Salmos 100 - La'aqtaqa Ñim Lo'onatac 'Enauacna 2013

Ñim Nataxala' qomi' lo'onataqa qataq qomi' lalamaqa'ate

¹ Ỹataqta qauamaichiguiñi da qauo'onaxañiito'ot Ñim Nataxala', 'enauac qami' maye qoñiitalec ana 'alhua.

² Ỹataqta qauamaichiguiñi da qavio'oxoyiñi Ñim Nataxala', qataq qaua'alaqaitai' da qantonaxaqui da qauanaiua'a Ñimaye.

³ Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

⁴ Qaunoxoñiiua'a ñi lasom añi atamnaxaqui da qaỹa'añi da qana'achecỹaxaqui, qataq ye nqasoxoc da qaỹa'añi da qayo'oxonnataxanaxaqui, qaỹa'añim da qana'achecỹaxaqui qataq qavio'oxoyiñi da le'enaxat Ñimaye.

⁵ Cha'aye Ñim Nataxala' ỹataqta soxoraic, da lta'araic lauotaxanaqtaic chochaq tatec, qataq chochaq tatec da saishet da nquic da lataxac.