Números 33 - La'aqtaqa Ñim Lo'onatac 'Enauacna 2013

So llec so Israel le'ecpi

¹ Qaq 'era da 'eetec so Israel le'ecpi, co'ollaq ca'ai ye 'alhua Egipto, somayepi inoicchiguiñi 'eeta'am ca alleppi, qaq so Moisés qataq so Aarón ilotrague' somayepi.

² Qaq so Moisés, nache ỹetta'aguet na le'enaxat na 'alhuapi maye chegoqchiguiña somayepi qataq na ivita, cha'aye nache la'aqtac co'ollaxa Ñim Nataxala'. Qaq 'era da llecỹaxac somayepi.

³ Co'ollaq jec, nache chegoqchiguiña ye Ramesés, so na'a'q quince so la'auaxanec ca'agoxoic se'eso vi'i, co'ollaq mashe inoxonec so na'a'q maye laloxoqui so Lapascua. Nache lỹatec da lta'araic la'añaxac ỹauaachigui 'enauac so Egipto le'ecpi,

⁴ qaq so Egipto le'ecpi, ñaq ilattapiguiñi co'ollaxa so la'auaxanec llalaqpi maye Ñim Nataxala' ileu naqa'en, qataq Ñimaye nataqa'en ỹo'ot co'ollaxa da nhuaxanaguec so lataxala'pi somayepi.

⁵ Nache so Israel le'ecpi co'ollaq jec, nache chegoqchiguiña ye Ramesés, qaq co'ollaq ivita ye Sucot, nache hua'a yemaye.

⁶ Ime qaltaq jec, chegoqchiguiña ye Sucot, nache co'ollaq ivita ye Etam, yem loga't ye toolec 'alhua, nache hua'a yemaye.

⁷ Qaltaq jec, chegoqchiguiña ye Etam, nache ncoleetaua'a ye Pi Ajirot maye pa'aigue da nala' lliguisheguem ye Baal Sefón, nache hua'a ye sa qaỹapeque ye Migdol.

⁸ Qaltaq jec, chegoqchiguiña ye Pi Ajirot, ỹa'axasoxoolec aso auaxai, qaq co'ollaq ivitta ye toolec 'alhua, nache tres na'axa'te soua lqueuoxoqui' da quetalec yi'iye toolec 'alhua ye Etam, qaq co'ollaq ivita ye Mará, nache hua'a yemaye.

⁹ Qaltaq jec, chegoqchiguiña ye Mará, qaq co'ollaq ivita ye Elim, nache hua'a yem nañalo soua doce lapel maye npaxaatrashegue'm na le'ec 'etaxat, qataq aso setenta chaicpi.

¹⁰ Qaltaq jec, chegoqchiguiña ye Elim, nache co'ollaq ivita ye sa qaỹapeque aso Auaxai Togaxarai, nache hua'a yemaye.

¹¹ Qaltaq jec, chegoqchiguiña ye saqaỹapeque aso Auaxai Togaxarai, nache co'ollaq ivita ye toolec 'alhua ye Sin, nache hua'a yemaye.

¹² Qaltaq jec, chegoqchiguiña ye toolec 'alhua ye Sin, nache co'ollaq ivita ye Dofca, nache hua'a yemaye.

¹³ Qaltaq jec, chegoqchiguiña ye Dofca nache co'ollaq ivita ye Alús, nache hua'a yemaye.

¹⁴ Qaltaq jec, chegoqchiguiña ye Alús, qaq co'ollaq ivita ye Refidín, nache hua'a yemaye, yem huaña da qaica ca 'etaxat da yaqto' nỹom se'eso shiỹaxauapi.

¹⁵ Qaltaq jec, chegoqchiguiña ye Refidín, qaq co'ollaq ivita ye toolec 'alhua ye Sinaí, nache hua'a yemaye.

¹⁶ Qaltaq jec, chegoqchiguiña ye toolec 'alhua ye Sinaí, nache co'ollaq ivita ye Quibrot Hatavá, nache hua'a yemaye.

