Salmos 54 - La'aqtaqa Ñim Lo'onatac 'Enauacna 2013

'Am Nataxala' aỹem 'aueelec

¹ Aỹem 'anca'alaxatec, 'Am Ñatamnaxala', souaxat da 'are'enaxat, ñaq aỹem 'aueelec 'auo'onataxana da 'ara'añaxac.

² 'Am Ñatamnaxala', ñaq 'aua'axaỹa da ñatamnaxac, qataq 'aua'axaỹalo naua ỹa'aqtaqa,

³ cha'aye na shiỹaxauapi maye ño'oxonnaxaicpi qataq qaica ca iren, namayepi aỹem dataỹa'aguet, nache huotaique da aỹem ỹalauat, nam shiỹaxauapi maye qaica ca ỹanaigui Ñim Lo'onatac 'Enauacna.

⁴ Qalaxaye Ñim Lo'onatac 'Enauacna aỹem itauaatac, Ñim Nataxala' nacheñi ñim aỹem nca'alaxattauec.

⁵ Qaq Ñimaye ỹo'ot qome da maiche talec na qauemsat ne'ena ñepa'aguenaxauapi, Qaq 'aupacchiguilo qome naua 'ara'aqtaqa 'Am Nataxala', 'aulaxachigui qome namayepi.

⁶ Qaq aỹem 'am sanot qome ca maiche ỹachetaqtaxanaxat, qataq sho'oxoren qome da 'are'enaxat, maye ỹataqta 'onaxaic.

⁷ Cha'aye aỹem 'anca'alaxateeguesop 'enauac na ñequi'iguesat, qataq sauaachigui da nanoxonaguec na ñepa'aguenaxauapi.