1 Kyetsinyinga 2 - KITABU KITAKATIFU

Visukululwi via Yuda

¹ Yakobo yaali na vayaayi likomi na vaviri: Rubeni, Simioni, Levi, Yuda, Isakari, Zabuloni,

² Dani, Josefu, Benjamini, Nafutali, Gadi na Asheri.

³ Yuda yaali na vayaayi vosi vatano. Ku mukali weve Bazishua, kutura Kanaani, yaali na vayaayi vavaga: Eri, Onamu, na Shela. Muyaayi weve wu kutanga yaali Eri, uwaali mudamanu ligali imbiri wa Yahova kuduuka namwiita.

⁴ Ku navizara weve Tamara, Yuda yivula avayaayi vandi vaviri, Perezi na Zera.

⁵ Perezi yaali na vayaayi vaviri, Hezoroni na Hamulu.

⁶ Amwavo weve Zera yaali na vayaayi vatano: Zimuri, Ezani, Hemani, Kalikoli na Darida.

⁷ Akani muyaayi wa Karimi, mulala ku visukululwi via Zera, yaleeta ikivi ku avandu va Isiraeli lwa yavugula Viali ni viavikwa halovega ku vutumi vwa Nyasaye.

⁸ Ezani yivula muyaayi mulala, Azaria.

Kiliango cha Avinyumba ya Daudi

⁹ Hezoroni yaali na vayaayi vavaga: Jerahameeli, Ramu, na Kalebu.

¹⁰ Kiliango cha Avinyumba kutura ku Ramu kuduuka ku Jese vaali kuli ndi: Ramu yaali baba Aminadabu, Aminadabu yaali baba Nashoni, mundu munene wi ihiiri ya Yuda.

¹¹ Nashoni yaali baba Salima, Salima yaali baba Boazi,

¹² Boazi yaali baba O, bedi na Obedi yaali isi Jese.

¹³ Jese yaali na vayaayi saba. Kolondekana ku mihiga jaavo, vaali: Eliabu, Abinadabu, Shama,

¹⁴ Nazaneli, Radai,

¹⁵ Ozemu na Daudi.

¹⁶ Yaali kandi na vakana vaviri, Zeruya na Abigaeli. Mukaana wa Jese Zeruia yaali na vayaayi vavaga: Abishai, Joabu na Asaheli.

¹⁷ Mukaana weve wundi, Abigaeli yazia lukali ku Jezeri, wi kisukururwi cha Ishimaeli; yivula muyaayi walangwa Amasa.

Kisukururwi cha Hezoroni

¹⁸ Kalebu muyaayi wa Hezoroni yaleeta Azuba na yivula mukaana uwalangwa Jeriozi. Jeriozi yivula vayaayi vavaga: Jesheri, Shobabu na Aridoni.

¹⁹ Inyima wi likuza lia Azuba, Kalebu yaleeta mukali walangwa Efurazi, vivula muyaayi walangwa Huri.

²⁰ Huri yaali baba Uri na mwisukulu weve yaali baba Bezaleli.

²¹ Lwa Hezoroni yaali ni mihiga sitini, yaleeta mukaana wa Makiri, mbozo Gileadi. Viivula mwana muyaayi walangwa Segubu,

²² na Segubu yivula muyaayi walangwa Jairi. Jairi yamiha madaala manene sirini na tatu mu kivala cha Gileadi.

²³ Navuzwa uvwami vwa Geshuru na Aramu vaguuta nu kugumira amadara sitini agaali yo komeeda ku tudaala twa Jairi na Kenazi harara na madaala gavakumbiriza. Avandu vamenya yo vosi vaali kisukururwi cha Makiri, baba Gileadi.

²⁴ Inyima wi likuza lia Hezoroni, muyaayi weve Kalebu yaleeta Efurazi, mukunzakali wa baba weve. Vivula muyaayi uwalangwa Ashuru, uwatangiza lidaala lia Tekoa.

Visukululwi via Jerahameeli

²⁵ Jerahameeli, muyaayi wu kutanga wa Hezoroni yaali na vayaayi vatano: Ramu, watanga kwivulwa, Buna, Oremu, Ozemu, Ahija.

²⁶ Jerahameeli yaali kandi nu mukali wa kaviri uwalangwa Atara, uwaali mama wa Onamu.

²⁷ Ramu yaali na vayaayi vavaga: Maazi, Jamini na Ekeri.

²⁸ Onamu yaali na vayaayi vaviri: Shamai na Jada. Avayaayi va Shamai vaali: Nadabu na Abishuru.

