Salmos 1 - La'aqtaqa Ñim Lo'onatac 'Enauacna 2013

Da ỹoqta 'eesa namaicỹaxac

¹ Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

² nacherata da ỹauoteque naua lapaxaguenataxanaxaco Ñim Nataxala', qataq nache deuennataxaatapegueleguete naamaye ye na'a'q qataq ye pe.

³ Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

⁴ Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

⁵ Qaq ỹoqo'oye nam qauemaicpi saishet qome da nachaata'aguet da qanmit, qataq saishet da ỹalecta'aguet nam no'on da lataxac.

⁶ Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.