1 Wòŋ 7 - ŊWÀʼ NYÙY

Rám Issakar

¹ Issakar‑iì kér wón akweè, aá dzə̀ ji Tola, Pua, Jashuv wùn à Shimron.

² Tola wáa ker wón ntuùfú, aá dzə̀ ji Ussi, Refayia, Jeriel, Jamay, Ibsam wùn à Shemuel. Áwune‑eè dzə̀ atǎr kfəə see Tola ram, a yì‑iì dzə̀ antav ve ghaʼtíné aáwuné ghan. Fòn Davir wìy a saʼ vifon və́, a kfə́ə Tola rə̀ne kúʼ ne, a dzə wír kishóv ghií ntuùfú, aànsə̀kìi nshòv sibaà e mbaà (22,600).

³ Ussi‑iì kér wán e mòʼón, a dzə̀ Israhia. Israhia wáa ker wón akweè, aá dzə̀ ji Mayker, Obadia, Joel wùn à Ishia. Áwune adzə̀me kù‑uù dzə̀ atǎr kfəə,

⁴ aá kér vikìy wùn à wóné anín. Kfə́ə sév sí‑iì kér vilum ve vé‑eè taŋen, ve yì‑iì dzə̀ á màʼ rə́r, aá dzə̀ nsə̀kì nshòv ntuùfú e mtaár (36,000).

⁵ Ŋwàʼ kintaŋ woó wòŋe din ji kfəə́ sidzə̀m se sí‑iì ràmèn fo Issakar si‑iì kér a vilum ve yì‑iì dzə̀ á màʼ rə́r nsə̀kì nshòv saàmbà e mwaamé (87,000).

Rám Benjamin

⁶ Benjamin‑eè kér wón ataár, aá dzə̀ ji Bela, Beker wùn à Jediyael.

⁷ Bela wáa ker wón atàn, aá dzə̀ ji Esbon, Ussi, Ussiel, Jerimot wùn à Iri. Áwune adzə̀me kù‑uù dzə̀ atǎr kfəə. Vé‑eè lò, e tàŋ áwune mo lav sév sí dzə̀kìn, e wày é ŋwàʼ, a vilum ve yì‑iì dzə̀ á màʼ rə́rí dzə̀ wír nshòv sikweè e mtaár aànsə̀kìi nshòv sibaà e mbaà (22,034).

⁸ Beker‑iì kér wón bvə̀ʼə̀, aá dzə̀ ji Semira, Joash, Elieser, Elionay, Omri, Jeremot, Abija, Anatot, wùn à Alemet.

⁹ Áwune kù‑uù dzə̀ atǎr kfəə. Vé‑eè lò, e tàŋ áwune mo lav sév sí dzə̀kìn, e wày é ŋwàʼ, a vilum ve yì‑iì dzə̀ á màʼ rə́rí dzə̀ wír kishóv ghii baà e nsə̀kì mbaà (20,200).

¹⁰ Jediyael‑iì kér wán e mòʼón, a dzə̀ Bilhan. Bilhan wáa ker wón saàmbà, aá dzə̀ ji Jeush, Benjamin, Ehud, Kenaana, Setan, Tarshish wùn à Ahishahar.

¹¹ Áwune adzə̀me kù‑uù dzə̀ atǎr kfəə, e kfə̀n a dzə antav ve ghaʼtíné. Áwune‑eè kér vilum ve yì‑iì dzə̀ á màʼ rə́r, wír kishóv ghii baà áànsə̀kìi nshòv saàmbà e ghvə̀m (17,200).

¹² Wír vee Shuppim wùn à vee Hippime‑eè dzə̀ rám Ir. Hushim‑eè dzə̀ wan Aher.

Rám Navtali

¹³ Yìy à Navtali‑iì dzə̀ Bilha. Navtali nèn a ker wón akweè, aá dzə̀ ji Jaasi‑el, Guni, Jeser wùn à Shallum.

Rám Manasse

¹⁴ Rám Manassèe kèʼ fo wan və Asriel wo wù‑uù dzəən wùn wiíy wo wù‑uù cemen fó Aram. Wùn wun kfə̀n‑eè dzə̀ə́ Makir woo tàr à Gilead.

¹⁵ Makir‑iì kòóy wiíy a dzə̀ fó mvə̀m wìr vee Huppim wùn à vee Shuppime. Jèmèr rə‑əə̀ dzə̀ Maaka. Wan Makir wùmòʼ dzə̀ Tsəlofehad. Tsəlofehad‑iì kér wón a dzə̀ vee vikìy.

¹⁶ Maaka woo wiiy Makir‑iì dzə̀ə́ wón abaà, a dzə̀ Peresh wùn Sheresh. Peresh‑iì kér wón abaà, a dzə̀ Ulam wùn Rakem.

¹⁷ Wan Ulam wáa dzə Bedan. Wír vìn adzə̀me‑eè ràm fo Gilead woo wan Makir woo wan Manasse.

