Génesis 10 - La'aqtaqa Ñim Lo'onatac 'Enauacna 2013

So llalaqpi so Noé

¹ Qaq 'ana ana le'enaxat lmalate som chegoxoguetpi soua llalqa so Noé: Sem, Cam qataq so Jafet, maye co'ollaq ime so auot lta'araic, nache soomaye huo'o so llalaqpi.

² Qaq soua llalqa so Jafet: Gomer, Magog, Maday, Javán, Tubal, Mesec qataq so Tiras.

³ Qaq soua llalqa so Gomer: Askenaz, Rifat, qataq so Togarmá.

⁴ Qaq soua llalqa so Javán: Elisa, Tarsis, Quitín, qataq so Rodanín.

⁵ Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

⁶ Qaq soua llalqa so Cam: Cus, Misrayin, Fut qataq Canaán.

⁷ Qaq soua llalqa so Cus: Sebá, Javilá, Sabta, Ragama qataq so Sabteca. Qaq soua llalqa so Ragama: Sebá qataq so Dedán.

⁸ Qaq so Cus, nacheso so lta'a so Nimrod som shiỹaxaua maye hua'auchiguiñi co'ollaxa da 'añaxaic ana 'alhua.

⁹ Qaq so Nimrod, qalaq chegoqchigui co'ollaxa Ñim Nataxala' da ima'aguet da 'ipiaxac. Qaq ỹoqo'oye qoỹenacnaxa da huo'o ñi 'ipiaxaic: «'Eeta'am so Nimrod, maye chegoqchigui Ñim Nataxala', da ima'aguet da 'ipiaxac.»

¹⁰ Qaq so nma'pi maye hua'auchiguiñi da ilotague' co'ollaxa, le'enaxat Babel, Erec, Acad, qataq Calne, maye huaigui ye 'alhua Sinar.

¹¹ Qaq nache chegoqchiguiña co'ollaxa yi'iye 'alhua da nqo'ona ye Asiria. Qaq nache huaña yemaye da no'oxoosheguem so Nínive, Rejobot, Calaj,

¹² qataq ye Resén, yem lta'araic huaqta'a't nỹecpi maye vichiguingui na laiñi yeua Nínive qataq Calaj.

¹³ Qaq so Misrayin nache chegoxoguet so ludeopi, anameopi, lehabiitapi, Naftuhiitapi,

¹⁴ patruseopi, Casluhiitapi qataq so caftoriitapi, som chegoxoguet so filisteopi.

¹⁵ Qaq so Canaán, nacheso so lta'a so Sidón som hua'auchiguiñi llalec, qataq so Jet.

¹⁶ Qaq so Canaán nacheso so chegoxoguet son jebuseopi, amorreopi, gergeseopi,

¹⁷ jiviitapi, araceopi, sineopi,

¹⁸ arvadeopi, semareopi, qataq so jamatiitapi. Qaq ime co'ollaxa, nache nlagaxaañi 'enauac so cananeopi.

¹⁹ Qaq so na'alhua so cananeopi nquictauec, chegoqchiguiña ye Sidón, nache ivitta'a ye 'alhua Gerar qataq ye Gaza, qataq dataigue da pa'aigue ye Sodoma, Gomorra, Adma, qataq ye Zeboyin, nache ivira'a ye Lasa.

²⁰ Qaq 'eso som chegoxoguetpi so Cam, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

²¹ Qaq so Sem som lqaỹa ỹe so Jafet, nataqa'en somaye huo'o so llalaqpi. Qaq 'enauac so llalaqpi so Éber, nache chegoxoguet so Sem.

²² Qaq soua llalqa so Sem: Elam, Asur, Arfaxad, Lud, qataq so Aram.

²³ Qaq soua llalqa so Aram: Uz, Jul, Geter, qataq so Mas.

²⁴ Qaq so Arfaxad, nacheso so lta'a so Selaj, qaq so Selaj nacheso so lta'a so Éber.

²⁵ Qaq qataq so Éber, huo'oi soua dos llalqa: so 'oonolec soomaye le'enaxat Peleg, cha'aye co'ollaq ñaq huo'o somaye, nache colaxagui so shiỹaxauapi ana 'alhua. Qaq so lqaỹa so Peleg le'enaxat Joctán.

²⁶ Qaq so Joctán, nacheso so lta'a so Almodad, Selef, Jasar Mávet, Yera,

²⁷ Hadorán, Uzal, Diclá,

²⁸ Obal, Abimael, Sebá,

²⁹ Ofir, Javilá, qataq so Jobab. Qaq 'enauac se'esopi, nache llalaqpi so Joctán.

³⁰ Qaq som 'alhua maye nalec somayepi, chegoqchiguiña ye 'alhua Mesa, nache dataigue da pa'aỹa'ague ye Sefar, nache ivitta'a aye qasoxonaxapi maye pa'aỹa'ague da nala' lliguisheguem.

³¹ Qaq 'eso som chegoxoguetpi so Sem, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.

³² Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.