Kèʼlo 36 - ŊWÀʼ NYÙY

Kfə́ə Esav e wòŋ Kanan

¹ Rám Esav wo á kfə̀n yoŋ sa ji Edome rə́ne.

² Esav‑iì nə̀ə́ vikìy və́ fó wòŋ Kanan, a vé‑eè dzə̀ jii, Ada woo wan Elon woo wir Hit, e lì Oholibama wo tàr wov‑iì dzəə̀n Ana woo wan Tsibeyon woo wan wìr Hiv.

³ Wùmòʼ dzə̀ Basemat wo jèmèr rə dzəə̀n Nebayiot, a tàr wov dzə̀ Ishmael.

⁴ Esav wùn Ada dzəə́ Elifas, wùn Basemat dzəə́ Ruel.

⁵ Wùn Oholibama dzəə́ Jeush wùn à Jalam, e lì Kora. Á mo wón ve Esav‑iì dzəən é wòŋ Kanane dzəə̀n.

⁶ Esav nèn lì vikìy və́ wùn à wón vəə́, à wìr dzə̀m wo wù‑uù dzəə̀n e wun laʼ, e lì nyám sə́ wùn à kéŋ rəə́ e dzə̀m ye wù‑uù kooyin é wòŋ Kanan, e màʼtì fə́r və Jakov fo, e dù e wòŋ wo səné.

⁷ Wù‑uù lo bèy, bìʼ fo nyám sév sí‑iì kùʼùn ne e ŋàŋ, kirə́ʼ ke áwune‑eè dzə́ sho ki nèn a dornín fo áwune wáa dzə kirə́ʼ kimòʼón.

⁸ Esav wo á kfə̀n yoŋ sa ji Edom‑eè lò bey, e dù, a dzə aàgwan veé Seir.

Rám Esav e wòŋ Edom

⁹ Esav nèn a dzə tàr à wìr veé Edom ve á dzə́ aàgwan veé Seir. A rám rə́ yee fóo dzə̀ jii,

¹⁰ Elifas woo wan wùn Ada, e lì Ruel woo wan wùn Basemat.

¹¹ Wón Elifasi‑iì dzə̀ jii, Teman wùn à Omar, à Sefo, à Gatam, à Kenas.

¹² Timna wo Elifas‑iì lèmèn dzəə́ Amalek. Á wón ve vé‑eè ràmèn fo Esav wùn wiiy və woo Ada.

¹³ Wón Rueli‑iì dzə̀ jii, Nahat wùn à Sera, à Shamma, à Missa. Á wón ve vé‑eè ràmèn fo Esav wùn wiiy və woo Basemat.

¹⁴ Wón Esav wùn Oholibamàa‑aà dzə̀ jii, Jeush wùn à Jalam, à Kora. A tàr a Oholibama‑aà dzə̀ Ana woo wan Tsibeyon wo dzəə̀n wan wìr Hiv.

¹⁵ Yír sé kfəə se sí‑iì ràmèn fo wón Esav si sìne. Se sí‑iì loòn fo Elifas woo wan Esav mbìy si dzə̀ jii, Teman wùn à Omar, à Sefo, à Kenas,

¹⁶ à Kora, à Gatam, e lì Amalek. Á yír sé kfəə seé wòŋ Edom se sí‑iì ràmèn fo Esav wùn wiiy və woo Ada.

¹⁷ Kfəə́ se sí‑iì ràmèn fo Ruel woo wan Esav si dzə̀ jii, Nahat wùn à Sera, à Shamma, e lì Missa. Á yír sé kfəə seé wòŋ Edom se sí‑iì ràmèn fo Esav wùn wiiy və woo Basemat.

¹⁸ Kfəə́ se sí‑iì ràmèn fo wón Oholibama woo wiiy Esav si dzə̀ jii, Jeush wùn à Jalam, à Kora. Á kfəə́ se sí‑iì loòn fo Oholibama wo tàr wov‑iì dzəə̀n Ana.

¹⁹ A kfəə́ sìn sidzə̀m si kù‑uù ràm fo Esav, e bóo fèr woŋ Edom.

