Salmos 93 - La'aqtaqa Ñim Lo'onatac 'Enauacna 2013

Ñim Nataxala' nacheñi ñi Nta'a

¹ ¡Ñim Nataxala' nacheñi ñi nta'a! ¡Ñimaye ỹachaxan da la'amaqchec qataq da qalota la'añaxac! Qataq ỹa'ayiñi ana 'alhua da yaqto' sa deraỹai'.

² Qaq añi 'anso'onaxaqui 'Am Nataxala' ỹataqta sa deraỹai' chegoqta'a co'ollaq cheta'ague da huo'o 'enauacna. ¡Qaq 'Am, nache 'eetai' da 'am huo'o!

³ 'Am Nataxala', na talapi qalaq huo'o da l-lamaxa, qataq nachaañi ana ỹataqta late'erai lapaxa.

⁴ Qalaxaye 'Am Nataxala', da qonetaña na qaỹoqotcheguema, qalaq ỹataqta lta'araic da 'ara'añaxac, 'anapacalec da l-lamaxa na qalota 'etaxat, qataq 'anapacalec da la'añaxac ana lapaxa aso auaxai.

⁵ 'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.