Esra 10 - ŊWÀʼ NYÙY

Á táŋ mo dzə̀ á laàr vijín ve bvəyrìn ví

¹ Esra wáa bùnrì, a tuuné ajay, a toŋ kitávín, a fon wún é nsay e shùu lav Nyùy, màŋgòŋ woó Isray, vilum wùn à vikìy, à wónlèé nèn bàʼtí e wun ghaŋ, a toŋ sa kibiíbí.

² Shekania woo wan Jehiel woo rám Elam nèn a suŋnín e Esra jii, «Vèr ŋwày ne nsər Nyùy wor, e wày vikìy é lav, a dzə̀ wón vitum ve ví gìŋèn ver vin. Yii bèy, mo kí fə̀m dzəə̀n ben, bó ké Isray ki yóʼ ne mày màyìn.

³ Bo kí dzə̀ jii, vèsən gwar *mensaŋ vèsən à Nyùy wòsən ji á sí fəər a vikìy vin wùn à wóné. Tàr wor, vèr kù yíi yiì mo vèn à wìr dzə̀m wo wù yúnin nsər se Nyùy tirin ver. Vèr kù yíi yiì réŋréŋ mo Nsər Nyùy taʼà.

⁴ Tsəə́m, kinyo kìn ki dzə̀ a dzə̀ e wò kiwo, a vèr tíy e wò bàm. Kúr shilív shí, e yiì mo kí dzəə̀n.»

⁵ Esra ku nèn yòŋ vilìmbìy ve atàá cù wùn à wír veé ram Levi, à wìr dzə̀m woó Isray ji á liʼ á mo nshù kì dzəə̀n. Áwune ku nèn lìʼ.

⁶ Wù nèn lò fo shuù lav Nyùy, e dù e Jehohanan woo wan Eliashiv lav, e sìíy shìíy fo. Wù dù bèy, e làa yòʼ luʼ kifá ke yi e shuù, e làa yòʼ no mendzə́v. Wù kù‑uù diy a dzə̀ liì joònè wo wír vév ve vé‑eè kfənen é Juda vìne yiìn.

⁷ Á nèn fò sáʼ, yí ghánén Juda wùn à Jerusalem e dzə̀m ji wìr dzə̀m wo wù‑uù kfənen fó Babilon báʼtí á kirə́ʼ kimòʼón e Jerusalem.

⁸ Wìr wo wù yíi gòʼ, e làa yòʼ wìy e mvə̀m vishìíy vee vitaár, bo á yíi koo a vifá və́ vidzə̀m, e fəə́r wun a fo wír vəə́ kintatì. Á mo atǎr saʼ wùn à vilìmbìy vi yòŋèn.

⁹ Mo á yòŋèn bey, wìr dzə̀m woó Juda wùn à woó Benjamin nèn bàʼtí e Jerusalem e mvə̀m vishìíy vee vitaár vìn. Wáa dzə e kishiíy ke kí‑iì meen ji mbaà fó ŋwee wo wú meen ji bvə̀ʼə̀, a wìr dzə̀m sí dzə́ e maàndzə lav cù. Á wáa dzə fo, a yàʼ bìʼ kinyo ke á wìyìn, e kfə̀n a yàʼ sa bìʼ wuú ye yí‑iì keesì.

¹⁰ Taà cù woo Esra nèn nànèn, e sùúy aáwune jii, «Vèn ŋwày ne Nsər Nyùy, e wày vikìy vee vitúm e melav, e nèn a dzə̀sì lòn woó Isray sho.

¹¹ Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

¹² Màŋgòŋ e dzə̀m nèn bìnsí kitávín jii, «Á mo kí dzəə̀n. Vèr kù kér fó yiì a dzə̀ mo à suuyin.

¹³ Yii bèy, wíri dzə̀ fen aneénín feyì, a wuú kfə̀n ló e ŋàŋén, a bó yòʼ dzə̀ vèr wáa tiy fo ndzə bèn. A fə̀m kì là bìʼ kee shoon, bo bó kinyo kìn ki yòʼ fə̀m kì dzə̀ kee kishiíy kimòʼón, kìn vibaà cáʼ, bìʼ fo vèr jayin ne e ŋàŋén féyì.

¹⁴ Màʼtì, é vilìmbìy vér ví li kilíŋ ke màŋgòŋ, é wìr dzə̀m wo wù kér wiíy woo wir kitum e věr mvəm wáa wìy e ghan see shó. Lóo wìy, é wù wiy wùn aàtǎr ntèʼé, à wír ve á yii tínen nsaʼ foo, aá kwaŋri kinyo kìn, e meé mo dòʼshwiiy Nyùy yíi mày, é vèr boy.»

¹⁵ Vé‑eè yòŋ bey, ku mày Jonatan woo wan Asahel wùn Jaaseya woo wan Tikva, ve vé‑eè tenen nshù rə̀n. Meshullam wùn Shabbetay vee wír veé ram Levìi kfən tòm áwune.

