Ŋwàʼ Jov 25 - ŊWÀʼ NYÙY

Bildad yén ji bó yòʼ dzə̀ wìr yù fóo koʼtí e Nyùy si

¹ Á bèy, Bildad woo wír woó Shu nèn a bìnèr e Jov, a suúy jii:

² «Sáʼa dzə̀ yé Nyùy, a dzə̀ á kù a fàn wun fánen. Wù neèr ne sáʼ rə́ é ntoò yùv, e yiì, vifá vidzə̀m vi wáa lèm nyaáŋ.

³ A dzə̀ tàŋ la mànjòŋ Nyùy, e tòʼ? Rán Nyùyi lóo ban, yí wàa shav la?

⁴ A dzə̀ wìr msòŋ ghàn é le, e bó a dzə là jay e Nyùy si? Wír fo wìr, é bo wù wáa dzə là shilóm.

⁵ A Nyùy lò, a yen kfə́ ŋwee ji wú yòʼ bán kijuŋ, e kù a yen ji mejiy mè laʼrì làʼrìn,

⁶ bo a dzə̀ ké wìr msòŋ kí wàa dzə kfə́ é le? Wír, a dzə̀ dzə́r fo dzər, wan ŋkfə wìr, a dzə̀ kiŋgoóŋgoŋ fó kiŋgoóŋgoŋ.»