Ubwandilo 36 - IBAYIBOLO 2024

Abaluko ulwa Esabu

¹ Aba bo abaluko aba Esabu, sona yuyo akitiziwanga ukuti Edomu.

² U Esabu akasenda abakolo aba mu Kenani aba: U Ada umwana uwa Eloni, umu Hiti nu Oholibama umwana uwa Ana, umwizukulu uwa Zibeyoni umu Hivi,

³ nu Basemati, umwana uwa Ishimayeli, umuyemba uwa Nebayoti.

⁴ U Ada akapapa u Elifazi, u Basemati akapapa u Leweli,

⁵ u Oholibama akapapa u Yewushi nu Yalamu nu Kola. Banaba bakaba bana ba Esabu, babo bakapapiliwa muchisu icha Kenani.

⁶ Po u Esabu akabasenda abachi bache, abana bache abalumendo na balindu, sona na bantu bosi babo akikalagha nabo munyumba yache, poka ni vitekwa vyache vyosi nu katundu wesi yuyo akakaba muchisu icha Kenani nukwepapo pamaso pa muzuna wache u Yakobo, po akabuka kuchisu ichinji.

⁷ Akabomba bunubu pachifukwa ichakuti ubuzilo bubo bakikalagha nu Yakobo bukaba bunandi nkani pakuti bosi bakaba ni vitekwa ivyinji nkani. Po batakaba bakuti bangikala poka nu wamwabo yula.

⁸ Po u Esabu akikala muchisu icha maghamba icha Edomu.

⁹ Aba bo abaluko ulwa Esabu umunyenya uwa bantu aba Edomu babo bakikala muchisu icha maghamba icha Edomu.

¹⁰ Agha gho amatabwa agha bana aba Esabu: U Elifazi umwana yuyo akamupapila u Ada nu Leweli yuyo akamupapila u Basemati.

¹¹ Abana aba Elifazi bo aba: U Temani nu Omali nu Zefo nu Gatamu nu Kenazi.

¹² U Elifazi umwana uwa Esabu akaba nu muchi umuzya yuyo akaba we Timuna, yuyo akamupapila u Amaleki. Aba bakaba bizukulu aba Esabu babo akapapa nu Ada.

¹³ Abana aba Leweli bo aba: Nahati nu Zela nu Shama sona nu Miza. Aba bo abizukulu aba Basemati umuchi uwa Esabu.

¹⁴ Aba bo bana aba Esabu babo akamupapila u Oholibama umwana uwa Ana umwizukulu uwa Zibeyoni: U Yewushi nu Yalamu sona nu Kola.

¹⁵ Aba bo bamwene mubaluko ulwa Esabu: Abana aba Elifazi ukatote uwa Esabu bo aba: U Temani nu Omali nu Zefo nu Kenazi,

¹⁶ nu Kola nu Gatamu nu Amaleki. Aba bo bamwene babo bakafuma mwa Elifazi muchisu icha Edomu. Banaba bakaba bana aba Ada.

¹⁷ Mwa Leweli umwana uwa Esabu, mukafuma abamwene aba: U Nahati nu Zela nu Shama nu Miza. Banaba bakaba bamwene babo bakafuma mwa Leweli muchisu icha Edomu. Banaba bakaba bana aba Basemati umuchi uwa Esabu.

¹⁸ Aba bo bamwene babo bakafuma mwa Oholibama umuchi uwa Esabu: U Yewushi nu Yalamu nu Kola. Banaba bakaba bamwene babo bakafuma mwa Oholibama, umwana uwa Ana, umuchi uwa Esabu.

¹⁹ Abamwene bosi banaba bakafuma mwa Esabu.

Abaluko ulwa Seyili

²⁰ Aba bo abana abalumendo aba Seyili umu Holi, babo bakikalagha muchigaba chilachila: U Lotani nu Shobali nu Zibeyoni nu Ana,

²¹ nu Dishoni nu Ezeli sona nu Dishani. Banaba bakaba bana aba Seyili muchisu icha Edomu babo bakaba abamwene aba Chiholi.

²² U Lotani akapapa: U Holi nu Homami. U Timuna akaba muyemba uwa Lotani.

²³ Abana aba Shobali bakaba bo aba: U Alivani nu Manahati nu Ebali nu Shefo nu Onamu.

²⁴ Abana aba Zibeyoni bakaba bo aba: U Ayiya nu Ana. U Ana weyuyo akazyagha imbwibwi izya mizi amapye munkolongo, bo akudima impunda izya wise u Zibeyoni.

²⁵ Abana aba Ana bakaba bo aba: U Dishoni nu Oholibama umwana umulindu uwa Ana.

²⁶ Abana aba Dishoni bakaba bo aba: U Hemudani nu Eshibani nu Itilani sona nu Kelani.

²⁷ U Ezeli akapapa: U Bilihani nu Zavani sona nu Akani.

²⁸ U Dishani akapapa: U Uzi nu Alani.

²⁹ Aba bakaba abamwene aba Chiholi: U Lotani nu Shobali nu Zibeyoni nu Ana,

³⁰ nu Dishoni nu Ezeli nu Dishani. Banaba bakaba bamwene aba Chiholi ukuyana nuluko lwabo muchisu icha Seyili.

Abamwene aba mu Edomu

³¹ Aba bo bamwene babo bakalaghilagha muchisu icha Edomu, bo abamwene aba ba Izilayeli batandite pakulaghila:

³² U Bela umwana uwa Bewoli akaba we mwene uwamu Edomu, yuyo akaya kache akakulu nkani kakitiziwanga ukuti Dinihaba.

³³ Bo u Bela afwa, u Yobabu umwana uwa Zela uwa muchisu icha Bozila akamupyana pakuba we mwene.

³⁴ Bo u Yobabu afwa, u Hushamu uwa muchisu icha Tema akamupyana pakuba we mwene.

³⁵ Bo Hushamu afwa, u Hadadi umwana uwa Bedadi, yuyo akamupota u Midiyani mu Mowabu, akamupyana pakuba we mwene. Akaya kache kala kakitiziwanga ukuti Aviti.

³⁶ Bo u Hadadi afwa, u Samila uwa muchisu icha Masileka akamupyana pakuba we mwene.

³⁷ Bo u Samila afwa, u Shabuli uwa muchisu icha Lehoboti mulubazu ulwa lusoko akamupyana pakuba we mwene.

³⁸ Bo u Shabuli afwa, u Baala Hanani umwana uwa Akiboli akamupyana pakuba we mwene.

³⁹ Bo u Baala Hanani umwana uwa Akiboli afwa, u Hadadi akamupyana pakuba we mwene. Akaya kache kala kakitiziwanga ukuti Pawu. Umuchi wache akaba we Mehetabeli umwana uwa Matiledi umwana umulindu uwa Mezahabi.

⁴⁰ Agha gho matabwa agha bamwene babo bakapapiwa mwa Esabu, ukuyana nuluko lwabo, sona nu buzilo bubo bakikalako, ukuyana na matabwa ghabo: U Timuna nu Aliva nu Yeteti

⁴¹ nu Oholibama nu Ela nu Pinoni

⁴² nu Kenazi nu Temani sona nu Mibizali

⁴³ nu Magidiyeli nu Ilamu. Aba bo bamwene aba mu Edomu kokuti Esabu umunyenya uwa bantu aba mu Edomu, ukuyana nu buzilo bubo bakikalako pakuba bwabo nu bwabo.