Ukubelengiwa 26 - IBAYIBOLO 2024

Ukubelengiwa ukwabubili

¹ Bo ichiwaya chila chamala, u Mwene akamubuzya u Mozesi poka nu Eleyazala umwana uwa muputi u Aloni akati,

² “Uchibelenge ichilundilo chosi icha ba Izilayeli ukuyana ni nyumba zyabo ukwandila umwanavuli wesi uwamaka 20 pamo ukuchilapo, yuyo angalwa ubwite.”

³ U Mozesi nu muputi u Eleyazala akanena na balongozi mumakombe agha Mowabu papipi nu lusoko ulwa Yolodani ku Yeliko akati,

⁴ “Ubabelenge abanavuli babo bali na maka 20 pamo ukuchilapo ukuyana namumo u Mwene akamulamulila u Mozesi.” Banaba bakaba ba Izilayeli, babo bakepamo muchisu icha Ijiputi.

⁵ Abaluko ulwa Lubeni umwana ukatote uwa Izilayeli bo aba: U Hanoki akaba munyenya uwa bamunyumba iya ba Hanoki. U Palu akaba munyenya uwa bamunyumba iya ba Palu.

⁶ U Heziloni akaba munyenya uwa bamunyumba iya ba Heziloni. U Kalimu akaba munyenya uwa bamunyumba iya ba Kalimi.

⁷ Ubwinji ubwa bantu bosi abaluko ulwa Lubeni, babo bakabelengiwa ukuyana ni nyumba zyabo bukaba 43,730.

⁸ Umwana uwa Palu akaba we Eliyabu.

⁹ Po abana aba Eliyabu bakaba we Nemuweli nu Datani sona nu Abilamu. U Datani nu Abilamu bakaba balongozi babo bakasaliwa ni chilundilo, sona babo bakamusambukila u Mozesi nu Aloni. Abantu banaba bakaba ba kabukatila aka bakonki aba Kola, bo bakumusambukila u Mwene.

¹⁰ Po ichisu chikasama nukubamila bosi poka nu Kola, yuyo abakonki bache bakafwa numoto ghugho ghukabalunguzya abantu 250 bala pakuba chimanyilo ichakubasoka abantu abanji bosi.

¹¹ Loli abamunyumba iya Kola batakaghoghiwa bosi.

¹² Abaluko ulwa Simiyoni ukuyana ni nyumba zyabo bo aba: U Nemuweli akaba munyenya uwa bamunyumba iya ba Nemuweli. U Yamini akaba munyenya uwa bamunyumba iya ba Yamini. U Yakini akaba munyenya uwa bamunyumba iya ba Yakini.

¹³ U Zela akaba munyenya uwa bamunyumba iya ba Zela. U Shabuli akaba munyenya uwa bamunyumba iya ba Shabuli

¹⁴ Ubwinji bosi ubwa ba Simiyoni, babo bakabelengiwa ukuyana ni nyumba zyabo bukaba 22,200.

¹⁵ Abaluko ulwa Gadi ukuyana ni nyumba zyabo bo aba: U Zefoni akaba munyenya uwa bamunyumba iya ba Zefoni. U Hagi akaba munyenya uwa bamunyumba iya ba Hagi. U Shuni akaba munyenya uwa bamunyumba iya ba Shuni.

¹⁶ U Ozini akaba munyenya uwa bamunyumba iya ba Ozini. U Eli akaba munyenya uwa bamunyumba iya ba Eli.

¹⁷ U Alodi akaba munyenya uwa bamunyumba iya ba Alodi, aba ku Aleli uwa baluko lwaba Aleli.

¹⁸ Ubwinji bosi ubwa ba Gadi, babo bakabelengiwa ukuyana ni nyumba zyabo bukaba 40,500.

¹⁹ Abaluko ulwa Yuda bakaba bo aba: U Eli nu Onani, loli bakafwila muchisu icha Kenani.

²⁰ Aba bakaba baluko ulwa Yuda ukuyana ni nyumba yabo bakaba bo aba: U Shela akaba munyenya uwa bamunyumba iya ba Shela u Pelezi akaba munyenya uwa bamunyumba iya ba Pelezi nu Zela akaba munyenya uwa bamunyumba iya ba Zela.

²¹ Abaluko ulwa Pelezi bakaba bo aba: U Heziloni akaba munyenya uwa bamunyumba iya ba Heziloni. U Hamuli akaba munyenya uwa bamunyumba iya ba Hamuli.

²² Ubwinji bosi ubwa baluko losi ulwa Yuda, babo bakabelengiwa ukuyana ni nyumba zyabo bukaba 76,500.

