1 Kyetsinyinga 6 - KITABU KITAKATIFU

Visukululwi via Vasaalisi vanene

¹ Levi yaali na vayaayi vavaga: Gerishomu, Kohazi, na Merari.

² Kohazi yaali na vayaayi vane: Amuramu, Iziharu, Heburoni, na Uzieli.

³ Amuramu yaali na vayaayi vaviri; Haruni na Musa, kandi yaali nu mukaana mulala walangwa Miriamu. Haruni yaali na vayaayi vane: Nadabu, Abihu, Elieza, na Izamara.

⁴ Visukululwi via Elieza kutura ku likula kuduuka ku likula vaveeye kuli ndi: Elieza yivula Finiasi, na Finiasi yivula Abishua.

⁵ Abishua yivula Buki, na Buki ni yivula uzi;

⁶ Uzi yivula Zerahia, na Zerahia ni yivula Merayozi;

⁷ Merayozi yivula Amaria, na Amaria ni yivula Ahitubu;

⁸ Ahitubu yivula Zadoku, na Zadoku ni yivula Ahimaazi,

⁹ Ahimaazi yivula Azaria, na Azaria ni yivula Johanani;

¹⁰ Johanani naye yivula Azaria uwatumika mu Litembeli lia Solomoni kuli musaalisi

¹¹ Azaria yivula Amaria, na Amaria yivula Ahitubu.

¹² Ahitubu yivula Zadoku, na Zadoku ni yivula Shalumu.

¹³ Shalumu yivula Hilikia, na Hilikia yivula Azaria;

¹⁴ Azaria yivula Seraya, na Seraya ni yivula Jehozadaki.

¹⁵ Mwami Nebukadineza yahaminya Jehozadaki kumuhila mu vuhambe harara na avandu vandi vi Ivuyuda na Jerusalemi ava Yahova yaahira mu vuhambe.

Visukululwi vindi via Levi

¹⁶ Levi yaali na vayaayi vavaga: Gerishomu, Kohazi, na Merari.

¹⁷ Sa mulala kuvo kandi yaali na vayaayi. Gerishomu yivula Libini na Shimei.

¹⁸ Kohazi yivula Amuramu, Izihari, Heburoni, na Uzieli;

¹⁹ Merari yaali baba wa Mahili na Mushi.

²⁰ Yava nivo visukululwi via Gerishomu kutura ku Likula kuduuka ku likula: Libini yivula Jahazi, Jahazi yivula Zima,

²¹ uwivula Joa; Joa yivula Ido, Ido yivula Zera na Zera yivula Jeazerai.

²² Yava nivo visukululwi via Kohazi: Aminadabu, na Aminadabu yivula Kora, Kora ni yivula Asiri;

²³ uwivula Elikana. Elikana yivula Abiasafu na Abiasafu ni yivula Asiri,

²⁴ uwivula Tahazi, na Tahazi ni yivula Urieli, Urieli ni yivula Uzia na Uzia ni yivula Shauli.

²⁵ Elikana yaali na vayaayi vaviri: Amasai na Ahimozi.

²⁶ Yava nivo visukululwi va Ahimozi kutura ku likula kuduuka ku likula: Ahimozi yivula Elikana, uwivula Zofai, Zofai ni yivula Nahazi,

²⁷ uwivula Eliabu, Eliabu yivula Jerohamu, na Jerohamu ni yivula Elikana.

²⁸ Samweli yaali na vayaayi vaviri; Joeli muyaayi weve wu kutanga, na Abija, umukekeke.

²⁹ Yivi nivio visukululwi via Merari kutura ku likula kuduuka ku likula: Mahili yivula Libini, Libini ni yivula Shimei, na Shimei ni yivula Uza

³⁰ uwivula Shimea, na Shimea ni yivula Hagia uwivula Asaya.

Avimbi vu mu Litembeli

³¹ Yava nivo vasaza avu Mwami Daudi yavika mu vulindi vwu uvwimbi zinyimbu havundu hukusigamira mu Jerusalemi inyima wi Lisandugu lia malago lialetwa mu Jerusalemi.

³² Vaali mu vutumiki vwu muviduma kase vwu kwimba zinyimbu ha Lihema liu kwaganira ho na Yahova ing'inga yu Mwami Solomoni yaali nakikiri kwumbaka Litembeli.

