Nehemías 11 - La'aqtaqa Ñim Lo'onatac 'Enauacna 2013

Som naña co'ollaxa ye Jerusalén

¹ Qaq so lataxala'pi so maiche nhuo' le'ecpi, somayepi naña co'ollaxa ye Jerusalén, qaq so laỹepi somayepi nache qaỹo'ot so nalletaxac da yaqto' qaỹaỹaten ca 'oonolec maye chegaqaiguilo soua diez da yaqto' nataqa'en no'onaña som huaqta'a't nỹecpi maye ỹataqta qui'itta, qaq soua nueve maye no'oirañi nache nqo'ona so laỹepi huaqta'a't nỹecpi maye ỹotta'a't naua nañalo da yaqto' naña.

² Qaq se'eso maiche nhuo' le'ecpi, talec naqa'en da no'on la'aqtac som shiỹaxauapi maye maiche chegoqchigui da nache naña ye Jerusalén.

³ Qaq 'ena le'enaxatpi som lataxala'pi so shiỹaxauapi, maye nañalo naua 'aleu' maye ỹotta'a't naua nañalo, da yaqto' naña ye Jerusalén. Qaq so huaqta'a't nỹecpi maye ỹotta'a't naua nañalo ye Judá, nache naña som Israel le'ecpi, ntaxaỹaxanaxanecpi, leviitapi, qataq so ilotague' aso atamnaxaqui, qataq som chegoxoguetpi so lamaxashecpi so Salomón, nache ñi 'oonolec somayepi nqo'ona so maiche lalamaxat lma'pi, qataq so maiche lalamaxat na'alhua.

⁴ Qataq huo'o som chegoxoguetpi so Judá qataq so Benjamín, da no'onaña ye Jerusalén, qaq 'eso som chegoxoguetpi so Judá: Ataías, som chegoxoguet so Uzías, Zacarías, Amarías, Sefatías, qataq so Malalel. Qaq so chegoxoguet so Fares,

⁵ qataq so Maaserías, som llalec so Baruc, som chegoxoguet so Coljozé, Jazaías, Adías, Joyarib, Zacarías, qataq so Siloní.

⁶ Qaq da ima'a't som chegoxoguetpi so Fares maye no'onaña ye Jerusalén, nache ivi' cuatrocientos sesenta y ocho, qaq 'enauac somayepi ỹataqta alaataxaicpi qataq 'añaxaicpi.

⁷ Qaq so chegoxoguetpi so Benjamín: Salú, som llalec so Mesulán, maye chegoxoguet so Joed, Pedaías, Colaías, Maseías, Itiel qataq so Isaías.

⁸ Qaq nataqa'en soua lqaỹa't, Gabay qataq so Salay. Qaq da ima'a't somayepi nache ivi' novecientos veintiocho.

⁹ Qaq so lataxala' somayepi nacheso so Joel, som llalec so Zicri, qaq so lỹa lataxala' somayepi nacheso so Judá, som llalec so Senuá.

¹⁰ Qaq so ntaxaỹaxanaxanecpi: Jedaías, maye chegoxoguet so Joyarib, Jaquín,

¹¹ qataq so Seraías, som llalec so Hilcías, maye chegoxoguet so Mesulán, Sadoc, Merayot, qataq so Ajitob maye lataxala' so ilotague' aso atamnaxaqui maye lalamaqte Ñim Lo'onatac 'Enauacna,

¹² qataq soua lqaỹa't maye nataqa'en lo'onataxanaqa' aso atamnaxaqui. Qaq da ima'a't somayepi nache ivi' ochocientos veintidós. Qataq so Adaías, som llalec so Jeroán, maye chegoxoguet so Pelalías, Amsi, Zacarías, Pasjur, Malquías,

¹³ qataq soua lqaỹa't maye lataxala'ate so maiche ñalaqpi. Qaq da ima'a't somayepi nache ivi' doscientos cuarenta y dos. Qataq so Amasay, som llalec so Azarel, maye chegoxoguet so Ahzai, Mesilemot, qataq so Imer,

¹⁴ qataq so lqaỹañecpi maye ỹataqta alaataxaicpi, qaq da ima'a't somayepi nache ivi' ciento veintiocho, qaq so lataxala' somayepi nacheso so Zabdiel, som llalec so Guedolín.

