1 Crónicas 7 - La'aqtaqa Ñim Lo'onatac 'Enauacna 2013

Som chegoxoguetpi so Isacar

¹ Soua llalqa so Isacar, le'enaxa't: Tola, Puvá, Jasub qataq so Simerón, qaq da ima'a't nache ivi' cuatro.

² Qaq soua llalqa so Tola, le'enaxa't: Uzi, Refaías, Jeriel, Yajemay, Ibsán qataq so Samuel, qaq 'enauaque soomaye da alaataxaiqa, 'añaxaiqa qataq nachesoua soua lataxala'ate som nhuo' le'ecpi, maye chegoxoguet so Tola. Qaq ye lcata somayepi co'ollaq nta'a so David, nache ivi' veintidós mil seiscientos.

³ Qaq so llalec so Uzi le'enaxat Israhías. Qaq soua llalqa so Israhías le'enaxa't Micael, Abdías, Joel qataq so Isías. Qaq da ima'a't nache cinco se'esoua nataxala'ate.

⁴ Qaq cha'aye qalota aso lhuapi somayepi qataq so llalaqpi, nache se'eso ỹotta'a't chegoxoguetpi som llalaqpi, nache chegaqaigui som qalota alleppi maye ỹaỹaten da nalaataxac, qaq somayepi ivi' treinta y seis mil.

⁵ Qaq da qanaloqteneuo som lauo' le'ecpi so Isacar, ye lcata som llalaqpi nache ivi' ochenta y siete mil se'eso alleppi, alaataxaicpi maye ỹataqta 'añaxaicpi.

Som chegoxoguetpi so Benjamín

⁶ Qaq so Benjamín, tres soua llalqa, le'enaxa't: Bela, Béquer qataq so Jediael.

⁷ Qaq so Bela, cinco soua llalqa, le'enaxa't: Esbón, Uzi, Uziel, Jerimot qataq so Irí, qaq 'enauaque soomaye lataxala'ate som lauo' le'ecpi, qataq alaataxaiqa qataq ỹataqta 'añaxaiqa. Qaq da ima'a't somayepi, nache ivi' veintidós mil treinta y cuatro.

⁸ Qaq soua llalqa so Béquer, le'enaxa't: Zemira, Joás, Eliezer, Elioguenay, Omri, Jerimot, Abías, Anatot qataq so Alémet. Qaq 'enauaque soomaye da llalqa so Béquer,

⁹ qaq da qanaloqten na nanettauo llalaqpi som chegoxoguetpi somayepi, qataq so lataxala'pi se'eso nhuo' le'ecpi, nache ivi' veinte mil doscientos ỹalleppi maye ỹataqta 'añaxaicpi.

¹⁰ Qaq so llalec so Jediael, le'enaxat: Bilán. Qaq soua llalqa so Bilán, le'enaxa't: Jeúz, Benjamín, Aod, Quenaná, Zetán, Tarsis qataq so Ajisajar.

¹¹ Qaq 'enauac se'esopi chegoxoguet so Jediael, qataq somayepi nache lataxala'pi se'eso lauo' le'ecpi, somayepi alaataxaicpi qataq ỹataqta 'añaxaicpi. Qaq se'eso ỹalleppi ivi' diecisiete mil doscientos.

¹² Qaq soua llalqa so Ir, le'enaxa't: Sufán qataq so Hufam. Qaq so llalec so Aher, le'enaxat Jusín.

Som chegoxoguetpi so Neftalí

¹³ Qaq soua llalqa so Neftalí, le'enaxa't: Yajesel, Guní, Jeser qataq so Salún. Qaq soomaye, nache chegoxogueta aso Bilhá.

Som chegoxoguetpi so Manasés

¹⁴ Qaq soua llalqa so Manasés, maye llalqa aso ỹaqauga lhua maye Siria lashe, soomaye le'enaxa't: Asriel qataq so Maquir, som lta'a so Galaad.

¹⁵ Qaq so Maquir, huaroneguet co'ollaxa aso Macá, asom 'alo maye chegoxogueta so Hufam qataq so Sufán. Qaq so lỹa llalec so Maquir, le'enaxat Selofhad, qaq somaye ndoreñi 'alo soua llalel.

¹⁶ Qaq aso Macá, asom lhua so Maquir, huo'o so llalec, nache ỹanagui da le'enaxat Peres. Qaq so lqaỹa so Peres, le'enaxat Seres, qaq soua llalqa somaye le'enaxa't, Ulán qataq so Requén.

