Salmos 126 - La'aqtaqa Ñim Lo'onatac 'Enauacna 2013

Da 'eetec Ñim Nataxala' co'ollaq ỹe'eguelaxat so noxonecpi

¹ Ñim Nataxala' co'ollaq ñe'eguelaxata na Sión na noxonecpi, nache 'eeta'am da choche sechoxonaqtac.

² Huaña, nache ỹataqta lta'araic da qaraỹalliguiyec, qataq so'onaxanaqtac souaxat da qantonaxac, huaña nache ivira'a na laỹepi shiỹaxauapi, 'eeta': «¡Ñim Nataxala' ỹataqta lta'araic da ỹo'otec namayepi!»

³ Aja', ỹataqta lta'araic da qomi' ỹo'oteque Ñim Nataxala', ỹoqo'oye ñetonaqtapigui'.

⁴ 'Am Nataxala' ñaq qomi' 'anqateeguesopa da qananoxonaguec, nache qomi' 'avi'eguelaxa't, 'eeta'am da 'avi'eguelaxat na la'auaxacpi ca toolec 'alhua.

⁵ Qaq yaqto' nam nỹeetac co'ollaq danaxaatac, ỹataqta ntootapigui' qome da nqat ca ala ca lañiguishec.

⁶ Qaq na'aictoxo' da nỹeetac co'ollaq ỹaatiguiñi aca lañiguishe ala, qalaxaye da ñe'eguelaq qalaq do'onaxaatai' da ntonaxac da nachetac aca laqta ala ca trigo.