Kèʼlo 10 - ŊWÀʼ NYÙY

Rám wón Noa

¹ Rám wón Noaá rə̀ne. Wón Noa vee vilume‑eè dzə̀ jii, Shem, Ham, à Jafet. Mo ndzə́ví‑iì kèʼèn, e mày fo kitu ke nsay, áwune nèn a dzə, a ker wón vee vilum, é bo vitúm vi ram fó fo jeéy jeéy.

² Wón Jafeti‑iì dzə̀ jii, Gomer wùn à Magog, à Maday, à Javan, à Tubal, à Meshek, e lì Tiras. Á wír ve vé‑eè kèʼèn vitúm ve ví kér yír sév.

³ Vitúm vímóʼ ví nèn sàn fó Gomer, a ví dzə̀ jii, Ashkenas wùn à Rifat, à Togarma.

⁴ A ve ví‑iì sanen fo Javan vi dzə̀ jii, Elisha wùn à Tarshish, à Kittim, à Dodanim.

⁵ Dzə̀ áwune vin ve á yii dzə́ e ŋguùŋè *rìbà ndzə̀v. Á vitúm ve ví‑iì ràmèn fo Jafet, kimòʼón kimòʼón wùn à nsay yev, à lám wóví, à kfə́ə sév sí, mo á dzəə̀n aáwuné wòŋ si jeéy jeéy.

⁶ Wón Hame‑eè dzə̀ Kush wùn à Mitsrayim, à Put, à Kanan. Á wír ve vé‑eè kèʼèn vitúm ve ví kér yír sév.

⁷ Vitúm vímóʼ ví nèn sàn fo Kush, a ví dzə̀ jii, Seba wùn à Havila, à Sabta, à Raama, à Sabteka, é bo vímóʼ ví kfən sàn fó Raama, a ví dzə̀ ji Sheba wùn à Dedan.

⁸ Kush kfə̀n‑eè dzə̀ tàr à Nimrod. A Nimrod və̀n‑eè dzə̀ kintav ke wìr ke mbìy ki é shùu rər.

⁹ Wù kfə̀n‑eè dzə̀ ŋgaà jwim wo tavín e Nyùy Tǎr si. Á kinyo ke kí yiìn, é bo á kú a lò, a yòŋ jii, kày dzə̀ ji «Nimrod.»

¹⁰ Virə́ʼ ve Nimrod‑iì tòmbìy kèʼ, a saʼ vi‑iì dzə̀ Babel, Erek wùn à Akkad. Virə́ʼ vin vidzə̀m vi‑iì dzə̀ é wòŋ Shinar.

¹¹ Wù wìy lò, e fəə̀ fó fo, e dù e mbìv Assiriya, e bàʼrì Nineve wùn à Rehobot‑Ir, à Kala, à

¹² Resen. A Resen və̀n‑eè dzə̀ é kintìntìn ke Nineve wùn à Kala wo dzəə̀n ŋkàlaʼ ye kuʼùn.

¹³ Vitúm ve ví‑iì ràmèn fó Mitsrayim vi dzə̀ jii, wír veé Lud, veé Anam, veé Lehab, veé Naftu,

¹⁴ veé Patrus, veé Kaslu, fo wír veé Filistiàa‑aà ràmèn, e bóo lì veé Kaftor.

¹⁵ Kanan‑eè dzə̀ tàr à Sidon, a yì‑iì dzə̀ wán və mbìy, e nèn kfə̀n lì Het. Á wír ve vé‑eè kèʼèn vitúm ve ví kér yír sév.

¹⁶ Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash,

¹⁷ veé Hiv, veé Arek, veé Sin,

¹⁸ à veé Arvad, veé Tsəmar, e lì veé Hamat. Lòo dzə fo bàm, kfə́ə Kanane nèn kèʼ, a ràm.

¹⁹ A woŋ wìr veé Kanane‑eè kèʼ fó Sidon, e dù, e mèé e Gerar wo wù dzəə̀n é ghaa Gasa, e lò fo fo, e dù e mbìv Gomorra wùn à Admaa, à Tsəboyiim, e dù, e bàʼ e Lasha.

²⁰ Á vitúm ve ví ràmèn fo Ham kimòʼón kimòʼón wùn à kfə́ə sév sí, à lám sév sí, à ŋgvən sév sí mo á dzəə̀n aáwuné wòŋ si jeéy jeéy.

²¹ Shem wo yì‑iì dzəə̀n mbìy Jafet‑iì kér sa wón. A wír veé Eber adzə̀me rám a dzə̀ fo wun.

²² Wón Sheme‑eè dzə̀ Elam wùn à Asshur, à Arpakshad, à Lud, e lì Aram. Á wír ve vé‑eè kèʼèn vitúm ve ví kér yír sév.

²³ Vitúm ve ví‑iì ràmèn fo Aram vi nén a dzə jii, Us wùn à Hul, à Geter, à Mash.

²⁴ Arpakshad nen wìy a dzə tàr à Shela, a Shela dzə̀ tàr à Eber.

²⁵ Eber‑iì dzə̀ə́ wón vee vilum abaà. Yír wùmòʼó dzə̀ Peleg. Vé‑eè shù bey, bìʼ fo wír veé kitu ke nsayi‑iì jàvsìn e wun ghan, a dzə jeéy jeéy. Yír fə̀rí nén a dzə ji Joktan.

²⁶ Vitúm ve ví‑iì ràmèn fo Joktan vi nén a dzə jii, Almodad wùn à Shelev, à Hatsarmavet, à Jera,

²⁷ à Hadoram, à Usal, à Dikla,

²⁸ à Obal, à Abimael, à Sheba,

²⁹ à Ofir, à Havila, e lì Jobav. Vitúm vìn vi‑iì ràm fo Joktan vidzə̀m.

³⁰ A nsay ye wír vìne‑eè dzə́ sho‑oò kèʼ fó Mesha, a dù e mbìv ye shùy yii tó fo fo, e bàʼ e Sefar e mbìv agwan.

³¹ Á vitúm ve ví‑iì ràmèn fo Shem, kimòʼón kimòʼón wùn à kfə́ə sév sí, à lám wóví, à ŋgvən yev mo á dzə́ aáwuné wòŋ si jeéy jeéy.

³² Á mo rámé‑eè fəən fo wón Noaá, e fèr vitúm jeéy jeéy. Kèʼ mo ndzə́ví‑iì màyìn fó kitu ke nsay, wìr dzə̀m nèn lò a dzə̀ fó ram fóo fèy, bó a dzə e wòŋ si jeéy jeéy.