Kintaŋ 26 - ŊWÀʼ NYÙY

Kintaŋ ke Isray ke kí meen ji baà

¹ Kifə̀ʼ ki mày bèy, Nyùy Tàr lò, e yòŋ e Mooser wùn Eleasar woo wan Aaron woo taà cù jii,

² «Vèn táŋ mànjòŋ woó Isray e dzə̀m. Vèn ku tàŋ vilum adzə̀m ve á gheenen ve dzə̀ á dù é shùu rərí, vee kèʼ fó kiya mbaà, a dù duùn fó mbìy. Á táŋ áwune mo lav se atàr vév sí dzə̀kìn.»

³ Mooser wùn taà cù Eleasar nèn a suŋnín wùn à wír veé Israyi é mboʼ yeé Moav foo fèy, aá dzə̀ é ghaa ndzəv yee Jordan e ŋkìʼnìn Jeriko. Áwune nèn fò sáʼ ji

⁴ á táŋ á vilum vee kèʼ fó kiya mbaà, e dù duùn fó mbìy. Á kinyo ke Nyùy Tàr‑iì yòŋèn e Mooser. Kfəə́ seé Isray se sí‑iì fəən fó Ejiv si nén a dzə jii:

⁵ Fo rám Ruben woo wan Isray mbìy, á kér kfəə́ see jii, yé Hanok, yé Pallu,

⁶ yé Hesron, e lì yé Karmi.

⁷ Á kfəə́ se sí‑iì ràmèn fo Ruben. Á táŋ wíri, á wáa dzə kishóv mtaár e ghiì saàmbà, aànsə̀kìi nshòv sitaár e mkweè (43,730).

⁸ Ké kfəə Pallu, wàn Pallu‑uù dzə̀ Eliav,

⁹ a wón Eliavi dzə̀ ji Nemuel wùn à Datan, à Abiram. Vé‑eè shòʼ Datan wùn Abiram ji vilìmbìy ve wíri, a kù‑uù dzə̀ áwune vin ve vé‑eè loòn, a tsəy kóy wùn à Mooser, à Aaron, e tàtí ŋgoo Kora ye yì‑iì loòn, e kày sáʼ Nyùy Tàr.

¹⁰ Nsay nèn mvə̀ʼə̀m, e mèy áwune wùn à Kora. Ŋgoo yev kpú, və́yí kfən laàr wír vév kishóv mtàn e ghiì baà (250). Kí koóy bey, e nèn a dzə kisəəm ji wír veé Israyi wàá wáa yen.

¹¹ Yii bèy, bó kfə́ə Koràa yòʼ‑oò lo kpù, e mày.

¹² Fo rám Simeon, á kér kfəə́ see jii, yé Nemuel, yé Jamin, yé Jakin,

¹³ yé Sera, e lì yé Shaul.

¹⁴ Á kfəə́ se sí‑iì ràmèn fo Simeon. Á táŋ wíri, á wáa dzə kishóv ghii baà aànsə̀kìi nshòv sibaà e mbaà (22,200).

¹⁵ Fo rám Gad, á kér kfəə́ see jii, yé Sefon, yé Haggi, yé Shuni,

¹⁶ yé Osni, yé Eri,

¹⁷ yé Arod, e lì yé Areli.

¹⁸ Á kfəə́ se sí‑iì ràmèn fo Gad. Á táŋ wíri, á wáa dzə kishóv ghii tàn aànsə̀kìi mkweè (40,500).

^19-21 Fo rám Juda, á kér kfəə́ see jii, yé Shela, yé Peres, e lì yé Sera. Fo kfəə Peres, á tóʼtí kfəə́ see jii, yé Hesron wùn à yé Hamuli. Wón Juda ámóʼó‑oò dzə̀ Er wùn Onan. Yii bèy, aáwune‑eè kpùkír é Kanan.

