Joshua 12 - ŊWÀʼ NYÙY

Afon ve Mooser‑iì tònèn

¹ Virə́ʼ ve afon vee abaà ve wír veé Israyi‑iì tònèn, é ndzə̀n Jordan fèsə, e mbìv yee fo shùy yii tó vi vìne. Vé‑eè sə̀ nsay yev e kèʼ fo Kiwoóy ké Arnon, e dù bàʼ e Gwan Hermon, e tàtí virə́ʼ veé mbuŋ Jordan veé mbìv yee fo shùy yii tó.

² Wùmòʼ‑oò dzə̀ Sihon woo fon wìr veé Amor. Wù‑uù dzə́ e Heshbon, sáʼ, e kèʼ fo Aror, wo wù dzəə̀n é ŋguùŋè mbuŋ Arnon, e lì ŋkàlaʼ yeé mvə̀m mbuŋ foo fèy. Bìíy nen dù bàʼ e ndzəv yee Jabbok, ye dzəə̀n bìíy ŋgvən wìr veé Ammon. Wóŋ Fòn Sihon və̀ne tàtí kintoʼnìn ke Gilead,

³ e tàtí virə́ʼ veé mbuŋ Jordan veé mbìv yee fo shùy yii tó, e kèʼ fo kibaŋ kee Kineret, a səy, e dù meé e Jeshimot, e ghaa rìbà ndzə̀v woó mbuŋ Araba wo á yoŋ sa ji Ndzə́v Shiŋgwaŋe, bìíy nen dù jòʼsì e sar se abam veé Pisga.

⁴ Wùmòʼ woo fon wáa dzə Og woo fon woó Bashan, a yì‑iì dzə̀ wír wo wù‑uù berin fó ram Refayim. Wù‑uù dzə́ e Ashtarot, dzə́ e Edrey,

⁵ a sáʼ rəə́‑əə̀ tàtí Gwan Hermon wùn à Gwan Saleka, à ŋgvən Bashan e dzə̀m, e dù mèé e bìíy wìr veé Geshur wùn à veé Maakati. Woŋ vəə́ tàtí kintoʼnìn ke Gilead kee fó kùy, e dù e mèé e Fòn Sihon woo fon woó Heshbon bìíy.

⁶ Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.

Afon ve Joshua‑aà tònèn

⁷ Virə́ʼ ve afon ve Joshua wùn à wír veé Israyi‑iì tònèn é mbìv Jordan fèn ye yì kiʼ fo shùy yii nəə vi vìne. Vé‑eè sə̀ nsay yev, e kèʼ fo Baal‑Gad e mboʼ yeé Lebanon, e dù bàʼ e Gwan Halak wo wù ràmèn, e kìʼ Seir. Joshua‑aà fò nsay yev e rám seé Isray si ji vitsə́ʼ vév, e tòʼtí, e jàv aáwune mo rám sév sí dzə̀kìn.

⁸ Virə́ʼ vin vi‑iì tàtí mbìv aŋkoŋ, à mbìv Shefela e sar se agwan, à virə́ʼ veé mbuŋ Jordan veé mbìv yee fo shùy yii nəə, à ŋguùŋè sə́ sí, à virə́ʼ vé woʼ ví, e lì Negev fo mbìv yee tsə́n. Wír ve vé‑eè dzə́ e nsay fène‑eè dzə̀ wír veé Hit wùn à veé Amori, à veé Kanane, à veé Perisi, à veé Hivi, e lì veé Jebus.

⁹ Afon ve wír veé Israyi‑iì tònèné vìne, fon woó Jeriko, fon woó Ay e ghaa Betel,

¹⁰ fon woó Jerusalem, fon woó Hebron,

¹¹ fon woó Jarmut, fon woó Lakish,

¹² fon woó Eglon, fon woó Geser,

¹³ fon woó Debir, fon woó Geder,

¹⁴ fon woó Horma, fon woó Arad,

¹⁵ fon woó Libna, fon woó Adullam,

¹⁶ fon woó Makkeda, fon woó Betel,

¹⁷ fon woó Tappua, fon woó Hefer,

¹⁸ fon woó Afek, fon woó Lasharon,

¹⁹ fon woó Madon, fon woó Hasor,

²⁰ fon woó Shimron‑Meron, fon woó Akshaf,

²¹ fon woó Taanak, fon woó Megiddo,

²² fon woó Kedesh, fon woó Jokneam e ghaa Gwan Karmel,

²³ fon woó Dor e Nafot‑Dor, fon woó Goyiim e Galeli,

²⁴ e lì fon woó Tirsa. Afon vìn adzə̀me wáa dzə nshòv mòʼón e mtaár.