1 Kyetsinyinga 4 - KITABU KITAKATIFU

Visukululwi via Yuda

¹ Yivi nivio vilala ku visukululwi via Yuda: Perezi, Hezoroni, Karimi, Huru na Shobali.

² Shobali yivula Reaya, na Reaya yivula Jahazi, na Jahazi yivula Ahumai na Lahadi. Yava nivo avaguuga va avandu vamenya mu kivala cha Zora.

³ Etamu yaali na vayaayi vavaga, Jezireeli, Ishima na Idibashi. Hazeleliponi yaali mbozo wavo.

⁴ Penueli yaali baba wa Gedori, na Ezeri yaali baba wa Husha. Yava nivo avaari vayaayi va Huri, mwana wu kutanga kwivulwa wa Efurazi, uwatangiza Lidaala lia Bezelehemu.

⁵ Ashuru waali mutangizi wi Lidaala lia Tekoa, yaali na avakali vaviri: Hela na Naara.

⁶ Naara yivulira Ashuru ayaayi vane: Ahuzamu, Heferi, Temeni, na Haahashatari.

⁷ Hela yivulira Ashuru vayaayi vavaga: Zerezi, Izihari na Ezinani.

⁸ Kozu yivula Anubu, Zobeba, harara na aviiko vi inyumba ya Ahariheli muyaayi wa Harumu.

⁹ Jabezi yaali mundu wu luyali lonene ku vandu vi inyumba yeeye. Mama weve yamugulika lieta “Jabezi” kigira mu livulwa lilie yaali nu vuzunu vunyingi.

¹⁰ Jabezi yasaala ku lieta lia Nyasaye wa Isiraeli, navoora, “Ungasize, O, Nyasaye, ma ombe kivala kinyingi. Ove ninzi harara ma umbiki ihale kutura ku vindu viosi vidamanu ivinyala kongola mbe nu vuzunu.” Na Nyasaye yamukolera goosi ga yateeva.

Amita gandi ga avinyumba

¹¹ Kalebu amwavo wa Shuha, yaali baba wa Mehiru, uwaali baba wa Eshitoni.

¹² Eshitoni yaali na vayaayi vavaga: Bezurafa, Pasea na Tehina uwaali baba wa Irinahashu. Yava nivo vaali avandu vamenya mu kivala cha Reka.

¹³ Kenazi yaali na vayaayi vaviri: Ozinieli na Seraya. Ozinieli yaali kandi na vayaayi vaviri: Hazazu na Meonozai.

¹⁴ Meonozai yaali nu muyaayi mulala Ofura. Seraya, yivula Joabu, uwatangiza livona lia Gehavashimu. Avandu vi livona yili vaali vo vogeri vonene vwu vusiza.

¹⁵ Kalebu muyaayi wa Jefune yaali na vayaayi vavaga: Iru, Ela, na Naamu. Ela yivula Kenazi.

¹⁶ Jehaleleli yaali na vayaayi vane: Zifu, Zifa, Tiria na Asareli.

¹⁷ Ezira yaali na vayaayi vane: Jezeri, Meredi, Eferi, na Jaloni. Meredi yaleeta mukali walangwa Bizia mukaana wu mwami wa Egebeti, na viivula mwana mukaana walangwa Miriamu harara na avayaayi vaviri: Shamai na Ishiba. Ishiba yaali baba wa Eshitemoa.

¹⁸ Meredi yaleeta mukali kutura mu ihiiri ya Vayuda, na viivula vana vayaayi vavaga: Jaredi, baba wa Gedori; Heberi, baba wa Soko, na Jekuzieli baba wa Zanoa.

¹⁹ Hodia yaleeta mbozo wa Nahamu. Visukululwi viavo nivo avatangiza ihiiri ya Avagariru iyamenyaa mu lidaala lia Keila, kandi ihiiri ya Avamaakazi iyamenyaa mu lidaala lia Eshitemoa.

²⁰ Shimoni yaali na vayaayi vane: Amoni, Rina, Benihanani na Tiloni. Ishi yaali na vayaayi vaviri: Zohezu, na Benizohezu.

