1 Kyetsinyinga 1 - KITABU KITAKATIFU

Amakura kutura ku Adamu kuduuka ku Aburahamu

¹ Adamu yaali isi Sezu, Sezu yaali isi Enosi, Enosi yaali isi Kenani,

² Kenani yaali baba Mahalaleli, Mahalaleli yaali baba Jaredi.

³ Jaredi yaali baba Enoka, Enoka yaali baba Mezusela; Mezusela yaali baba Lameki,

⁴ uwaali isi Nuhu. Nuhu yaali na vayaayi vavaga: Shemu, Hamu na Jafeti.

⁵ Vayaayi va Jafeti vaali Gomeri, Magogi, Madai, Javani, Tubali, Mesheki, na Tirasi, avaari avaguuga va avandu avalangwa amita gaavo.

⁶ Visukululwi via Gomeri vaali avandu va Ashikenazi, Rifazi na Togama.

⁷ Visukululwi via Javani viali avandu va Elisha, Tarishishi, Kitimu na Rode.

⁸ Vayaayi va Hamu vaali Kushi, Egebeti, Puti na Kanaani navo vaali avaguuga va avandu valagwa ku amita gaavo.

⁹ Visukululwi via Kushi viali avandu va Seba, Havila, Sabuta, Raama kandi Sabuteka. Visukululwi via Raama, viali avandu va Sheba na Dedani.

¹⁰ Kushi yaali nu muyaayi uwalangwa Nimurodi uwamanya naagwa mulwaani muguuti munene wu kutanga ku lirova liosi.

¹¹ Visukululwi via Egebeti valii avandu va Lidia, Anami, Lehabu, Nafutu

¹² Pazurasi, Kasilu na Kerete uwi kisukururwi cha Vafilisitia chatula kuye, kandi Kafutori.

¹³ Kanaani yaali baba Sidoni, muyaayi weve wukutanga, kandi Hezi, vaali avaguuga va avandu valangwa amita gaavo.

¹⁴ Kanaani yaali kandi guuga wa Vajebusi, Vaamori, Vagirigashi,

¹⁵ Vahivi, Varikate na Vasini,

¹⁶ Varivade, Vazemari kandi Vahamazu.

¹⁷ Vayaayi va Shemu vaali Elamu, Ashuru, Aripakishadi, Ludi, Aramu, Uzi, Huli, Gezeri, na Mesheki. Vaveeye avaguuga va avandu valangwa ku amita gaavo.

¹⁸ Aripakishadi yaali baba Shela, na Shela yaali baba Eba.

¹⁹ Eba yivula avayaayi vaviri; mulala yalangwa Pelegi kigira mu ing'inga yi livamwoyo lilie, avandu vi lirova vaali ni vavukanywa; na uwundi yalangwa Jokitani.

²⁰ Jokitani yivula vayaayi likomi na vavaga: Alimodadi, Shelefu, Hazarimavezi, Jera,

²¹ Hadoramu, Uzali, Dikila,

²² Ebali, Abimaeli, Sheba,

²³ Ofura, Havila, na Jobabu.

²⁴ Lwivulu kutura ku Shemu kuduuka ku Aburahamu lwali kuli ndi: Shemu, Aripakishadi, Shela,

²⁵ Eba, Pelegi, Reu,

²⁶ Serugi, Nahoro, Tera

²⁷ na Aburamu - uwalangwa kandi Aburahamu.

Ivisukulurwi via Ishimaeli

²⁸ Aburahamu yaali na vayaayi vaviri, Isaka na Ishimaeli.

²⁹ Avayaayi va Ishimaeli kutura ku mwana wi mbiri vaali kuli ndi: Nebayozi, Kedari, Adibeeli, Mibusamu,

³⁰ Mishima, Duma, Maasa, Hadadi, Tema,

³¹ Jeturi, Nafishi na Kedema.