¹⁷ Qaltaq jec, chegoqchiguiña ye Quibrot Hatavá, nache co'ollaq ivita ye Jaserot, nache hua'a yemaye.

¹⁸ Qataq jec, chegoqchiguiña ye Jaserot, qaq co'ollaq ivita ye Ritma, nache hua'a yemaye.

¹⁹ Qaltaq jec, chegoqchiguiña ye Ritma, qaq co'ollaq ivita ye Rimón Peres, nache hua'a yemaye.

²⁰ Qaltaq jec, chegoqchiguiña ye Rimón Peres, qaq co'ollaq ivita ye Libna, nache hua'a yemaye.

²¹ Qaltaq jec, chegoqchiguiña ye Libna, nache co'ollaq ivita ye Rissa, nache hua'a yemaye.

²² Qaltaq jec, chegoqchiguiña ye Rissa, qaq co'ollaq ivita ye Quelatá, nache hua'a yemaye.

²³ Qaltaq jec, chegoqchiguiña ye Quelatá, qaq co'ollaq ivita aye qasoxonaxapi ye Sefer, nache hua'a yemaye.

²⁴ Qaltaq jec, chegoqchiguiña aye qasoxonaxapi ye Sefer, nache co'ollaq ivita ye Jaradá, nache hua'a yemaye.

²⁵ Qaltaq jec, chegoqchiguiña ye Jaradá, qaq co'ollaq ivita ye Macelot, nache hua'a yemaye.

²⁶ Qaltaq jec, chegoqchiguiña ye Macelot, qaq co'ollaq ivita ye Tajat, nache hua'a yemaye.

²⁷ Qaltaq jec, chegoqchiguiña ye Tajat, qaq co'ollaq ivita ye Téraj, nache hua'a yemaye.

²⁸ Qaltaq Jec, chegoqchiguiña ye Téraj, qaq co'ollaq ivita ye Mitca, nache hua'a yemaye.

²⁹ Qaltaq jec, chegoqchiguiña ye Mitca, qaq co'ollaq ivita ye Jasmoná, nache hua'a yemaye.

³⁰ Qaltaq jec, chegoqchiguiña ye Jasmoná, qaq co'ollaq ivita ye Moserot, nache hua'a yemaye.

³¹ Qaltaq jec, chegoqchiguiña ye Moserot, qaq co'ollaq ivita ye Bené Yacán, nache hua'a yemaye.

³² Qaltaq jec, chegoqchiguiña ye Bené Yacán, qaq co'ollaq ivita ye Hor ye Gidgad, nache hua'a yemaye.

³³ Qaltaq jec, chegoqchiguiña ye Hor ye Gidgad, qaq co'ollaq ivita ye Jotbata, nache hua'a yemaye.

³⁴ Qaltaq jec, chegoqchiguiña ye Jotbata, qaq co'ollaq ivita ye Abrona, nache hua'a yemaye.

³⁵ Qaltaq jec, chegoqchiguiña ye Abrona, qaq co'ollaq ivita ye Ezión Guéber, nache hua'a yemaye.

³⁶ Qaltaq jec, chegoqchiguiña ye Ezión Guéber, qaq co'ollaq ivita ye toolec 'alhua ye Zin ye Cades, nache hua'a yemaye.

³⁷ Qaltaq jec, chegoqchiguiña ye Cades, qaq co'ollaq ivita añi qasoxonaxa Hor maye naña ye loga't ye 'alhua Edom, nache hua'a yemaye.

³⁸ Qaq huaña co'ollaxa yemaye nache Ñim Nataxala' 'enapega so ntaxaỹaxanaxanec Aarón, da tasheguema añi qasoxonaxa Hor, qaq nache huaña añimaye da ileu so Aarón, so la'auaxanec na'a'q so ca'agoxoic cinco se'esoua cuarenta vi'iye, chegoqta'a co'ollaq ca'ai ye Egipto so Israel le'ecpi.

³⁹ Qaq so Aarón, ivi' ciento veintitrés vi'iye da nachaalataxac co'ollaq ileu, hualec añi qasoxonaxa Hor.

