Esta 10 - ŊWÀʼ NYÙY

Vikuʼùy vé Mordekay

¹ Fòn Ahasuru‑uù dzə̀, a wù‑uù kan wir dzə̀m woo wun sar saʼ kánen, woo kèʼ fó mvə̀m wòŋ, e dù, e meé e ŋguùŋè rìbà ndzə̀v ji á wáa màʼ a mbàm see wun kitàv.

² Vé‑eè lo sàŋ vinyo ve Fòn Ahasuru vidzə̀m e ŋwàʼ wo á yii sáŋ vinyo veé kitum kee Persia wùn à kee Media ki shó. Vé‑eè sàŋ vinyo ve ghaʼtín ve wù‑uù yiìn, a saŋ, a naàrì vikuʼùy və́, e kfə̀n sàŋ sá mo wù‑uù bùʼùn Mordekay, e kòʼór ntaʼ və.

³ Mordekay woo wír woó Juda‑aà dzə̀ kitú ke atǎr ntoʼ Fòn Ahasuru, a wír və́ veé Judàa‑aà koŋ wun e ŋàŋ. Áwune‑eè ghvə́m wun wir dzə̀m, bìʼ fo wù‑uù fùnèn féyì kitávín ji áwune wáa ker a dzəʼə̀m a dzə̀ ye juŋe, é ŋgwàʼ sév sí wáa dzə là kinyo ké a fàn.