Masalimo 93 - IBAYIBOLO 2024

U Chala u Mwene

¹ U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

² Ichitengo chako icha bumwene chikalanite ukufuma kale bulo, ukwandila po pakwanda, awe we bwila na bwila.

³ Wee Mwene, inyanja inkulu nkani zyapoma, momumo, zyakwezya amazyu ghache, zyakwezya ukupoma kwache.

⁴ Ukupoma ukwa mizi aminji nkani kwa maka. Amayigha agha nyanja gha maka nkani, loli u Mwene uwapamwanya wamaka nkani.

⁵ Amalamulo ghako ghatakwanduliwa nalumolumo. Wee Mwene ubuzelu bwako bulaghilaye inyumba yako bwila na bwila.