²² Á kfəə́ se sí‑iì ràmèn fo Juda. Á táŋ wíri, á wáa dzə kishóv ghii tàn aànsə̀kìi nshòv ntuùfú e msaàmbà (76,500).

²³ Fo rám Issakar, á kér kfəə́ see jii, yé Tola, yé Pua,

²⁴ yé Jashuv, e lì yé Shimron.

²⁵ Á kfəə́ se sí‑iì ràmèn fo Issakar. Á táŋ wíri, á wáa dzə kishóv ghii taár aànsə̀kìi nshòv sikweè e mntuùfú (64,300).

²⁶ Fo rám Sebulun, á kér kfəə́ see jii, yé Sered, yé Elon, e lì yé Jaaleel.

²⁷ Á kfəə́ se sí‑iì ràmèn fo Sebulun. Á táŋ wíri, á wáa dzə kishóv ghii tàn aànsə̀kìi mntuùfú (60,500).

²⁸ Ké wón Joosev, á kér rám e baà, yé Manasse wùn à yé Efrayime.

²⁹ Ké rám Manasse ki dzə̀ jii, Makir‑iì dzə̀ tàr à Gilead. Kfəə́ se sí‑iì ràmèn fó Gilead si wáa dzə jii,

³⁰ yé Ieser, yé Helek,

³¹ yé Asriel, yé Shekem,

³² yé Shemida, e lì yé Hefer.

³³ Tsəlofehad woo wan Hefer‑iì gòʼ là wán woo lumèn. Wù‑uù kér a dzə̀ vee vikìy, a yír sí dzə̀ jii, Maala wùn à Noa, à Hogla, à Milka, e lì Tirsa.

³⁴ Á kfəə́ se sí‑iì ràmèn fo Manasse. Á táŋ wíri, á wáa dzə kishóv ghií saàmbà aànsə̀kìi nshòv sibaà e mtàn (52,700).

³⁵ Fo rám Efrayim, á kér kfəə́ see jii, yé Shutela, yé Beker, yé Tahan.

³⁶ Fo Shutela kfəə, á kfən fə̀ə́r kfə́ə Eran.

³⁷ Á kfəə́ se sí‑iì ràmèn fo Efrayim. Á táŋ wíri, á wáa dzə kishóv ghii tàn aànsə̀kìi nshòv sibaà e mtaár (32,500). Á mo wír ve vé‑eè ràmèn fo Joosevi dzəə̀n é kfəə sí kfəə si.

³⁸ Fo rám Benjamin, á kér kfəə́ see jii, yé Bela, yé Ashbel, yé Ahiram,

³⁹ yé Shefufam, e lì yé Hufam.

⁴⁰ Kfəə́ si kfən ràm fo yé Belàa, a sí dzə̀ jii, yé Ard wùn à yé Naamane.

⁴¹ Á kfəə́ se sí‑iì ràmèn fo Benjamin. Á táŋ wíri, á wáa dzə kishóv ghií ntuùfú aànsə̀kìi nshòv sitàn e mkweè (45,600).

⁴² Fo rám Dan, á kér kfə́ə Shuham. Á kfəə́ ye yí‑iì ràmèn fo Dan.

⁴³ Vé‑eè tàŋ wíri fó kfəə Shuham adzə̀m, á wáa dzə kishóv ghii kweè aànsə̀kìi nshòv sikweè e mntuùfú (64,400).

⁴⁴ Fo rám Asher, á kér kfəə́ see jii, yé Imna, yé Ishvi, e lì yé Beria.

⁴⁵ Kfəə́ si kfən ràm fo yé Beriàa, a sí dzə̀ jii, yé Heber wùn à yé Malkieli.

⁴⁶ A Asher‑iì kér wán woo wiíy, a yírí‑iì dzə̀ Sera.

⁴⁷ Á kfəə́ se sí‑iì ràmèn fo Asher. Á táŋ wíri, á wáa dzə kishóv ghii kweè aànsə̀kìi nshòv sitaár e mtàn (53,400).

