Ubwandilo 5 - IBAYIBOLO 2024

Nizya baluko ulwa Adamu

¹ Ulu lo lubatiko ulwa baluko ulwa Adamu. Bo u Chala abapela abantu, akabapela muchifwani chache.

² Akapela umwanavuli nu mukolo, akabasaya nukubita ukuti “Bantu.”

³ Bo u Adamu ali na maka 130, akapapa umwana umulumendo munkozya yache nukumwita ukuti we Seti.

⁴ Pisinda pache u Adamu akikala amaka aghanji 800. Akapapa sona abana abanji abalumendo na balindu.

⁵ U Adamu akafwa bo ali na maka 930.

⁶ Bo u Seti ali na maka 105, akapapa umwana umulumendo yuyo akamwita ukuti we Enoshi.

⁷ Pisinda pache u Seti akikala amaka aghanji 807. Akapapa sona abana abanji abalumendo na balindu.

⁸ U Seti akafwa bo ali na maka 912.

⁹ Bo u Enoshi ali na maka 90 akapapa umwana umulumendo nukumwita ukuti we Kenani.

¹⁰ Pisinda pache u Enoshi akikala amaka aghanji 815. Akapapa sona abana abanji abalumendo na balindu.

¹¹ U Enoshi akafwa bo ali na maka 905.

¹² Bo u Kenani ali na maka 70, akapapa umwana umulumendo yuyo akamwita ukuti we Mahalaleli.

¹³ U Kenani akikala amaka aghanji 840. Akapapa sona abana abanji abalumendo na balindu.

¹⁴ U Kenani akafwa bo ali na maka 910.

¹⁵ Bo u Mahalaleli ali na maka 65, akapapa umwana umulumendo yuyo akamwita ukuti we Yaledi.

¹⁶ Pisinda pache u Mahalaleli akikala amaka aghanji 830. Akapapa abana abanji abalumendo na balindu.

¹⁷ U Mahalaleli akafwa bo ali na maka 895.

¹⁸ Bo u Yaledi ali na maka 162, akapapa umwana umulumendo yuyo akamwita ukuti we Enoki.

¹⁹ Pisinda pache u Yaledi akikala amaka aghanji 800. Akapapa sona abana abanji abalumendo na balindu

²⁰ U Yaledi akafwa bo ali na maka 962.

²¹ Bo u Enoki ali na maka 65, akapapa umwana umulumendo yuyo akamwita ukuti we Metusela.

²² Pisinda pache u Enoki akikala mukumamatilana poka nu Chala amaka 300. Akapapa abana abanji abalumendo na balindu.

²³ U Enoki akafwa bo ali na maka 365.

²⁴ Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

²⁵ Bo u Metusela ali na maka 187, akapapa umwana umulumendo yuyo akamwita ukuti we Lameki.

²⁶ Pisinda pache u Lameki akikala amaka aghanji 782. Akapapa sona abana abanji abalumendo na balindu.

²⁷ U Metusela akafwa bo ali na maka 969.

²⁸ Bo u Lameki ali na maka 182, akapapa umwana umulumendo.

²⁹ U Lameki akati, “Ukufuma kwitope lilyo u Mwene akalighuna, ukwendela mu mwana yunuyu tukwiza pakupepuliwa kumbombo zyitu inkafu.” Po akamwita ukuti we Nowa.

³⁰ Pisinda pache u Lameki akikala amaka aghanji 595. Akapapa sona abana abanji abalumendo na balindu.

³¹ U Lameki akafwa bo ali na maka 777.

³² Bo u Nowa ali na maka 500, akapapa u Shemu nu Hamu, sona nu Yafeti.