Rám Seir e wòŋ Edom

²⁰ Wír mbìy veé nsay Edome‑eè dzə̀ wón Seir, Seir wo yì‑iì dzəə̀n wan wìr Hor. Kfəə́ se wón Seir si dzə̀ jii, Lotan wùn à Shobal, à Tsibeyon, à Ana,

²¹ à Dishon, à Eser, à Dishan. Á kfəə́ seé wòŋ Edom se sí‑iì loòn fo Seir wo yì‑iì dzəə̀n wan wìr Hor.

²² Kfəə́ se sí‑iì loòn fo Lotan si dzə̀ jii, Hori wùn Heman. Timna‑aà dzə̀ kfə́ jemèr Lotan.

²³ Kfəə́ se sí‑iì ràmèn fo Shobal si dzə̀ jii, Alvan wùn à Manahat, à Ebal, à Shefo, à Onam.

²⁴ Wón Tsibeyone‑eè dzə̀ jii, Aiya wùn Ana. Dzə̀ Ana və̀n wo wù‑uù tòmbìy yèn ntòŋ sé ndzəv é woʼ yímóʼó fo wù‑uù leey fo vimbèʼbìy vé tàr wov ví é kwaʼ.

^25-26 Ana nèn a dzə tàr à Dishon wùn jèmèr rə yee Oholibama. A kfəə́ se sí‑iì ràmèn fo Dishon si dzə̀ jii, Hemdan wùn à Eshban, à Itran, à Keran.

²⁷ Eser wáa dzə kfə́ tàr à rám kfəə see jii, Bilhan wùn à Saavan, à Akan.

²⁸ Tàr à kfəə see ji Us wùn à Aran nèn a dzə Dishan.

^29-30 Kfəə́ se wìr veé Hor se sí dzəə̀n é wòŋ Seir sidzə̀m si nén a dzə jii, Lotan wùn à Shobal, à Tsibeyon, à Ana, à Dishon, à Eser, à Dishan.

Afon veé Edom

³¹ É bo wír veé Israyi wáa gwàrìr kímóʼ kí ji dzə̀ wìr wàa saʼ kitúm ji fon, aàfon vìne‑eè sí sáʼ e wòŋ woo Edom. Á dzə̀ jii,

³² Bela woo fon mbìy wo yì‑iì dzəə̀n wan Beor, a vé‑eè lì wun fo Dinhaba, e bóo koʼór.

³³ Wù lày, á lì Jobav woo wan Sera fo Bosra, e kòʼór.

³⁴ Jobav lày, á kóʼór Husham wo wù‑uù loòn fó ŋguùŋè Teman.

³⁵ Husham lày, á lì Hadad fo Avit, e kòʼór. Dzə̀ wun wo wù‑uù tònèn wír veé Midian e rər se vé‑eè maʼ e nsay Moav.

³⁶ Hadad lày, á kóʼór Samla wo wù‑uù loòn fó Masreka.

³⁷ Samla lày, á kóʼór Shaul wo wù‑uù loòn fó mvə̀mlaʼ yee Rehobot ye yì‑iì dzəə̀n é ghaa ndzəv yee Yufret.

³⁸ Shaul lày, á kóʼór Baal‑Hanan woo wan Akbor.

³⁹ Baal‑Hanan lày, á nèn kòʼór lèn a dzə̀ Hadar wo wù‑uù loòn fó mvə̀mlaʼ yee Pau. Yeè lav və‑əə̀ dzə̀ Mehetabel wo yè wov‑iì dzəə̀n Matred woo wan Mesahav.

Anseèn veé Edom

⁴⁰ Sin si dzə̀ yír sé atǎr ram se sí loòn fo Esav, mo sí‑iì dzəə̀n aáwuné kfəə si wùn à virə́ʼ ve áwune‑eè dzəə̀n shó vi. Á dzə̀ jii, Timna wùn à Alva, à Jetet,

⁴¹ à Oholibama, à Ela, à Pinon,

⁴² à Kenas, à Teman, à Mibsar,

⁴³ à Magdiel, e lì Iram. Sin si dzə̀ kfəə́ seé Edom mo sí dzəə̀n é virə̀ʼ jeéy jeéy é nsay ye vé‑eè koon, a dzə sho. A kù dzə̀ Esav tàr à wìr vee kfə́ə Edom e dzə̀m.