²³ Abaluko ulwa Isakala ukuyana ni nyumba zyabo bakaba bo aba: U Tola akaba munyenya uwa bamunyumba iya Tola. U Puwa akaba munyenya uwa bamunyumba iya ba Puwa.

²⁴ U Yashubu akaba munyenya uwa bamunyumba iya ba Yashubu. U Shimiloni akaba munyenya uwa bamunyumba iya ba Shimiloni.

²⁵ Ubwinji bosi ubwa ba Isakala, babo bakabelengiwa ukuyana ni nyumba zyabo bukaba 64,300.

²⁶ Abaluko ulwa Zebuloni ukuyana ni nyumba zyabo bakaba bo aba: U Seledi akaba munyenya uwa bamunyumba iya ba Seledi. U Eloni akaba munyenya uwa bamunyumba iya ba Eloni. U Yaleli akaba munyenya uwa bamunyumba iya ba Yaleli.

²⁷ Ubwinji bosi ubwa ba Zebuloni, babo bakabelengiwa ukuyana ni nyumba zyabo bukaba 60,500.

²⁸ Abaluko ulwa Yosefu ukuyana ni nyumba zyabo bakaba bo aba: U Manase nu Efulayimu.

²⁹ Abana aba Manase bakaba babili, u Makili nu Galiyadi. U Makili akaba munyenya uwa bamunyumba iya ba Makili. U Makili akaba munyenya uwa bamunyumba iya ba Giliyadi. U Giliyadi akaba munyenya uwa bamunyumba iya ba Giliyadi.

³⁰ Abaluko ulwa Giliyadi bakaba bo aba: U Iyezeli akaba munyenya uwa bamunyumba iya ba Iyezeli. U Heleki akaba munyenya uwa bamunyumba iya ba Heleki.

³¹ U Aziliyeli akaba munyenya uwa bamunyumba iya ba Aziliyeli. U Shekemu akaba munyenya uwa bamunyumba iya ba Shekemu

³² Shemida akaba munyenya uwa bamunyumba iya ba Shemida. U Hefeli akaba munyenya uwa bamunyumba iya ba Hefeli.

³³ U Zelofehadi umwana uwa Hefeli atakaba na bana abalumendo, loli akaba bulo na bana abalindu. Amatabwa ghabo gho agha: U Mala nu Nowa nu Hogila nu Milika sona nu Tiliza.

³⁴ Ubwinji bosi ubwa ba Manase, babo bakabelengiwa ukuyana ni nyumba zyabo bukaba 52,700.

³⁵ Aba Efulayimu ukuyana ni nyumba zyabo bakaba bo aba: U Shutela akaba munyenya uwa bamunyumba iya ba Shutela. U Bekeli akaba munyenya uwa bamunyumba iya ba Bekeli. U Tahani akaba munyenya uwa bamunyumba iya ba Tahani.

³⁶ Abaluko ulwa Shutela bakaba bo aba: Elani akaba munyenya uwa bamunyumba iya ba Elani.

³⁷ Ubwinji bosi ubwa ba Efulayimu, babo bakabelengiwa ukuyana ni nyumba zyabo bukaba 32,500.

³⁸ Abaluko ulwa Benjamini ukuyana ni nyumba zyabo bakaba bo aba: U Bela akaba munyenya uwa bamunyumba iya ba Bela. U Ashibeli akaba munyenya uwa bamunyumba iya ba Ashibeli. U Ahilamu akaba munyenya uwa bamunyumba iya ba Ahilamu.

³⁹ U Shefamu akaba munyenya uwa bamunyumba iya Shefamu.

⁴⁰ Abana abalumendo aba Bela bakaba bo aba: U Alidi nu Naamani. U Alidi akaba munyenya uwa bamunyumba iya Alidi. U Naamani akaba munyenya uwa bamunyumba iya Naamani.

⁴¹ Ubwinji bosi ubwa ba Benjamini, babo bakabelengiwa ukuyana ni nyumba zyabo bukaba 45,600.

⁴² Abaluko ulwa Dani ukuyana ni nyumba zyabo bakaba bo aba: U Shuhamu akaba munyenya uwa bamunyumba iya ba Shuhamu.

⁴³ Ubwinji ubwa baluko bosi ulwa Shuhamu, babo bakabelengiwa ukuyana ni nyumba zyabo bukaba 46,400.

⁴⁴ Abaluko ulwa Asheli ukuyana ni nyumba zyabo bakaba bo aba: U Imuna akaba munyenya uwa bamunyumba iya ba Imina. U Ishivi akaba munyenya uwa bamunyumba iya ba Ishivi. U Beliya akaba munyenya uwa bamunyumba iya ba Beliya.