³³ Vizinyumba zia yavo avaari mu vutumiki yivu vaali kuli ndi; Avikiliango cha Kohazi: Hemani, muyaayi wa Joeli, yaali mwimiliri wa avimbi vukutanga. Avinyumba yeeye mu vaguuga kwirana inyima vaduuka ku Yakobo kuli ndi: Hemani yaali muyaayi wa joeli, na Joeli yaali muyaayi wa Samweli.

³⁴ Uwaali muyaayi wa Elikana. Elikana yaali muyaayi wa Jerohamu, na Jerohamu yaali muyaayi wa Elieli, na Elieli naava muyaayi wa Toa.

³⁵ Zufu, na Zufu wa Elikana, na Elikana wa Mahazi, na Mahazi wa Amasai,

³⁶ wa Elikana, wa Joeli, wa Azaria, na Azaria wa Zefania, na Zefania yaali muyaayi wa Tahazi,

³⁷ na Tahazi naava wa Asiri, na Asiri naava muyaayi wa Ebiasafu, na Ebiasafu naava muyaayi wa Kora,

³⁸ uwa Izihari, na Izihari yaali muyaayi wa Kohazi, na Kohazi yaali muyaayi wa Levi na Lebi yaali muyaayi wa Yakobo.

³⁹ Asafu, amwavo Hemani, yaali mwimiliri wa vimbi va kaviri. Uvwiko vwa avinyumba yeeye vwazia inyima kuduuka ku Levi kuli ndi: Asafu yaali muyaayi wa Berekia, Berekia yaali muyaayi wa Shimea.

⁴⁰ Shimea yaali muyaayi wa Mikaeli, Mikaeli yaali muyaayi wa Baseya, na Baseya yaali muyaayi wa Malikija,

⁴¹ Malikija yaali muyaayi wa Ezini, Ezini yaali muyaayi wa Zera, na Zera yaali muyaayi wa Adaya, Adaya yaali Ezani,

⁴² Ezani yaali muyaayi wa Zima, Zima naye yaali muyaayi wa Shimei,

⁴³ Shimei yaali muyaayi wa Jahazi, Jahazi yaali muyaayi wa Gerishomu, Gerishomu naye yaali muyaayi wa Levi.

⁴⁴ Ezani, kutura mu kiliango cha Merari, yaali mwimiliri wa vimbi va kavaga. Kiliango cha Avinyumba yeeye kuzia inyima kuduuka ku Levi chaali kuli Ndi: Ezani yaali muyaayi wa Kishi. Kishi yaali muyaayi wa Abudi. Abudi yaali muyaayi wa Maluki.

⁴⁵ Maluki yaali muyaayi wa Hashabia. Hashabia yaali muyaayi wa Amazia. Amazia yaali muyaayi wa Hilikia,

⁴⁶ Hilikia yaali muyaayi wa Amuzi. Amuzi yaali muyaayi wa Bani, Bani naava muyaayi wa Shemeri

⁴⁷ Shemeri naye naava muyaayi wa Maheli. Maheli yaali muyaayi wa Mushi. Mushi yaali muyaayi wa Merari. Merari naye yaali muyaayi wa Levi.

⁴⁸ Vandu va Levi vandi vahevwa miyinzi gindi havundu hu kusigamira Yahova.

Visukululwi via Haruni

⁴⁹ Haruni harara ni visukululwi vievie vahaana vihaanwa vie kimuli kandi ni vahaana visiuviliru iviasambirwa ku vwali. Vaali ni miyinzi ju kusingilira ahukusigamira hoosi, Havundu Hatakatifu ligali kandi kusingilira ivisiuviliru via Nyasaye yasamihiraa ku uvwoni vwa Visiraeli. Vaakora yaga goosi kolondekana na malago gahaanwa na Musa, mutumikiri wa Nyasaye.

⁵⁰ Yiki nicho kisukururwi cha Haruni: Haruni yivula Elieza, Elieza ni yivula Finiasi, Finiasi naye ni yivula Abishua,

⁵¹ uwivula Buki, uwivula Uzi, na Uzi yivula Zerahia

⁵² uwivula Merayozi, Merayozi yivula Amaria, na Amaria ni yivula Ahitubu

⁵³ na Ahitubu ni yivula Zadoku, na Zadoku naye ni yivula Ahimaazi.

Kivala cha vandu va Levi vamenya mu

⁵⁴ Yiki nicho kivala cha haanwa ku visukululwi via Haruni vi kiliango cha Kohazi. Vaali vu kutanga konyoora kidieli chavo chi kivala cha haanwa ku vandu va Levi.

