Nehemiya 7 - IBAYIBOLO 2024

¹ Bo ulupaso lula lwamala pakuzengiwa, nkabikilapo inyiyi na balindilili aba pamulyango, na bimbi sona naba Levi babo nkabasala.

² Nkamubika uwamwitu u Hanani poka nu Hananiya, usongo uwa basilikali ukuti enelezyanje akaya akakulu nkani aka Yelusalemu, pakuti akaba muntu umusubiliwa, sona akamunyilagha u Chala ukubachila abantu bosi.

³ Nkababuzya nkati, “Mutakighulaye inyiyi izya kaya akakulu nkani aka pene papo kwapya. Bo abalindilili bachili bali pambombo, mwighalileko ni mpingwi. Mubasale abantu aba mu Yelusalemu pakuba balindilili, umwakuti bamo balindililaye mubuzilo bwabo sona abanji balindililaye papipi ni nyumba zyabo.”

Abantu babo bakanyokako kubuzya

⁴ Pakabalilo kalakala akaya akakulu nkani aka Yelusalemu kakaba kakulu nkani, loli mukabamo bantu abanandi bulo sona inyumba zitakabamo nyinji.

⁵ Po u Chala wane akampa inyinong'ono izyakuti imbabungannye poka abalongozi na makambala sona na bantu bosi ukuti imbasimbe ukuyana ni nyumba zyabo. Nkalyagha ibuku ilya mbili lilyo mukasimbiwamo amatabwa agha bantu babo bakaba bakwanda pakunyokako kubukayidi. Ivi vyo vivyo vikasimbiwa mwibuku lilalila:

⁶ Aba bo bantu aba muchigaba, babo bakanyokako kubuzya, babo u mwene u Nebukadineza uwamu Babiloni akabalema pakuba bazya. Bosi bakanyokela ku Yelusalemu na kuchisu icha Yuda sona umuntu wesi akabwela kukaya kache akakulu,

⁷ umwakulongoziwa nu Zelubabeli nu Yeshuwa nu Nehemiya nu Azaliya nu Lamiya nu Nahamani nu Molidikayi nu Bilishani nu Misipeleti nu Bigivayi nu Nehumu sona nu Baana. Ubwinji ubwa bantu aba mu Izilayeli bukaba bo ubu:

⁸ Abaluko ulwa Paloshi bakabapo 2,172.

⁹ Abaluko ulwa Shefatiya bakabapo 372.

¹⁰ Abaluko ulwa Ala bakabapo 652.

¹¹ Abaluko ulwa Pahati Mowabu, kokuti abaluko ulwa Yeshuwa nu Yowabu bakabapo 2,818.

¹² Abaluko ulwa Elamu bakabapo 1,254.

¹³ Abaluko ulwa Zatu bakabapo 845.

¹⁴ Abaluko ulwa Zakayi bakabapo 760.

¹⁵ Abaluko ulwa Binuyi bakabapo 648.

¹⁶ Abaluko ulwa Bebayi bakabapo 628.

¹⁷ Abaluko ulwa Azigadi bakabapo 2,322.

¹⁸ Abaluko ulwa Adonikamu bakabapo 667.

¹⁹ Abaluko ulwa Bigivayi bakabapo 2,067.

²⁰ Abaluko ulwa Adini bakabapo 655.

²¹ Abaluko ulwa Ateli, kokuti abaluko ulwa Hezekiya bakabapo 98.

²² Abaluko ulwa Hashumu bakabapo 328.

²³ Abaluko ulwa Bezayi bakabapo 324.

²⁴ Abaluko ulwa Halifu bakabapo 112.

²⁵ Abaluko ulwa Gibeyoni bakabapo 95.

²⁶ Abantu aba mu Betelehemu naba mu Netofa bakabapo 188.

²⁷ Abantu aba mu Anatoti bakabapo 128.

²⁸ Abantu aba mu Beti Azimaveti bakabapo 42.

²⁹ Abantu aba mu Kiliyati Yeyalimu, naba mu Kefila, sona naba mu Beloti bakabapo 743.

³⁰ Abantu aba mu Lama naba mu Geba bakabapo 621.

³¹ Abantu aba mu Mikimashi bakabapo 122.

³² Abantu aba mu Beteli naba mu Ayi bakabapo 123.

³³ Abantu aba mu Nebo bakabapo 52.

³⁴ Abantu aba mu Elamu bakabapo 1,254.

³⁵ Abantu aba mu Halimu bakabapo 320.

³⁶ Abantu aba mu Yeliko bakabapo 345.

³⁷ Abantu aba mu Lodi, naba mu Hadidi, naba mu Ono bakabapo 721.

³⁸ Abantu aba mu Sena bakabapo 3,930.

³⁹ Abaputi bakaba bo aba: Abaluko ulwa Yedaya, kokuti abaluko ulwa Yeshuwa bakabapo 973.

