaye.

¹⁴ Niiva uvwoni voveeye mu, ivi uvutulize, kandi utavugilira mundu kali mulala wu vuchamu komenya mu lihema liilio mba.

¹⁵ Lwene yilwo ulahenza nuvuluviliri vugira zisoni; ulasingira vudinyu kandi siulatia mba.

¹⁶ Maku ulivilira uvudinyu vuvwo vwosi, ulavwizuliza kuli amazi gimbula agaamali kuvita.

¹⁷ Kandi livamwoyo liilio lilava nu vwaku kuvita uvulavu vwa mbasu hagati; na kisundi chalio kuli uvulavu vwa mugambazuri.

¹⁸ Ulamenya mu likingwa kandi mu lisuuvirizwa linyingi ligali. Nyasaye alakukinga kandi alakososiza.

¹⁹ Siulava nuvuti kigira vasigu vovo mba: Avandu vanyingi valakoteeva ovokonyi.

²⁰ Navuzwa vachamu sivalamanya agiligali mba; zinzira ziavo ziosi ziovohonyi zilagota, na lisuuvirizwa liavo lilakuza.