1 Wòŋ 2 - ŊWÀʼ NYÙY

Rám Juda

¹ Isray‑iì kér wón, aá dzə̀ jii, Ruben, Simeon, Levi, Juda, Issakar, Sebulun,

² Dan, Joosev, Benjamin, Navtali, Gad, e lì Asher.

³ Wón Juda ve wù‑uù dzəən wùn wiiy və woo wan Shua woo lò fó Kanane dzə̀ Er wùn à Onan, à Shela. Er woo wan Juda mbìy‑iì kér liì kisaŋ. Nyùy Tàr nèn yùyrí wun.

⁴ Juda kfə̀n‑eè dzə̀ə́ wón ámóʼó abaà wùn Tamar woo wiiy ŋkfə wan və. Yír sév sí dzə̀ Peres wùn Sera. Wón Juda adzə̀me nén a dzə atàn.

⁵ Wón Peresi wáa dzə Hesron wùn Hamul,

⁶ vé Seràa wáa dzə Simri wùn à Etan, à Heman, à Kalkol, e bóo lì Dara. Áwune adzə̀me‑eè dzə̀ wír atàn.

⁷ Wan Karmi‑iì dzə̀ Akar wo wù‑uù wìyìn e ŋgeʼ si e Isray kitu, bìʼ fo wù‑uù shoʼorin nsər, e làʼ kiwó e kifa ke vé‑eè lèmèn ne jeéy ji ké Nyùy.

⁸ Etan‑eè kér wán e mòʼón, a dzə̀ Asaria.

Kfə́ə à Fòn Davir

⁹ Wón Hesrone‑eè dzə̀ Jeraameel wùn à Ram, à Kalev.

¹⁰ Ram‑eè dzə̀ tàr à Amminadav, a Amminadav dzə̀ tàr à Naashon wo yì‑iì dzəə̀n kilìmbìy ke wìr veé Juda.

¹¹ Naashon‑eè dzə̀ tàr à Salmon, a Salmon dzə̀ tàr à Boas.

¹² Boas‑iì dzə̀ tàr à Obed, a Obed dzə̀ tàr à Jessi.

¹³ Jessi‑iì kér wón vee vilum saàmbà. Wo mbìy‑iì dzə̀ Eliav. Bám sə́ sí wáa dzə jii, Abinadav, Shimea,

¹⁴ Netanel, Radday,

¹⁵ Osem, e bóo lì Davir woo wan bàm.

¹⁶ Jemèr sév sí‑iì dzə̀ Tsəruyia wùn Abigail. Tsəruyia‑aà kér wón ataár, aá dzə̀ jii, Abishay wùn à Joav, à Asahel.

¹⁷ Abigail‑iì dzə̀ kfə́ yìy à Amasa wo tàr wov‑iì dzəə̀n Jeter wo wù‑uù ràmèn fo Ishmael.

Wír vee ràm fo Hesron

¹⁸ Kalev woo wan Hesron‑eè kér wón wùn wiiy və woo Asuba, kfə̀n kér ámóʼó wùn Jeriot, aá dzə̀ jii, Jeser wùn à Shobav, à Ardon.

¹⁹ Asuba‑aà kpù, Kalev wáy Efrat e lav ji wiíy, wùn wun dzəə́ Hur.

²⁰ Hur nèn a dzə tàr à Uri, Uri wáa dzə tàr à Besalel.

²¹ Hesron‑eè mèé kiyá mntuùfú, e kòóy wiíy, a dzə̀ wan Makir woo tàr à Gilead, wùn wun dzəə́ wán, a yírí dzə̀ Seguv.

²² Seguv‑iì dzə̀ tàr à Jayir wo wù‑uù sáʼ ŋkà se laʼ nshòv sitaár e mbaà é nsay Gilead.

²³ Yii bèy, wír veé Geshur wùn à veé Arame wìy lò, e faàsì Havot‑Jayir, e faàsì Kenat wùn à ntèʼ see fó ghaŋ si mntuùfú, a wír vee fó adzə̀me kù‑uù dzə̀ rám Makir woo tàr à Gilead.

²⁴ Hesron wìy kpù, Kalev woo wán və nèn lèm Efrata woo wíiy və, wùn wun dzəə́ Ashhur wo dzəə̀n tàr à wìr veé Tekoa.

Wír vee ràm fo Jeraameel

²⁵ Wír vee ràm fo Jeraameel woo wan Hesron mbìyi víne. Yír wan Jeraameel mbìyi dzə̀ ji Ram. Ámóʼó nén a dzə ji Buna, Oren, Osem wùn à Ahija.

²⁶ Jeraameel‑iì kér wiíy wùmòʼ, a yírí dzə̀ Atara, a dzə̀ yìy à Onam.

²⁷ Wón Ram woo wan Jeraameel mbìyi dzə̀ jii, Maas wùn à Jamin à Eker.

²⁸ Wón Oname wáa dzə Shammay wùn Jada. Wón Shammayi nén a dzə Nadav wùn Abishur.

²⁹ Abishur‑iì kòóy wiíy, a yírí dzə̀ Abihail, wùn wun dzəə́ wón abaà, Aban wùn Molid.

