Nehemia 10 - ŊWÀʼ NYÙY

¹ Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

² Atàá cùu wáa dzə jii, Serayia wùn à Asaria, à Jeremia,

³ à Pashur, à Amaria, à Malkija,

⁴ à Hattush, à Shebania, à Malluk,

⁵ à Harim, à Meremot, à Obadia,

⁶ à Daniel, à Ginneton, à Baruk,

⁷ à Meshullam, à Abija, à Mijamin,

⁸ à Maasia, à Bilgay, e lì Shemayia. Wír vìn adzə̀me kù‑uù dzə̀ atàá cù.

⁹ Wír veé ram Levìi nén a dzə jii, Jeshua woo wan Asania wùn à Binnuy woo lò fó rám Henadad, à Kadmiel,

¹⁰ wùn aàfə́r vév ámóʼó vee Shebania, à Hodia, à Kelita, à Pelayia, à Hanan,

¹¹ à Mika, à Rehov, à Hashabia,

¹² à Sakkur, à Sherebia, à wùmòʼ woo Shebania,

¹³ à wùmòʼ woo Hodia, à Bani, e lì Beninu.

¹⁴ Vilìmbìy ve wíri ví wáa dzə jii, Parosh wùn à Pahat‑Moav, à Elam, à Sattu, à Bani,

¹⁵ à Bunni, à Asgad, à Bebay,

¹⁶ à Adonija, à Bigvay, à Adin,

¹⁷ à Ater, à Hesekiya, à Asur,

¹⁸ à wùmòʼ woo Hodia sa, à Hashum, à Betsay,

¹⁹ à Hariv, à Anatot, à Nebay,

²⁰ à Magpiash, à Meshullam, à Hesir,

²¹ à Meshesabel, à Tsadok, à Jaddua,

²² à Pelatia, à Hanan, à Anayia,

²³ à Hoshea, à Hananiya, à Hashuv,

²⁴ à Hallohesh, à Pilha, à Shobek,

²⁵ à Rehum, à Hashavna, à Ma‑Aseyia,

²⁶ à Ahija, à wùmòʼ woo Hanan, à Anan,

²⁷ à Malluk, à Harim, e lì Baana.

²⁸ Kibér ke wìr kee jii, atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, à wìr dzə̀m wo wù fəən ne fo wír veé wòŋ see fó ghaŋ si, e ghàr a dzə̀ Nsər Nyùy, e lì sa vikìy vév wùn à wón vee vilume, à vee vikìyí, à wìr dzə̀m wo yì‑iì dzə̀ wù kìíy kinyo, e kfə̀n səə̀m.

²⁹ Áwune nèn tàtí afə́r vév ve dzəə̀n vilìmbìy, e yiì kilìʼ. Wùn áwune líʼ ji á yíi a yu vinyo a dzə̀ á fo Ŋwàʼ Nsər wo Nyùy‑iì foon aáwune, e shaà fo Mooser woo ŋgaà lìm və, a ghar a nsər se wun woo Nyùy Tàr woo tàr wov, a yu vinyo ve wù‑uù tinen, wùn à sáʼ rəə́, a yiì a mo yí dzəə̀n. Kí búŋ fo bèy, é lǒn Nyùyi shóv aáwune.

³⁰ Vé‑eè lìʼ bey, e yòŋ jii, «Vèr yòʼ yíi a juùr wón vér e wón vitum veé nsay fène, a bó vèr yòʼ yíi a lì sa vév vee wón, a way e lav.

³¹ «Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.

³² «Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.

³³ Aá ku wìy a lìm vinyo veé lav Nyùy sho vee jii, kibán ke á maʼ Nyùy sho, à cu vifa ve yi yee ghán sidzə̀me, à nyám se cù ye tonèné yee vishiíy vidzə̀me, à vifá ve cù seé vishiíy vé bam vi, à vifá ve *Ŋkǎʼ Ŋwee wo Fíyi, à vé ŋkàʼ se shavín sí, à vé cù yee jeéyí, à vé cù ye á mán ajay wìr veé Isray shoo, e bóo lì lim símóʼ sí sidzə̀m see Nyùy woo Nyùy wór lav.

³⁴ «Ver vee atàá cù, vèr à wír veé ram Levìi, à wìr dzə̀m tàr ne, e shòʼtí kfəə́ se sí yíi a wìy e meŋkaʼ me cù mè e Nyùy wór lav e ghan se á sìysìn, e kiya kiya, aá wáa tòn e Nyùy Tàr woo Nyùy wór kiy cù, mo á saŋen é Ŋwàʼ Nsər.

³⁵ «Vèr kfə̀n yíi a fo sa vifá ve mbìy vi e Nyùy Tǎr lav. Vifá ve mbìy ve vèr káv fo věr sum sí wùn à ve vèr koy kòyìn fó vici ví, aá kù wíy a yiì bèy e kiya kiya.

³⁶ «Vèr wíy a lì sa wón vér vee vilum vee vé mbìyi, a wìy sho e Nyùy wór lav, a yen atàá cù sho, ve á lim e ghan see shó, ji á fó e Nyùy mo á saŋen é Ŋwàʼ Nsər, e kfə̀n a wìy sa e wón nyàm vee vilum vee vé mbìyi fó ŋgoo nàʼ wùn à fó ŋgoo njiì, à fó ŋgoo bvəy se loŋ.

³⁷ «Vèr káv vifá ve yi, lóo jò, é vèr li jó mbìyi, a wìy sho e vitàv veé lav Nyùy, a fo aàtàá cùu, e kfə̀n a wìy sa e vifá ve mbìy vi ve á fer e báŋ se sí koom e vici sí, à meluʼ mè, à meŋgvə́r mè. «Vèr wíy a toʼtí vifá ve á káv fo nsay fèn vidzə̀m kirə́ʼ e ghvə̀m, a fo kee kimòʼón ki e wír veé ram Levìi, mo dzəə̀n áwune ve á yii báʼti nsùʼ və̀n ntèʼ sidzə̀m fo á lim súm.

³⁸ Taà cù woo Aaron ram kù wíy a dzə fo si e ghan se wír veé ram Levìi wíy a sə kirə́ʼ ké kimòʼón kìn. Á sə́, aá jav kirə́ʼ e ghvə̀m, e lì kee kimòʼón ki, e dù sho e lav Nyùy woo Nyùy wor, e dù, e wày é vitàv fó mvəm.

³⁹ Dzə̀ fo wír veé Isray wùn à veé ram Levìi kù yíi a dù, a lèm nsùʼ e dzə̀m, woo vifá ve yi wùn à woo meluʼ, à woo meŋgvə́r. Vitáv vee shooy vi dzə̀ fo á yii lem vifá ve ker veé lav cù, a kfə̀n dzə̀ fo atàá cù wùn à wír ve á leey lav cùu, à vé yòvi, yii dzə́. «Vèr yòʼ ghán màʼày lav Nyùy wor gheéy.»