²⁹ Abishuru yaleeta mukali walangwa Abihaili, na vivula vayaayi vaviri, Ahabani na Molidi.

³⁰ Amwavo Abishuru, Nadabu yaali na vayaayi vaviri, Seledi na Apaimu, navuzwa Seledi yakuza vugira kuva ku nu muyaayi kali mulala.

³¹ Apaimu yaali baba wa Ishi, na Ishi naava baba wa Sheshani, na Sheshani naava baba wa Ahalai.

³² Jada, amwavo Shamai, yaali na vayaayi vaviri, Jezeri na Jonazani, navuzwa Jezeri yakuza vugira kuva kali nu muyaayi.

³³ Jonazani yaali na vayaayi vaviri, Pelezi na Zaza. Yava vosi vaali visukululwi via Jerahameeli.

³⁴ Sheshani si yaali ku na vayaayi mba; navuzwa avakaana veng'ine vuzwa. Yaali nu mutumikiri kutura Egebeti uwalangwa Jariha.

³⁵ Sheshani yaaha Jariha mulala ku avakaana veve ave mukali weve. Vivula nu muyaayi walangwa Atai.

³⁶ Atai yaali baba Nazani; Nazani yaali baba Zabadi,

³⁷ Zabadi yaali baba Efulali, Efulali yaali baba Obedi,

³⁸ Obedi yaali baba Jehu, Jehu yaali baba Azaria,

³⁹ Azaria yaali baba Helezi, Helezi yaali baba Elieza,

⁴⁰ Elieza yaali baba Sisimai, Sisimai yaali baba Shalumu,

⁴¹ Shalumu yaali baba Jekamia, Jekamia yaali baba Elishama,

Visukululwi vindi via Kalebu

⁴² Muyaayi munene wa Kalebu amwavo Jerahameeli, yalangwa Mesha. Mesha yaali baba Zifu; Zifu yaali baba Maresha; uwaali baba Heburoni.

⁴³ Heburoni yaali na vayaayi vane: Kora, Tapua, Rekemu, na Shema.

⁴⁴ Shema yaali baba Rahamu kandi guuga wa Jorikeami. Rekemu, amwavo Shema, yaali baba Shamai,

⁴⁵ uwaali baba Maoni, naye naava baba Bezizuri.

⁴⁶ Kalebu yaali nu mukali mbikaa uwalangwa Efa, na vivula avayaayi vavaga komeeda ku avimbiri: Harani, Moza, na Gazezi. Harani kandi yaali numuyaayi walangwa Gazezi.

⁴⁷ Jahadai yaali na vayaayi sita: Regemu, Jozamu, Geshani, Peleti, Efa, na Shaafu.

⁴⁸ Kalebu yaali nu mukali mbikaa wundi walangwa Maaka, uwamwivulira avayaayi vaviri, Shebesi na Tirihana.

⁴⁹ Lwi nyima Maaka yivula vayaayi vandi vaviri. Shaafu, uwatangiza lidaala lia Madimana; kandi Sheva, uwatangiza madaala ga Makibena na Gibea. Komeeda ku yava, kalebu yaali nu mukaana uwalangwa Akisa.

⁵⁰ Yava nivo visukululwi vindi via kalebu. Huru yaali muyaayi wimbiri wa Kalebu ku mukali weve Efurazi. Muyaayi wukutanga wa Huru, Shobali yatangiza lidaala lia Kiriazi-Jearimu

⁵¹ Muyaayi weve wa kaviri Salima yatangiza lidaala lia Bezelehemu; na muyaayi weve wa kavaga Harefu yatangiza lidaala lia Bezi-Gaderi.

⁵² Shobali uwatangiza Kiriazi-Jearimu yaali guuga wa avandu va Haroe, uwi inusu ya avandu avamenyi mu Menuhozi,

⁵³ kandi yava ni vi viliango vamenya mu Kiriazi-Jearimu: Vaiziri, Vapuzi, Vashumazi, Vamishirai; na Vazorazi; na Vaeshitaoli vatura kuvo.

⁵⁴ Salima uwatangiza lidaala lia Bezelehemu yaali guuga wa avandu vi viliango via Avanetofazi, kutura Atirozi-bezi-joabu, kandi Avazori, avaari avi ihiiri ndala ku zihiiri ziviri iziamenyaa mu Manahazi.

⁵⁵ Avi viliango via vang'odi yava vamenya mu lidaala lia Jabezi: Avatirazi, Avashimeazi, kandi Avasukazi. Vaali Avakeni avaatura Hamazi, na avaleetanaa na Avarekabu.