²¹ Shela yaali mulala ku vayaayi va Yuda. Ivisukulurwi vivie viali harara na Eri uwatangiza lidaala lia Leka; Laada yatangiza lidaala lia Maresha; ihiiri yu uvunavi vwi katani, avamenyaa mu lidaala lia Bezu Ashibea.

²² Jokimu na avandu vamenya mu lidaala lia Kozeba; Joashi na Sarafu, valeta vakali kutura mu kivala cha Moabu, na vaadikira mu kivala cha Bezelehemu. Yaga gaveeye gi zing'inga zia kale.

²³ Yava vaali avaloongi mu litumika liu mwami na vamenya mu madaala ga Netaimu na Gedera.

Visukululwi via Simioni

²⁴ Simioni yaali na vayaayi vatano: Nemueli, Jamini, Jaribu, Zera na Shauli.

²⁵ Shauli yaali nu muyaayi mulala walangwa Shalumu, yaali kandi nu mwisukulu walangwa Mibusamu, harara ni kisukururwi kialangwa Mishima.

²⁶ Mishima yaali na vayaayi vavaga: Hamueli, Zakuri na Shimei.

²⁷ Shimei yaali na avayaayi 16 na avakaana 6, navuzwa avamwavo veve si vaali na avana vanyingi mba; kunangwa ihiiri ya Simioni si yamedeka ligali kuli ihiiri ya Yuda yameda kuviruka mba.

²⁸ Kuduuka ku ing'inga yi liamiiha liu mwami Daudi, ivisukulurwi via Simioni viamenya mu madaala yaga: Beerisheba, Molada, Hazarishuali,

²⁹ Biliha, Ezemu, Toladi,

³⁰ Bezueli, Horima, Zikilaga,

³¹ Bezu Marikabozu, Hazarisusimu, Bezubiri, na Shaaraimu.

³² Kandi vamenya mu madaala gandi gatano: Etamu, Aini, Rimoni, Tokeni, na Ashani,

³³ kandi nu kutudaala twakumberiza amadara manene ga vamenya mu, kuduuka ku lidaala lia Baalazi. Yaga nigo amang'oda gang'odwa gu vwiko vwi zinyumba ziavo ni vivala via vamenya mu.

³⁴ Meshobabu, Jamuleki, Josia muyaayi wa Amazia,

³⁵ Joeli, Jehu, muyaayi wa Joshibia, muyaayi wa Seraya, muyaayi wa Asieli,

³⁶ Elioenai, Jaakoba, Jeshohaya, Asaya, Adieli, Jesimieli, Benaja,

³⁷ Ziza muyaayi wa Shifi, muyaayi wa Aloni, muyaayi wa Shemaya.

³⁸ Yava va mita gaavo gataliywi valange avanene mu vwiko vwi zinyumba ziavo, ni zinyumba zia vaguuga vaavo, ziamedeka ligali.

³⁹ Valanda kuduuka imadioli ahimbi na Gerari, kuzia ku lovega wi Ivugwi lwi livona, kuzia kwenya vwayiru vwa magondi gaavo.

⁴⁰ Vanyoola vwayiru uvulahi, ni kivala chene yiki chaali kivambalalu ligali, chi lielemeriza, kandi chi mirembe; avandu avamenyaa mu kivala yiki maziambiri vaali vandu vi ihiiri ya Hamu.

⁴¹ Mu ing'inga yu mwami Hezekia wi Ivuyuda, avandu vataliywi yavo, vazia Gedori ni vonogonyia amahema ga Avameuni avaari ni vamenyi yo ma vadivizwa ligali kali kuduuka lidiku lia lero. Maku vadikala yo no komenya mu vogono vwavo kigira haali ho nu vwayiru uvulahi ligali ku magondi gaavo.

⁴² Valala ku avandu vi ihiiri ya Simioni ahimbi zimia zitano, vazia Ivugwi wa Edomu. Vimilirwa na vayaayi va Ishi: Pelatia, Nearia, Refaya na Uzieli.

⁴³ Maku vita Avamaleki vahononoka likuza ma vamenya mu kivala yiki kutura lwene yilwo kuduuka lero.