⁴⁰ Qaq so nta'a cananeo maye ilotague' so netaña ye Arad, somaye netaña co'ollaxa ye Néguev ye 'alhua Canaán, nache la'axaỹaxac co'ollaxa da lviraxac so Israel le'ecpi.

⁴¹ Qaq somayepi qaltaq jec, chegoqchiguiña añi qasoxonaxa Hor, qaq co'ollaq ivita ye Salmoná, nache hua'a yemaye.

⁴² Qaltaq jec, chegoqchiguiña ye Salmoná, qaq co'ollaq ivita ye Punón, nache hua'a yemaye.

⁴³ Qaltaq jec, chegoqchiguiña ye Punón, qaq co'ollaq ivita ye Obot, nache hua'a yemaye.

⁴⁴ Qaltaq jec, chegoqchiguiña ye Obot, qaq co'ollaq ivita ye Iyé Abarín, yem loga't ye 'alhua Moab, nache hua'a yemaye.

⁴⁵ Qaltaq jec, chegoqchiguiña ye Iyé Abarín, qaq co'ollaq ivita ye Dibón Gad, nache hua'a yemaye.

⁴⁶ Qaltaq jec, chegoqchiguiña ye Dibón Gad, qaq co'ollaq ivita ye Almón Diblatayin, nache hua'a yemaye.

⁴⁷ Qaltaq jec, chegoqchiguiña ye Almón Diblatayin, qaq co'ollaq ivita aye qasoxonaxapi ye Abarín yem sa qaỹapeque ye Nebo, nache hua'a yemaye.

⁴⁸ Qaltaq jec, chegoqchiguiña aye qasoxonaxapi ye Abarín, qaq co'ollaq ivita ye nalochiguiñi 'alhua ye Moab, yem sa qaỹapeque ye tala Jordán maye nalotta ye Jericó,

⁴⁹ nache hua'a na loigue so tala Jordán, nache so npe'lpi chegoqchiguiña ye Bet Yesimot, nache ivitta'a ye Abel Sitín ye nalochiguiñi 'alhua ye Moab.

Da lataxac co'ollaq qanaloqnec ye 'alhua Canaán

⁵⁰ Qaq huaña co'ollaxa ye nalochiguiñi 'alhua ye Moab, yem sa qaỹapeque ye Jordán, maye nalotta ye Jericó, da Ñim Nataxala' 'enapega co'ollaxa so Moisés, 'eeta':

⁵¹ «Qonapega qome na Israel le'ecpi, qoneta': Qom mashe qaua'axasoxoñiilec ye tala Jordán da qaunoxoñiiua'a ye 'alhua Canaán,

⁵² nache qauo'oyiỹauec qome ye shiỹaxauapi maye netalec yi'iye 'alhua, qataq qaulaxachiigui na natamnaxala'pi ne'enaqtac coma', qataq na nqachilliguishec lcat, qataq qanlaxachiiñi na natamnaqa'pi maye huasheguema ana lcomaraxalatepi.

⁵³ Qauacoñiỹa qome yi'iye 'alhua, nache qoñiỹalec, cha'aye qami' sanema da yaqto' qaralamaxache.

⁵⁴ Qalaxaye da qoỹanec ye 'alhua qalaq qaỹo'ot ca alletaxac da qoỹanoigui na maiche nalamaxat nhuo' le'ecpi, nache na ỹataqta qalota nhuo' le'ecpi lta'araic qanqa'en ca na'alhua, qaq na saq 'amaqtaq nache qapio'olec ca qoỹanem 'alhua. Nache ñi 'oonolec na maiche nhuo' le'ecpi ỹaconeguet ca 'alhua maye taalec da lalamaxat.

⁵⁵ Qaq da saishet da qauo'oyiỹauec ye shiỹaxauapi maye netalec yi'iye 'alhua, nache yemayepi saishet qome da qami' ỹalemaxa't, 'eeta'am ca ntagoxoshet, huo'otaq ca lañe' da qaro'ocỹaxaqui qom qoñiitalec yi'iye 'alhua.

⁵⁶ Qaq huaña nache qami' so'oteque dam seuennatega co'ollaxa da so'otec yemayepi.»