³⁰ Wón Nadavi‑iì dzə̀ Seled wùn Appayim. Seled‑iì kpù là wán.

³¹ Wàn Appayim‑eè dzə̀ Ishi, a Ishi‑iì dzə̀ tàr à Sheshan. Sheshan wáa dzə tàr à Alay.

³² Wón Jada woo fər Shammayi‑iì dzə̀ Jeter wùn Jonatan. Jeter‑iì kpù là wán.

³³ Vé Jonatane wáa dzə Pelet wùn Sasa. Á mo wìr woo ràm fo Jeraameel‑iì dzəə̀n ben.

³⁴ Sheshan wùmòʼ wáa dzə, a bó wù yòʼ‑oò ló a ker wón vee vilum. Wù kù‑uù kér a dzə̀ vee vikìy. Wù‑uù kér kwàn woo wan wìr Ejiv, a yírí dzə̀ Jarha.

³⁵ Sheshan‑eè juùr wán və e kwàn və́ woo Jarhàa, wùn wun dzəə́ Attay.

³⁶ Attay nèn wìy a dzə tàr à Natan, Natan wáa dzə tàr à Sabad,

³⁷ a Sabad dzə̀ tàr à Eflal, a Eflal dzə̀ tàr à Obed,

³⁸ a Obed dzə̀ tàr à Jehu, a Jehu dzə̀ tàr à Asaria,

³⁹ a Asaria dzə̀ tàr à Heles, a Heles dzə̀ tàr à Eleasa,

⁴⁰ a Eleasa dzə̀ tàr à Sismay, a Sismay dzə̀ tàr à Shallum.

⁴¹ Shallum wáa dzə tàr à Jekamia, Jekamia nèn a dzə tàr à Elishama.

Wír vee ràm fo Kalev

⁴² Wír vee ràm fo Kalev woo fər Jeraameeli víne. Yír wàn Kalev mbìyi dzə̀ ji Mesha. Mesha‑aà dzə̀ tàr à Tsiv, a Tsiv dzə̀ tàr à Maresha, a Maresha dzə̀ tàr à Hebron.

⁴³ Wón Hebrone‑eè dzə̀ ji Kora wùn à Tappua, à Rekem, à Shema.

⁴⁴ Shema nen wìy a dzə tàr à Raham, a Raham dzə̀ tàr à Jorkeam. Rekem‑eè dzə̀ tàr à Shammay,

⁴⁵ a Shammay dzə̀ tàr à Maon, a Maon dzə̀ tàr à Bet‑Sur.

⁴⁶ Kalev‑iì kér wiíy wo cemén, a yír rəə́ dzə̀ Efa. Wùn wun‑eè dzə̀ə́ wón ataár, aá dzə̀ ji Haran wùn à Mosa, à Gases. Haran‑eè kér wán, a yírí dzə̀ sá ji Gases.

⁴⁷ Wón Jaadayi‑iì dzə̀ ji Regem, Jotam, Geshan, Pelet, Efa, e bóo lì Shaav.

⁴⁸ Kalev kfə̀n‑eè cèm wiíy wùmòʼ, a yírí dzə̀ Maaka, wù dzəə́ Sheber wùn Tirhana.

⁴⁹ Maaka kfən dzə̀ə́ wán wùmòʼ, a yírí dzə̀ sá ji Shaav. Shaav nèn wìy a dzə tàr à wìr veé Madmanna. Wù kfən dzə̀ə́ sa Sheva woo tàr à wìr veé Makbena, à veé Gibiàa. Kalev‑iì kér sa wán woo wiíy, a yírí dzə̀ Aksa.

⁵⁰ Wír vee ràm fo Kalev ámóʼó víne. Wan və mbìy dzə̀ Hur wo wù‑uù dzəən wùn Efrata. Wàn Hur woo Shobal nèn wìy a dzə tàr à wìr veé Kiriat‑Jearim,

⁵¹ a wan və woo Salma dzə̀ tàr à wìr veé Betlehem, é bo wan və woo Harev wáa dzə tàr à wìr veé Bet‑Gader.

⁵² Wír vee ràm fo Shobal woo tàr à wìr veé Kiriat‑Jearime dzə̀ jii, Haroe woo wán və, e lì kintoʼnìn ke kfəə yee Menuhot,

⁵³ wùn à kfəə́ se sí‑iì dzəə̀n é Kiriat‑Jearim ji yé Itri, yé Put, yé Shumat, e lì yé Mishra. Wír veé Tsorat wùn à veé Eshtaoli kù‑uù dzə̀ aáwuné mvəm.

⁵⁴ Wír vee ràm fo Salma woo tàr à wìr veé Betleheme dzə̀ jii, wír veé Netofa, veé Atrot‑Bet‑Joav, à kintoʼnìn ke kfəə Manahat ki, e bóo lì ké kfəə Tsor.

⁵⁵ Wír ve vé‑eè sáŋ aŋwàʼa‑aà dzə̀ kév é Jabes, aá dzə̀ é kfəə sí kfəə si jii, yé Tirat, yé Shimeat wùn à yé Sukati. Wír vìne ràm fo Ken wo kfə́ə rə́ wùn à yé Rekavi‑iì bvəyrì vijín.