2 Samweli 6 - KITABU KITAKATIFU

Lisandugu lie Lilagana Lialetwa mu Jerusalemi

¹ Daudi kandi yalanga harara avasikari valahi ligali mu Isiraeli, vosi avasaza zielefu salasini,

² kandi navimilira kuduuka mu lidaala lia Baala mu Ivuyuda, kunangwa vaduuki koleta Lisandugu lie Lilagana lia Nyasaye, iliveeye ni lieta lia Yahova Wanyala Viosi, uwamihiizwa igulu wa vakerubi.

³ Valivugula kutura hango ha Abinadabu ku kiguru, nivaviikaku ligare lihia. Uzia na Ahio, vayaayi va Abinadabu, vaali nivahira ligare zana,

⁴ Ahio niyimiyi nagenda imbiri walio.

⁵ Daudi na Avaisiraeli vosi vaali nivavina kandi nivimba nizinguru ziavo ziosi kuhaana luyali ku Yahova. Vaali nivakubaa uvukana, madienyi, zisugudi, malele, nizing'imba.

⁶ Lwa vaduuka ha loze lwa Nakoni, zigiriki ziekigitala na Uzia yanyira mukono gwigwe nagumira Lisandugu lie Lilagana.

⁷ Nonoho, Yahova Nyasaye yasinyikira Uza kandi namwiita kigira yaadira Lisandugu lie Lilagana. Uza yakuzira himbi ni Lisandugu Lilagana.

⁸ Nandio, havundu yaho halangwa Perezi Uza kutura hene yaho kuduuka lero. Daudi yaali nu vutima navihilirwa ligali kigira Yahova yaaha Uzia amageri mu vutima.

⁹ Ahene yaho, Daudi yatia Yahova ligali navoora, “Nyara kuhila ndi Lisandugu lie Lilagana kalunu?”

¹⁰ Kunangwa yalora sianyala kuzia nalio Jerusalemi; mu vogono yivwo, yagirung'ana koleka inzira nalihila hango munyumba ya Obedi Edomu umugiti ahimbi ni lidaala lia Gazi.

¹¹ Liamenya yo ku mieli jivaga na Yahova yagasiza Obedi Edomu harara na avinyumba yeeye.

¹² Mwami Daudi yahulira ndi kigira Lisandugu lie Lilagana, Yahova umali kugasiza vandu avinyumba ya Obedi Edomu kandi viosi via yaali navio, kunangwa yaatuliza Lisandugu lie Lilagana kutura munyumba ya Obedi Edomu nukulihila Jerusalemi nuvusangali kandi lilia linene.

¹³ Inyima wa avandu vaginga Lisandugu vaali nivakagenda virenge sita, Daudi yavasingiriza lwa yahaana ku Yahova kisiuviriru chigiriki kandi kemoli kenetu.

¹⁴ Daudi, niyiviiki inguvu ya ikatani niyevohi mu kisindi yaavina nizinguru ziosi ukuhaana luyali ku Yahova.

¹⁵ Kandi ndio, Oya na vandu va Isiraeli vosi vavugura Lisandugu lie Lilagana kuduuka Jerusalemi nilihanzuka Liuvusangali vonene nivakuba visiliva.

¹⁶ Lwi Lisandugu lie Lilagana, liali nilileetwa mu Lidaala linene Mikali, mukaana wa Saolo yahenzera mwidirisha nalora mwami Daudi navina kandi natuumatuuma mu livinira Yahova, kandi yavihilirwa ligali.

¹⁷ Valeta Lisandugu lie Lilagana kandi nivaliviika havundu halio, mulihema ha Daudi yaali niyalilombera. Maku, yahaana visiuviliru kandi zisadaka zie mirembe ku Yahova.

¹⁸ Lwa yaali niyakamara lihaana visiuviliru, yagasiza avandu vosi mu lieta lia Yahova Wanyala Viosi.

¹⁹ Yavagavulira viukulia kuvo vosi. Yaaha musaza sa mulala kandi mukali samulala imango yu mugadi, kedonye chi inyama isambe, kandi mazabibu. Maku avandu vosi vazia yengo.

²⁰ Inyima wa yaga, Daudi yazia yengo kugasiza vandu avinyumba yeeye, Mikali yatura ichova kumwaganira. Yamuvolera, “Mwami wa Isiraeli yelombeeye lieta linene mwene kalunu kumanyia chahonyo chiche umwene kuli musiru imbiri wi zimoni zia vatumikiri vakali va vanene veve!”

²¹ Daudi yativulira Mikali, “Inzi mbini ukuhaana uluyali ku Yahova, uwaandovolo muvogono vwa baba woovo harara na vandu avinyumba yeeye okongola mbe mwimiliri wa avandu veve Isiraeli. Ndazizagilira kandi kuvina ukuhaana luyali ku Yahova,

²² kandi ndazizagilira kwivika mu zisoni ligali. Ivi unyala kuganagana inzi simbeeye kindu, navuzwa avakaana yavo valanganaganira uvulahi ligali.”

²³ Mikali, mukaana wa Saolo, siyiivula ku mwana woosi kuduuka lidiku lia yakuza mba.