¹⁷ Qaq so llalec so Ulán, le'enaxat Bedán. Qaq somayepi nache llalaqpi so Galaad, maye llalec so Maquir, som llalec so Manasés.

¹⁸ Qaq aso Hamolequet maye lqaỹa so Maquir, nachaso aso late'e so Isod, Abiezer qataq so Mahlá.

¹⁹ Qaq soua llalqa so Semida, le'enaxa't Ahián, Siquén, Liquejí qataq so Anián.

Som chegoxoguetpi so Efraín

²⁰ Qaq som chegoxogueta so Efraín, le'enaxa't: Sutélah, Béred, Táhat, Eladá, Táhat,

²¹ Zabad, Sutélah, Ezer qataq so Elad. Qaq se'eso lma' ye Gad, ỹalaua't co'ollaxa soua Ezer qataq so Elad, souaxat da soomaye decachetrega som 'atetpi.

²² Qaq so Efraín, som lta'a soomaye, qaỹoqtrec co'ollaxa soua na'axa'te de'era lasouaxac, ỹoqo'oye anac co'ollaxa so lauo' le'ecpi da ỹa'añaqchet somaye.

²³ Qaq co'ollaq ime de'era, nache somaye qaltaq lauañi' aso lhua, nache asomaye hualaxai, qaq co'ollaq deco'o nache ỹale so llalec, nache ỹanagui da le'enaxat Beria, cha'aye souaxat da huetalec so lma' da naquicoxo.

²⁴ Qaq aso Seerá, maye llale so Beria, no'oxoosheguem co'ollaxa ye Bet Jorón, yem npa'aỹañi qataq ye pa'aỹasheguem, qataq ye Uzén Seerá.

²⁵ Qaq som chegoxogueta so Beria, le'enaxa't Refaj, Resef, Telaj, Tahán,

²⁶ Ladán, Amiud, Elisama,

²⁷ Nun qataq so Josué.

²⁸ Qaq som na'alhuapi qataq som netañapi somayepi, le'enaxat Betel, qataq som lauoreuapi nma'piolec, qataq ye Narán, maye pa'aigue da nala' lliguisheguem, qataq ye Guézer maye pa'aigue da avit, qataq ye Siquén, nache ivitta'a ye Ayah, qaq nache 'enauac se'eso huaqta'a't nỹecpi, qataq so lauoreuapi nma'piolec.

²⁹ Qaq som chegoxoguetpi so Manasés, nacheso som ilotague' ye Bet Seán, Tanac, Meguido qataq ye Dor, qataq som lauoreuapi nma'piolec. Qaq se'eso nma'pi, nache netaña co'ollaxa so chegoxoguetpi so José, som llalec so Israel.

Som chegoxoguetpi so Aser

³⁰ Qaq soua llalqa so Aser, le'enaxa't Imna, Isvá, Isví, Beria qataq aso Sérah, asom lqaỹa soomaye.

³¹ Qaq soua llalqa so Beria, le'enaxa't Jéber qataq so Malquiel, som lta'a so Birzavit.

³² Qaq so Jéber, nacheso so lta'a so Jaflet, Semer, Jotán qataq aso Súa, asom lqaỹa soomaye.

³³ Qaq soua llalqa so Jaflet, le'enaxa't Pasac, Bimal qataq so Asvat.

³⁴ Qaq soua llalqa so Semer, maye lqaỹa somaye, le'enaxa't Rogá, Yejubá qataq so Aram.

³⁵ Qaq soua llalqa so Jotán, som lqaỹa somaye, le'enaxa't Sofaj, Imna, Seles qataq so Amal.

³⁶ Qaq soua llalqa so Sofaj, le'enaxa't Súah, Harnefer, Súaj, Beri, Imra,

³⁷ Beser, Hod, Sama, Silsa, Itrán qataq so Berá.

³⁸ Qaq soua llalqa so Jéter, le'enaxa't Yefune, Pispa qataq so Ará.

³⁹ Qaq soua llalqa so Ula, le'enaxa't Araj, Haniel qataq so Risiyá.

⁴⁰ Qaq 'enauac somayepi da chegoxoguetpi so Aser, qaq somayepi nache lataxala'pi so maiche lauo' le'ecpi, somayepi alaataxaicpi, 'añaxaicpi qataq 'amaqtaqaicpi. Qaq da qanaloqten se'eso nanettauo llalaqpi somayepi, nache ivi' veintiséis mil ỹalleppi maye ỹataqta ỹaỹaten da nalaataxac.