⁴⁰ Abaluko ulwa Imeli bakabapo 1,052.

⁴¹ Abaluko ulwa Pashulu bakabapo 1,247.

⁴² Abaluko ulwa Halimu bakabapo 1,017.

⁴³ Aba Levi bakaba bo aba: Abaluko ulwa Yeshuwa nu Kadimiyeli, kokuti abaluko ulwa Hodaviya bakabapo 74.

⁴⁴ Abimbi bakaba bo aba: Abaluko ulwa Asafu bakabapo 148.

⁴⁵ Abalindilili aba pamulyango uwa Nyumba iya Chala bakaba bo aba: Abaluko ulwa Shalumu nulwa Ateli nulwa Talimoni nulwa Akubu nulwa Hatita sona nulwa Shobayi bosi poka bakabapo 138.

⁴⁶ Ababombi aba mu Nyumba iya Chala bakaba bo aba: Abaluko ulwa Ziha nulwa Hasufa nulwa Tabawoti,

⁴⁷ nulwa Kelosi nulwa Siya nulwa Padoni,

⁴⁸ nulwa Lebana nulwa Hagaba nulwa Shalimayi,

⁴⁹ nulwa Hanani nulwa Gideli nulwa Gahali

⁵⁰ nulwa Leyaya nulwa Lezini nulwa Nekoda,

⁵¹ nulwa Gazamu nulwa Uza nulwa Paseya,

⁵² nulwa Besayi nulwa Mewunimu nulwa Nefusimu,

⁵³ nulwa Bakibuki nulwa Hakufa nulwa Halihuli,

⁵⁴ nulwa Baziluti nulwa Mehida nulwa Halisha,

⁵⁵ nulwa Balikosi nulwa Sisela nulwa Tema,

⁵⁶ nulwa Neziya nulwa Hatifa.

⁵⁷ Abaluko ulwa bambombo aba Solomoni bakaba bo aba: Abaluko ulwa Sotayi nulwa Sofeleti nulwa Pelida,

⁵⁸ nulwa Yaala nulwa Dalikoni nulwa Gideli

⁵⁹ nulwa Shefatiya nulwa Hatili nulwa Pokeleti Hazebayimu sona nulwa Amoni.

⁶⁰ Ababombi aba mu Nyumba iya Chala, poka na baluko ulwa bambombo aba Solomoni bakabapo 392.

⁶¹ Abantu aba bakafumagha mukaya akakulu aka Telemela naka Teli Halisha naka Kelubi naka Adoni sona naka Imeli, loli batakamanyagha akiza nkani ukuti bakaba baluko ulwa Izilayeli.

⁶² Abaluko ulwa Delaya nulwa Tobiya, sona nulwa Nekoda bakabapo 642.

⁶³ Abaputi bamo bakaba bo aba: Abaluko ulwa Hobaya naba Hakozi naba Balizilayi yuyo akamusenda umwana umulindu uwa Balizilayi umu Giliyadi yuyo akitiziwanga ni tabwa ilya wisevyala.

⁶⁴ Abantu banaba bakalondelezya amabuku agha mbili iya banyenya babo, loli bakapotwa pakughagha, po batakitiziwa pakubomba imbombo iya baputi.

⁶⁵ Umulaghili uwa chisu akabalamula ukuti batakalyanje ivyakulya ivipaghuliwa mupaka pabanjepo umuputi uwakubombezya Ulimu nu Tumimu.

⁶⁶ Ubwinji bosi ubwa bantu bukaba 42,360

⁶⁷ ukusita ukubelengelako abambombo 7,337 abanavuli na bakolo sona na bimbi 245 abanavuli na bakolo.

⁶⁸ Bakaba ni Falasi 736, na bana aba mpunda 245,

⁶⁹ ni ngamila 435, sona impunda 6,720.

⁷⁰ Abalongozi bamo abamunyumba bakasangula ivintu vivyo vikalondiwa pambombo. Umulaghili uwa chisu akabika kunyambi amakilogalamu 80 agha golide na mabeseni 50 sona ni nkazo izya buputi 530.

⁷¹ Abalongozi bamo abamunyumba abanji babo bakaba balongozi abaluko lwabo bakasangula indalama izyakukwana 20,000 nu golide amakilogalamu 168, sona nu siliva amakilogalamu 1,250.

⁷² Po abantu abanji bosi bakasangula indalama 168 ni ndalama izya siliva amakilogalamu 140 sona ni nkazo izya baputi 67.

⁷³ Abaputi naba Levi na bimbi na balindilili aba pamulyango sona na babombi aba mu Nyumba iya Chala bakikalagha mutwaya utukulu utwabo nu twabo poka na bantu abanji sona aba Izilayeli abanji bosi bakikalagha mutwaya twabo utukulu.