Salmos 128 - La'aqtaqa Ñim Lo'onatac 'Enauacna 2013

Machiguiñi cam huo'o naq 'enec naqa'en Ñim Nataxala'

¹ Ỹataqta machiguiñi 'enauac nam huo'o naq 'enec naqa'en Ñim Nataxala', nam quetegue da llecỹaxac Ñimaye.

² Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

³ Aca lhua da hueta'a ca lma' qalaq 'eeta'am aca uva da nlaqchigui ana ala, ca llalaqpi da coleesop ca lquia'axala' qalaq 'eeta'am aca nañiguishe olivo.

⁴ Qaq 'era da 'eetec Ñim Nataxala' da talec naqa'en da nchoxonnataguec ca shiỹaxaua, maye huo'o naq 'enec naqa'en Ñimaye.

⁵ Ñim Nataxala' chegoqchiguiña qome naqa'en ye Sión ca 'anchoxonnataguec, nache 'aulotagui da lyacỹaxac ye Jerusalén, 'enauaque naua na'axa'te da 'anachaalataxac.

⁶ Qataq 'avira'a qome da 'auauaachigui ca llalaqpi na 'aỹa'alaqpi. ¡Ñaq huo'o qome da nlagaxayec na Israel!