⁴⁵ Abaluko ulwa Beliya bakaba bo aba: U Hebeli akaba munyenya uwa bamunyumba iya ba Hebeli. U Malikiyeli akaba munyenya uwa bamunyumba iya ba Malikiyeli.

⁴⁶ Umwana umulindu uwa Asheli akaba we Sela.

⁴⁷ Ubwinji bosi ubwa ba Asheli, babo bakabelengiwa ukuyana nu nyumba zyabo bukaba 53,400.

⁴⁸ Abaluko ulwa Nafutali ukuyana ni nyumba zyabo bakaba bo aba: U Yahizeli akaba munyenya uwa bamunyumba iya ba Yahizeli. U Guni akaba munyenya uwa bamunyumba iya ba Guni.

⁴⁹ U Yezeli akaba munyenya uwa bamunyumba iya ba Yezeli. U Shilemu akaba munyenya uwa bamunyumba iya ba Shilemu.

⁵⁰ Ubwinji bosi ubwa ba Nafutali, babo bakabelengiwa ukuyana ni nyumba zyabo bukaba 45,400.

⁵¹ Ubwinji bosi ubwa ba Izilayeli, babo bakabelengiwa bukaba 601,730.

⁵² U Mwene akamubuzya u Mozesi akati,

⁵³ “Ubagabile abantu ichisu chinichi ukuti chibanje mpyana yabo ukuyana namumo ubwinji ubwa luko lwabo lubeleye.

⁵⁴ Uluko lulo abantu bache binji, kokuti ulupe ubuzilo ubukulu, sona uluko lulo abantu bache banandi, kokuti ulupe ubuzilo ubunandi. Uluko losi lupokelaye ubuzilo ukuyana namumo ubwinji ubwa bantu, babo bakabelengiwa bubeleye.

⁵⁵ Loli wenelezye ukuti ichisu chila chagabiwa pakupanga amayele. Ubuzilo bubo uluko lukupokela, buyane na matabwa agha banyenya babo.

⁵⁶ Uchigabe ichisu chinichi pakupanga amayele pakasi pa luko ulwa bantu babo binji nu luko ulwa bantu babo banandi.”

⁵⁷ Aba Levi babo bakabelengiwa ukuyana ni nyumba zyabo bakaba bo aba: U Gelishoni akaba munyenya uwa luko lwaba Gelishoni. U Kohati akaba munyenya uwa bantu abamunyumba iya ba Kohati, sona wepe u Melali akaba munyenya uwa abamunyumba iya ba Melali.

⁵⁸ Abamunyumba iya Levi bakaba bo aba: U Libini akaba munyenya uwa abamunyumba iya ba Libini. U Hebuloni akaba munyenya uwa abamunyumba iya ba Hebuloni. U Mahili akaba munyenya uwa abamunyumba iya ba Mahili. U Mushi akaba munyenya uwa abamunyumba iya ba Mushi. U Kola akaba munyenya uwa abamunyumba iya ba Kola. U Kohati akaba we wise uwa Amulamu.

⁵⁹ Umuchi uwa Amulamu akaba we Yokebedi umwana uwa Levi, yuyo akapapiliwa muchisu icha Ijiputi. U Yokebedi akamupapila u Amulamu abana babili abalumendo, u Aloni nu Mozesi, sona nu muyemba wabo u Miliyamu.

⁶⁰ U Aloni akaba we wise uwa Nadabu nu Abihu nu Eleyazala, sona nu Itamali.

⁶¹ Loli u Nadabu nu Abihu bakafwa, bo babika umoto ghugho ghutakitikiziwa pamaso pa Mwene.

⁶² Ubwinji ubwa banavuli bosi abaluko ulwa Levi abamwezi ghoka pamo ukuchilapo, babo bakabelengiwa bukaba 23,000. Batakabelengiwa poka naba Izilayeli abanji, pakuti batakapokelapo ichilingo nachimochimo pakasi paba Izilayeli.

⁶³ Banaba bakaba ba Izilayeli babo u Mozesi nu muputi u Eleyazala bakababelenga mwikombe ilya Mowabu papipi nu lusoko ulwa Yolodani umwakwenannya nu Yeliko.

⁶⁴ Atakabapo nayumo umuntu yuyo atakabelengiwa pakasi pabantu babo u Mozesi nu Aloni bakababelenga pakwanda munkolongo iya Sinayi.

⁶⁵ Pakuti u Mwene akababuzya aba Izilayeli ukuti naloli bakwiza pakufwila munkolongo iya Sinayi, sona nukuti atakwiza pakusyalapo nayumoyumo umuntu, loli mwene u Kalebu umwana uwa Yefune, sona nu Yoshwa umwana uwa Nuni.