⁵⁵ Yiki chaali harara na Heburoni mu kivala chi Ivuyuda, kandi vivala viu vwayiru ivia ki kumbiriza.

⁵⁶ Milimi kandi madaala agaali gi lidaala linene gahaanwa ku Kalebu muyaayi wa Jefune.

⁵⁷ Vayaayi va Haruni vahevwa madaala gu kuhalira mu yaga: Heburoni Libuna harara nu vwayiru vwalio, Jatiri, Eshitemoa harara nu vwayiru vwa go;

⁵⁸ Hileni na Debiri harara nu vwayiru vwa go,

⁵⁹ Ashani na Bezi-shemeshi harara nu vwayiru vwa go.

⁶⁰ Mukivala cha Benjamini vahevwa madaala yaga harara nu vwayiru vwa go: Geba, Alemezu kandi Anazozi. Madaala goosi gaali likomi na gavaga ga vi zinyumba ziavo ziosi vahevwa komenya mu.

⁶¹ Madaala likomi mu kivala chi Imadioli wa Manase gahaanwa ku likubiza ikura ku vi kiliango cha Kohazi, avinyumba ku avinyumba.

⁶² Vi kiliango cha Gerishoni: avinyumba ku avinyumba, vahevwa madaala komi na gavaga kutura muvivala vie zihiiri zia Isakari, Asheri, Nafutali, kandi Ivugwi wa Manase mu Bashani.

⁶³ Vi kiliango cha Merari kolondekana ku avizinyumba ziavo, vahevwa madaala likomi na gaviri kutura muvivala vie zihiiri zia Rubeni, Gadi kandi Zabuloni munzira ndala nzere.

⁶⁴ Munzira yiyi avandu va Isiraeli vagavulira vandu vi hiiri ya Levi amadara go komenya mu harara ni vivala viu vwayiru iviakumbiriza madaala zana yago.

⁶⁵ Madaala muvivala vie zihiiri zia Yuda, Simioni, na Benjamini, agataliywi higulu yaho, gagavulirwa ihiiri ya Levi ku likuba ikura.

⁶⁶ Valala ku avizinyumba zie ihiiri ya Kohazi vahevwa madaala harara ni vivala viu vwayiru via go mu kivala cha Efuraimu.

⁶⁷ Vahevwa madaala manene gu vuhaliru yaga: Shekemu harara ni kivala chu vwayiru chalio mu kivala chi vigulu cha Efuraimu, Gezeri harara ni kivala chu vwayiru chalio,

⁶⁸ Jokomeamu harara ni vivala viu vwayiru via lio, Bezi-horoni harara ni vivala viu vwayiru via lio,

⁶⁹ Aijaloni, na Gazurimoni harara ni vivala viu vwayiru via go,

⁷⁰ Mu kivala chi Imadioli wa Manase vahevwa madaala manene ga Aneri, na Bileamu harara na madaala gu vwayiru vwa go.

⁷¹ Vi zinyumba vi kiliango cha Gerishomu; vahevwa madaala galonda ku yaga, harara nivivala viu vwayiru via go: Mu kivala chi Ivugwi wa Manase: Golani, Bashani na Ashitarozi.

⁷² Mu kivala cha Isakari: Vahevwa madaala ga Kedeshi, Daberazi,

⁷³ Ramozi na Anemu.

⁷⁴ Mu kivala cha Asheri, vahevwa: Mashali, Abidoni

⁷⁵ Hukoku na Rehobu.

⁷⁶ Mu kivala cha Nafutali, vahevwa: Kedeshi mu Galilaya, Hamoni na Kiriazaimu.

⁷⁷ Vi kiliango cha Merari yiki avatigara vahevwa madaala yaga harara ni vivala viu vwayiru via ga kumbiriza: Mu kivala cha Zabuloni, Rimono na Tabori.

⁷⁸ Mu kivala cha Rubeni, Ivugwi wu mugera gwa Jorodani, engereka wa Jeriko, vahevwa: Beza, ku kivala che kereremo ku kiguru na Jahaza harara ni vivala viu vwayiru via go,

⁷⁹ Kedemozi kandi Mefaazi.

⁸⁰ Mu kivala cha Gadi: Ramozi mu Gileadi, Mahanaimu,

⁸¹ Heshiboni kandi Jazeri harara ni vivala viu vwayiru via go.