Biblia Todo Logo
Bìoball air-loidhne

- Sanasan -

Bïchuû Tësälönîke 3 - Mbëtï Ndjapä: TÄFO MADƗ̈


Nyë tö pö sə̈ Ndjapä bëte ârâ

1 Ndə̂kə̂ ka pö ndə̂ mê, arə̂mä, nyë tö pö sə̈ Ndjapä bëte ârâ ânyë pö ndə̂ Gbölö Gbïɛ̈ za tchô gbɛ̂, ânyë azü lusə̂ nə̈ batə̂ rə̂ ndə̂ a lûsə̂ nə̈ bhândə̂ nyê.

2 Nyë tö ndjë pö sə̈ Ndjapä ndə̂kə̂ pa tche ji ârâ tchânə̂ azü ndə̂kə̂ mbo rə ndə̂ andjê fûâbô fû-î, la angbongbo azü. Bëte âdə̂âbo azü gbɛ̂ kä ndə̂ âzâ su andjê sə̈ Krîsiti-a.

3 Praâbalë Gbölö Gbïɛ̈ mbö rə gundə̂sə̂ pö ma yê, tchê mboadje rə̂ pä nyë kpokpo tə̂ nyê, kə̂ batadje nyê ânyë Ngbongbo akrə mboabô ngâ rə mbô tə̂ nyê-ê.

4 Ndə̂ azə̈ wâ balë la Gbölö Gbïɛ̈, ârâ zä su ârâ pâ nyê: Rə ndə̂ ârâ yûkû nə̈ sə̈ nyê, nyë kä lakə̂ mbo rə̂, ânyë gbô nyê səadje lakə̂ mbo rə̂.

5 Äfü pä Gbölö Gbïɛ̈ za rə̂ tə̂ su nyê ndə̂kə̂ nyində̂ Ndjapä, kə̂ rʉatə̂ su nyê batə̂ Krîsiti.


Äwäpä azü ndə̂ Krîsiti mbo kua

6 Arə̂mä, ârâ yükû nə̈ sə̈ nyê la rə̈ Gbölö Gbïɛ̈ Jezü Krîsiti, nyë gïäbô tə̂ nyê gî pu a-earə̂ dö-ê, ndə̂kə̂ mbo rə ndə̂ andjê wâ ngbî tə̂ pö ndə̂ ârâ nyîsə̂ nə̈ sə̈ nyê.

7 Âdə andə̂ nye nə̈, nyë wûnsə̂ köbo ndə̂kə̂ mbo rə batə̂ ârâ nə̂. Ndə̂ ârâ sə̂ lə̂ gbâtə̂ nyê alême, ârâ mbôâbo dö-a.

8 Kɨ̈zɨ̂ ndə̂ ârâ zɨ̂ rə̂, ârâ yûâbo kû nə̈ tchânə̂ ngâ akrə balë-a, praâbalë ârâ wün yûkü, kə̈ mômo lakə̂ mbo kua dalobiî ânyë kə̈ wâbô wâtə̂ kʉ̂ngbô pâ ngâ akrə balë lə̂ gbâtə̂ nyê-ê.

9 Äkä la köbo nə̈ ndə̂kə̂ pa ârâ yukû rə tchânə̂ nyê, praâbalë ârâ yûâbo kû nə̈-a, bëte ârâ nyïndə̂ nə̈ pä nyë mbo rə batə̂ ârâ.

10 Bëte sə̂nə̈ ndə̂ gbô ârâ sə̈ lə̂ gbâtə̂ nyê, ârâ yükû nə̈ sə̈ nyê päkëdə̂: «Akrə ndə̂ tche nyîâbô nyîndə̂ kə̂ mbo kua, âwâbo pä tche zɨ ndjë rə-a.»

11 Dëkë ârâ djë rə̂ pä angâ azü lə̂ gbâtə̂ nyê də̈ a-earə̂ dö, andjë mbôâbo ngâ kua balë-a, kə̂ yi kütû ma andjê lə̂ pö ndə̂ angâ andjê.

12 Azü käko lâme, ârâ yükû nə̈ sə̈ andjê, kə̈ zâ wängö sə̈ andjê la rə̈ Gbölö gbïɛ̈ Jezü Krîsiti: Äwäpä andjë sə gii-ï, kə̂ mbo kua ânyë kə̂ zɨ rə ngbâ kua ndə̂ andjê mbo rə̂ la tə̂ andjê.

13 Âdə andə̂ nye nə̈, arə̂mä, nyê möäbô mô tə̂kə̂ mbo tchôtchô rə-ê.

14 Âdə ngâ akrə âmboabô rə mbô gundə̂sə̂ apö ndə̂ ârâ tô rə̂ lə̂ mbëtï âtə, la nyê gbö tə̂ yê. Nyë wabô wâ la tchë lə̂ ngâ rə balë-ê, käko ânyë ganô mbo tchë.

15 Nyë wün-äbô tchë wûn batə̂ earə̂ kə̂ kosə̂ nyê-ê, praâbalë nyê gbɨ̈tɨ tü yê batə̂ ngâ nyê akrə lə̂ Krîsiti.


Kə̂ e tchôtchô pö lakə̂ po ndə̂ azü

16 Äfü pä Gbölö Gbïɛ̈ la tə̂ yê, ndə̂ tche wâ la zɨtɨ su, za zɨtɨ su sə̈ nyê logbɛ̂ lə̂ arə gbɛ̂. Äfü pä Gbölö Gbïɛ̈ sə la nyê gbɛ̂.

17 Mëmê Pôlo la tə̂ mê kä ndə̂ âmbô mbëtï âtə: Më pô ndə̂ nyê nə̂. Köbo ndə̂ mê to könô mê tchâtchâ ambëtï ndə̂ mê balë balë gbɛ̂ kä âtə, köbo ndə̂kə̂ mbo mbëtï ndə̂ mê kä âtə.

18 Äfü pä tchôtchô su ndə̂ Gbölö Gbïɛ̈ ndə̂ azə̂ Jezü Krîsiti sə la nyê gbɛ̂.

© Wycliffe Bible Translators, Inc.

Wycliffe Bible Translators, Inc.
Lean sinn:



Sanasan