¹⁶ Á bèy, wír ve vé‑eè kfənen fó Babilon vìne ku nèn yiì a dzə̀ mo nshù‑uù dzəə̀n. Taà cù woo Esra nèn shòʼtí vilum vee atǎr kfəə e kitu kitu mo kfəə́ si‑iì dzə̀kìn, yoŋ woo shó, e wun yir. Wáa dzə e kishiíy ké mbìy ki fó ŋwee wo wú meen ji ghvə̀m, á nèn dzə̀ʼə̀m, a tàr vinyo vee shooy.

¹⁷ Lòo dzə e kishiíy ké mbìy ki fó ŋwee mbìyi, á nèn màysì, e sàáy kinyo ke wìr dzə̀m wo wù‑uù kér wiíy a dzə̀ wir kitum.

Vilum ve vé‑eè tatin vijín wùn à vitúm vi

¹⁸ Fo mbìv atàá cù, wír ve vé‑eè kér vikìy a dzə̀ vitúme dzə̀ jii, Fo ram Jeshua woo wan Josadak wùn aàfə́r vəə́, yì‑iì dzə̀ Ma‑Aseyia wùn à Elieser, à Jariv, e lì Gedalia.

¹⁹ Áwune‑eè yiì kaʼ ji á fəər a vikìy vév. Cu yév ajayi wáa dzə kiyáʼ fo mvə̀m ŋgoo.

²⁰ Fo ram Immer, wáa dzə Hanani wùn Sebadiya.

²¹ Fo ram Harim, wáa dzə Ma‑Aseyia wùn à Elija, à Shemayia, à Jehiel, e lì Ussiya.

²² Fo ram Pashur, wáa dzə Elionay wùn à Ma‑Aseyia, à Ishmael, à Netanel, à Josabad, e lì Elasa.

²³ Fo mbìv wìr veé ram Levi, wáa dzə Josabad wùn à Shimey, à Kelayia wo á kfə̀n‑eè yoŋ sa ji Kelita, à Petahia, à Juda, e lì Elieser.

²⁴ Fo mbìv vé yòvi, wáa dzə Eliashiv. Fo mbìv wìr ve vé‑eè leey lav cù, wáa dzə Shallum wùn à Telem, à Uri.

²⁵ Fo kibér ke wìr keé Isray ki, á wáa dzə jii, Fo ram Parosh, wáa dzə Ramia wùn à Issia, à Malkija, à Mijamin, à Eleasar, à wùmòʼ woo Malkija, e lì Benaya.

²⁶ Fo ram Elam, wáa dzə Mattania wùn à Sekariya, à Jehiel, à Abdi, à Jeremot, e lì Elija.

²⁷ Fo ram Sattu, wáa dzə Elionay wùn à Eliashiv, à Mattania, à Jeremot, à Sabad, e lì Asisa.

²⁸ Fo ram Bebay, wáa dzə Jehohanan wùn à Hananiya, à Sabbay, e lì Athlay.

²⁹ Fo ram Bani, wáa dzə Meshullam wùn à Malluk, à Adaya, à Jashuv, à Sheal, e lì Jeremot.

³⁰ Fo ram Pahat‑Moav, wáa dzə Adna wùn à Kelal, à Benaya, à Ma‑Aseyia, à Mattania, à Besalel, à Binnuy, e lì Manasse.

³¹ Fo ram Harim, wáa dzə Elieser wùn à Ishija, à Malkija, à Shemayia, à Shimeon,

³² à Benjamin, à Malluk, e lì Shemaria.

³³ Fo ram Hashum, wáa dzə Mattenay wùn à Mattatta, à Sabad, à Elifelet, à Jeremay, à Manasse, e lì Shimey.

³⁴ Fo ram Bani, wáa dzə Ma‑Aday wùn à Amram, à Uvel,

³⁵ à Benaya, à Bedeyia, à Keluhi,

³⁶ à Vaniya, à Meremot, à Eliashiv,

³⁷ à Mattania, à Mattenay, e lì Jaasu.

³⁸ Fo ram Binnuy, wáa dzə Shimey,

³⁹ à Shelemia, à Natan, à Adaya,

⁴⁰ à Maknadebay, à Shashay, à Sharay,

⁴¹ à Asarel, à Shelemia, à Shemaria,

⁴² à Shallum, à Amaria, e lì Joosev.

⁴³ Fo ram Nebo, wáa dzə Jeyel wùn à Mattitia, à Sabad, à Sebina, à Jadday, à Joel, e lì Benaya.

⁴⁴ Wír vìn adzə̀me‑eè kér vikìy a dzə̀ vitúm, aámóʼó‑oò sí kér wón wùn à vikìy vee shooyi.