Masalimo 95 - IBAYIBOLO 2024

Ulwimbo ulwamapalo

¹ Zagha tumwimbilaye u Mwene umwakuhoboka, zagha tukolomokelaye kwi lyalabwe ilya bupoki bwitu.

² Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

³ Pakuti u Mwene we Chala umukulu, we Mwene umukulu nkani ukubachila abachala bosi.

⁴ Ubwibizu ubwa chisu ichapasi buli munyobe zyache, sona zyope isonga izya maghamba amatali nkani zyache.

⁵ Inyanja yache, pakuti weyuyo akayipela, sona inyobe zyache zyo zizyo zikachimata ichisu ichapasi.

⁶ Zagha tumulambilaye nukumwiputa, zagha tumufughamililaye u Mwene Umupeli witu.

⁷ Pakuti we Chala witu, po aswe twe bantu aba pabuzilo ubwa kudimapo, imidimo yiyo akuyisungilila. Po nanti ilelo mukwivwa izyu lyache,

⁸ “Mutakabanje na moyo amakafu, ngati mumo mukabombela pa Meliba, sona ngati mumo mukabombela pa Masa munkolongo.

⁹ Mulamula Abanyenya binyu bakanjela nukumpelela intamyo, napapo bakavyennya ivintu vivyo nkabomba.

¹⁰ Nkayikalalila inkulilo yila amaka 40, po nkati, ‘Amoyo ghabo ghakupulumpa, sona batakukonka amalamulo ghane.’

¹¹ Po nkalapa mubukalale bwane nkati, ‘Batakwiza pakwinjilamo nalumo muchisu chane icha butuzyo.’ ”