¹⁸ Hammoleket woo jemèr Makir‑iì dzə̀ə́ wón, aá dzə̀ ji Ishhod, Abieser wùn à Maala.

¹⁹ Shemida nén a ker wón, aá dzə̀ jii, Ahian, Shekem, Likhi wùn à Aniyam.

Rám Efrayim

²⁰ Wír vee ràm fo Efrayime dzə̀ jii, Shutela, e nèn lì wán və woo Bered, e lì wan Bered woo Tahat, e lì wan Tahat woo Eleada, e lì wan Eleada woo Tahat,

²¹ e lì wan Tahat woo Tsabad, e lì Shutela woo wan Sabad. Efrayim woo tàr à ràm yév kfə̀n‑eè kér sa wón ámóʼó abaà, a dzə̀ Eser wùn Elead, a wír veé Gat ve dzəə̀n vé nsayi‑iì lò, e yùyrí, aá sə́y é Gat ji á faasi á nyám se wìr vee fó.

²² Tàr wov Efrayim wáa dìy kpú yév vishiíy vinín, wír veé kfəə wáa wìy, a sham wun.

²³ Wùn wiiy və kfən wìy lò, e shìíy, wù bóŋ bvəm, e dzə̀ə́ wán lumèn. Wù nèn shù yír ji Beria, bìʼ ŋgeʼ ye yì wìyìn e wun kfəə.

²⁴ Efrayim‑eè kér wán woo wiíy, a yírí dzə̀ Sheera, a dzə̀ wun wo wù‑uù bàʼrìn mvəmlaʼ Bet‑Horon, ye Kùy wùn à ye Tsə̀n, à Ussen‑Sheera.

²⁵ Efrayim kfə́n a ker wán woo lumèn wùmòʼ wo yírí dzəə̀n Refa, a rám rəə́ dzə̀ jii, Reshev woo wán və, e lì wan Reshev woo Tela, e lì wan Tela woo Tahan,

²⁶ e lì wan Tahan woo Ladan, e lì wan Ladan woo Ammihud, e lì wan Ammihud woo Elishama,

²⁷ e lì wan Elishama woo Nun, e nèn lì wan Nun woo Joshua.

²⁸ Nsay rám Efrayim wùn à virə́ʼ vév vé dzə vi dzə̀ jii, Betel wùn à ntèʼ se sí kaarin fó si, à Naaran wo wù dzəə̀n é mbìv yee fo shùy yii tó, à Geser wo wù‑uù dzəə̀n é mbìv wòŋ fo shùy yii nəə, aá tátí wùn à ntèʼ see fó ghaŋ si, e bóo lì Shekem wùn à ntèʼ see fó si, e lì Ayya wùn à ntèʼ see fó si.

²⁹ Virə́ʼ ve ví dzəə̀n, aá nəə́ ne bìíy Manasse vi dzə̀ jii, Bet‑Shean, Taanak, Megiddo wùn à Dor, à ntèʼ se sí kaarin virə́ʼ vin si. Virə́ʼ vin vidzə̀m vi kù dzə̀ virə́ʼ vé dzə ve kfəə se sí‑iì ràmèn fo Joosev woo wan Isray.

Rám Asher

³⁰ Asher‑iì kér wón vee vilum akweè, aá dzə̀ ji Imna, Ishva, Ishvi, wùn à Beria, e bóo lì jemèr yev yee Sera.

³¹ Beria wáa ker wón abaà, a dzə̀ Heber wùn Malkiel woo tàr à Birsayit.

³² Heber wáa ker wón ataár, aá dzə̀ ji Jaflet, Shomer, Hotam, e bóo lì jemèr yev yee Shua.

³³ Jaflet wáa ker sa wón ataár, aá dzə̀ ji Pasak, Bimhal wùn à Ashvat.

³⁴ Shemer woo fər Jaflet kú a ker sa wón ataár, aá dzə̀ ji Roga, Jehubba wùn à Aram.

³⁵ Hotam woo fər Jaflet‑iì kér wón akweè, aá dzə̀ ji Tsofa, Imna, Shelesh wùn à Amal.

³⁶ Rám Tsofàa nén a dzə jii, Sua, Harnefer, Shual, Beri, Imra,

³⁷ Beser, Hod, Shamma, Shilsha, Itran, e bóo lì Bera.

³⁸ Jeter‑iì dzə̀ tàr à Jefunne wùn à Pispa, à Ara,

³⁹ a Ulla dzə̀ tàr à Ara wùn à Haniel, à Risia.

⁴⁰ Wír vìn adzə̀me‑eè dzə̀ rám Asher, a kù dzə̀ atǎr kfəə, a kfə̀n dzə̀ agwèy ve tavkíné. Áwune kù‑uù dzə̀ sá vilìmbìy ve ghaʼtín ví. Vilum vév ve yì‑iì dzə̀ á màʼ rə́rí‑iì dzə̀ nsə̀kì nshòv ntuùfú e mbaà (26,000) mo vé‑eè taŋen áwune, e wày é ŋwàʼ.