⁴⁸ Fo rám Navtali, á kér kfəə́ see jii, yé Jaaseel wùn à yé Guni,

⁴⁹ à yé Jeseri, e lì yé Shillem.

⁵⁰ Á kfəə́ se sí‑iì ràmèn fo Navtali. Á táŋ wíri, á wáa dzə kishóv ghii kweè aànsə̀kìi nshòv sitàn e mkweè (45,400).

⁵¹ Kintaŋ ki mày, vilum adzə̀m veé Israyi wáa dzə kishóv mtaár e ghiì saàmbà aànsə̀kìi nshòv mòʼón e ghií ntuùfú (601,730).

⁵² Nyùy Tàr nèn yòŋ e Mooser jii,

⁵³ á kù wíy jàv nsay e rám yee shóo, kù mo wíri dzəə̀n.

⁵⁴ Lóo dzə rám ye yí kùʼùn, á fò yéev e kuʼùn. Lóo dzə ye yí dorin, á fò yéev shishàr. Rámé kù wíy a sə kév kee kirə́ʼ mo wír ve á taŋené dzəə̀n.

⁵⁵ Á kù wíy a màʼ kifá, a tàr sho, e bó a jàv. Rám yee shóo wíy a sə kév kee kirə́ʼ, a dzə̀ e taà ràm wóv shùu yir.

⁵⁶ Á kù wíy a tàr tàrìn, e bó a fo kirə́ʼ e rám se kuʼkìn sí, a fo e se terí sí.

⁵⁷ Kfəə́ seé ram Levi mo vé‑eè taŋen sí‑iì dzə̀ jii, yé Gershon, yé Kohat, e lì yé Merari.

⁵⁸ Kfəə́ símóʼ sí se sí‑iì ràmèn fo Levi si dzə̀ jii, yé Libni, yé Hebron, yé Maali, yé Mushi, e lì yé Kora. Kohat‑iì dzə̀ tàr à Amram.

⁵⁹ Yír wiiy Amrame‑eè dzə̀ Jokebed, a dzə̀ wan Levi, a vé‑eè dzə̀ə́ wun e Ejiv. Wón ve wù‑uù dzəən wùn Amrame‑eè dzə̀ Aaron wùn à Mooser, à jèmèr yev Miriam.

⁶⁰ Aaron‑eè dzə̀ tàr à Nadav wùn à Abihu, à Eleasar, à Itamar.

⁶¹ Yii bèy, Nadav wùn Abihu kpúkír é ghan se vé‑eè cu Nyùy Tàr e və́y kisaŋe.

⁶² Lùmèn e dzə̀m woó ram Levi woo kèʼ fó ŋwee e fur, e dù duùn fó mbìy‑iì dzə̀ nsə̀kì nshòv sitaár e mbaà (23,000). Á yòʼ‑oò lo tàŋ áwune é mvə̀m kintaŋ ke wìr veé Isray, bìʼ fo rám Levìi yòʼ‑oò ló a ker nsay e wír veé Israyí mvəm ji vitsə́ʼ vév.

⁶³ Á wír ve Mooser wùn taà cù woo Eleasar‑iì taŋen é ghan se vé‑eè táŋ wír veé Isray e mboʼ yeé Moav, e ghaa ndzəv yee Jordan, e ŋkìʼnìn Jeriko.

⁶⁴ Á wáa taŋ wíri aáwuné ram sí bey, a bó wìr fo ve Mooser wùn taà cù woo Aaron‑eè taŋen é woʼ yee Sinay yòʼ kfə̀n dzəə́ kumè e ghan sé kin kee kintaŋ.

⁶⁵ A dzə̀ bìʼ fo Nyùy Tàr‑iì yòŋèn ji á kù wíy kpukír a e kirə̀ʼ ké woʼ kí adzə̀m. Wìr fo áwune yòʼ kfə̀n‑eè dzə̀ə́. Kù‑uù jòʼsì Kalev woo wan Jefunne wùn Joshua woo wan Nun.