³² Aburahamu yaali nu mukali mbikaa walangwa Ketura, na yivula na Aburahamu avana sita: Zimurani, Jokishani, Medani, Midiani, Ishibaki, na Shua. Jokishani yaali na avayaayi vaviri: Sheba na Dedani.

³³ Midiani yaali na vayaayi vatano: Efa, Eferi, Hanoki, Abida na Elida. Yava vosi vaali visukululwi via Ketura.

Visukululwi via Esau

³⁴ Isaka mwana wa Aburahamu yaali na avayaayi vaviri: Esau na Yakobo.

³⁵ Avayaayi va Esau vaali vatano: Elifazi, Reweli, Jeushi, Jalamu na Kora.

³⁶ Elifazi yaali na avayaayi saba: Temani, Omari, Zefi, Gatamu, Kenazi, Timina na Amaleki.

³⁷ Na avayaayi va Reueli vaali: Nahazi, Zera, Shama na Miza.

Avandu vu kutanga komenya mu kivala cha Edomu

³⁸ Avayaayi va Seiri vaali: Lotani, Shobali, Zibeoni, Ana, Dishoni, Ezeri, na Dishani.

³⁹ Avayaayi va Lotani vaali vaviri: Hori na Homamu. Lotani yaali kandi na mbozo weve uwalangwa Timina.

⁴⁰ Shobali yaali na vayaayi vatano: Alivani, Manahazi, Ebali, Shefi na Onamu. Avayaayi va Zibeoni vaali, Aia na Ana.

⁴¹ Ana yaali nu muyaayi mulala - Dishoni. Dishoni mwana wa Ana yaali na vayaayi vane: Hamurani, Eshibani, Izirani, na Kerani.

⁴² Ezeri muyaayi wa Seiri yaali na vayaayi vavaga: Bilihan, Zavani, na Jaakani. Dishani kandi muyaayi wa Seiri yaali navo vaviri: Uzi na Arani.

Avami va Edomu

⁴³ Yava nivo avami vamiiha mu kivala cha Edomu, mwami wundi nakikiri kwamiiha ku avandu va Isiraeli: Bela muyaayi wa Beori kutura mu lidaala linene lia Dinihaba.

⁴⁴ Lwu mwami Bela yakuza, Jobabu muyaayi wa Zera kutura mu kivala cha Bozira, yamiha mu vogono vwivwe.

⁴⁵ Lwu mwami Jobabu yakuza, Hushamu kutura mu kivala cha Temani yamiha mu vogono vwivwe.

⁴⁶ Lwu mwami Hushamu yakuza, Hadadi muyaayi wa Bedadi uwaguuta Midiani mu kivala cha Moabu, yamiha mu vogono vwivwe; na lieta lie lidaala lilie linene liali Avizi.

⁴⁷ Lwu mwami Hadadi yakuza Samula kutura mu kivala cha Masereka, yamiha mu vogono vwivwe.

⁴⁸ Lwu mwami Samula yakuza, Shauli kutura mu kivala cha Rehobozi ahimbi nu mugera gwa Efurate, yamiha mu vogono vwivwe.

⁴⁹ Lwu mwami Shauli yakuza, Baali-hanani muyaayi wa Akibori, yamiha mu vogono vwivwe.

⁵⁰ Lwu mwami Baali-hanani yakuza, Hadadi kutura mu lidaala linene lia Pai yamiha mu vogono vwivwe. Mukali weve yalangwa Mehetabeli na yaali mukaana wa Matiredi; Matiredi yaali mukaana wa Mezahabu.

⁵¹ Lwu mwami Hadadi yakuza, avandu vi kivala cha Edomu vavukana kolondekana na avanene vi zihiiri: Timina, Aliva, Jezezu,

⁵² Oholibama, Ela, Pinoni,

⁵³ Kenazi, Temani, Mibizari,

⁵⁴ Magidieli na Iramu. Yavo nivo avaari avanene vi kivala cha Edomu.