Yelemiya 45 - IBAYIBOLO 2024

Ulufingo ulwa Chala kwa Baluki

¹ Agha gho mazyu ghagho u umulaghuzi u Yelemiya akamubuzya u Baluki umwana uwa Neliya mumwaka uwafolo uwa Yehoyakimu umwana uwa Yosiya u mwene uwa chisu icha Yuda, bo u Baluki asimba mwibuku amazyu ghagho u Yelemiya akamubelengela.

² U Mwene u Chala uwa ba Izilayeli akukubuzya, “We Baluki,

³ awe ukati, ‘Chighune kukwane! U Mwene onjelezyapo ichitima pamwanya pabubavu bwane. Nalita nukukoloma sona intakubwaghapo ubutuzyo.’ ”

⁴ U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

⁵ Nkimba choni chicho ukwilondela ivintu ivya pamwanya? Utakavilondaye awe. Pakuti nkwiza pakubizila abantu nintamyo, loli kosi kuko ukubuka nkwiza pakukuleka mumi.’ ”