¹⁵ Qaq so levita Semaías, som llalec so Jasub, maye chegoxoguet so Azricán, Jasabías, Binuy,

¹⁶ Sabetay qataq so Jozabad, maye lataxala'ate so leviitapi maye ilotrague' so no'onatac so pa'auec aso atamnaxaqui maye lalamaqte Ñim Lo'onatac 'Enauacna.

¹⁷ Qataq so Matanías, som llalec so Micaía, maye chegoxoguet so Zabdi, qataq so Asaf, som lataxala' so no'onaxanaxanecpi maye ỹo'ottac naxa da ño'oxonnataxanaxac, qataq da qoỹan da 'achecỹaxac da ivita ye laloqo' da atamnaxac. Qataq so Bacbuquías, som lỹa lqaỹa somayepi, qataq so Abda maye chegoxogueta soua: Samúa, Galal, qataq Jedutún.

¹⁸ Qaq da ima'a't so leviitapi, nache ivi' doscientos ochenta y cuatro so no'onaña ye Jerusalén.

¹⁹ Qaq na le'enaxat so lasom lo'opi, Acub, Talmón qataq so lauo' le'ecpi soomaye, maye ilotrague' so lasompi, da ima'a't nache ivi' ciento setenta y dos.

²⁰ Qaq so laỹepi Israel le'ecpi, qataq so ntaxaỹaxanaxanecpi, qataq so leviitapi, somayepi nache no'onaña so maiche lalamaxatpi maye naña so huaqta'a't nỹecpi maye ỹotta'a't naua nañalo ye Judá.

²¹ Qaq so Sijá, qataq so Gispa maye lataxala'ate so ilotague'pi aso atamnaxaqui maye lalamaqte Ñim Nataxala', soomaye nache neraña ye Ofel.

²² Qaq so lataxala' so leviitapi maye naña ye Jerusalén, nacheso so Uzi, som llalec so Bani, maye chegoxoguet so Jasabías, Matanías, Micaía. Qaq som chegoxoguetpi so Asaf, qalaq nacheso som no'onaxanaxanecpi da huaña aso atamnaxaqui maye lalamaqte Ñim Lo'onatac 'Enauacna.

²³ Cha'aye so nta'a mashe ỹapaxaguenec co'ollaxa somayepi da lataxac da lo'onataxanaxac se'eso no'onaxanaxanecpi ye na'a'q.

²⁴ Qaq so ỹaneuo so nta'a da yaqto' huapegue' 'enauac da lhuenaxanaxa se'eso nhuo' le'ecpi, nacheso so Petaías, maye chegoxoguet so Mesezabel, Zeraj qataq so Judá.

So laỹe 'alhuapi maye qanayeetalec

²⁵ Qaq huo'o so nhuo' le'ecpi maye chegoxoguetpi so Judá, da no'onaña ye Quiriat Arbá, Dibón, Yecabsel,

²⁶ Josué, Molada, Bet Pelet,

²⁷ Jasar Súaj, Berseba,

²⁸ Siclag, Mecona,

²⁹ Enrimón, Sorá, Jarmut,

³⁰ Zanoaj, Adulán, Laquis qataq ye Azecá, qaq nache chegoqchiguiña ye Berseba so qanayenalec 'alhuapi, nache ivitta'a so ca'amegue ye Hinón.

³¹ Qaq so chegoxoguetpi so Benjamín, nache naña co'ollaxa ye Geba, Micmas, Aías, Betel qataq so lauoreuapi nma'piolec

³² nataqa'en ye Anatot, Nob, Ananías,

³³ Jazor, Ramá, Guitayin,

³⁴ Jadid, Seboim, Nebalat,

³⁵ Lod, Onó, qataq so ca'amegue maye lma' so ỹo'ottac so ỹotta'a't ne'enaqtac.

³⁶ Nataqa'en huo'o so leviitapi, da qoỹanem co'ollaxa som na'alhua som chegoxoguetpi so Judá qataq so Benjamín.